الموضوع: زيت فتيس لانسر بوما 1600 اتوماتيك 2008

قمت بتغيير زيت الفتيس بمركز لموبيل فلم يكن موجود زيت موبيل فقام بتغيير الزيت بنوع ألمانى اسمه Venol ATF II-DexronII-و بالرجوع للكتالوج و جدت المطلوب ATF III فهل هناك خطورة على الفيتيس و يجب تغيير الزيت أم لا.

المشاركة الأصلية كتبت بواسطة aymanghaffar

قمت بتغيير زيت الفتيس بمركز لموبيل فلم يكن موجود زيت موبيل فقام بتغيير الزيت بنوع ألمانى اسمه Venol ATF II-DexronII-و بالرجوع للكتالوج و جدت المطلوب ATF III فهل هناك خطورة على الفيتيس و يجب تغيير الزيت أم لا.

مفيش حاجه اسمها ATF III .. لازم يكون معاها توضيح اضافى كمان ( حسب ماركه السياره ) .. زيت فتيس الميتسوبيشى و الهونداى و الكيا بيكون SP للفتيس العادى ( موش الاوتوماتيك CVT )


يعنى لو عربيتك الفتيس الاوتوماتيك العادى حيكون الكتالوج طالب ATF SP III .. و ده مختلف عن ATF Dexron III
و لو فتيس عربيتك CVT .. فده ليه زيت مخصوص لل CVT
ال ATF SP III مختلف عن ATF Dexron III .. زيت موبيل 320 ده زيت فتيس ATF Dexron III


دلوقتى انت حطيت ديكسرون 2 .. يعنى بعيد عن مواصفتك سواء فى النوع او الرقم .. الافضل انك تغيره للحفاظ على الفتيس و الكلاتشات لعمر اطول و النقل يكون انعم
اى زيت بيدخل للفتيس صعب التخلص منه بالكامل لان فيه جزء بيكون فى محول العزم
ممكن تغير الزيت مرتين ورا بعض علشان كميه الديكسرون 2 تقل فى الفتيس


لكن فيه موضوع فى المنتدى بيبين الطريقه الصحيحه لتغيير زيت الفتيس حسب الكتالوج ..
فيه كمان كيفيه تغييره بالكامل لو حبيت ( و لو عملت كده يبقى لازم الحذر الشديد و اتباع التعليمات بدقه )