الموضوع: انا مضايق جدااااااااااااااااااااااا اااااا

السلام عليكم
اولا كل عام وانتم بخير
بصوا يا جدعاان انا اتعلمت السواقه من شهر فى خلوصى كار والحمد لله استفدت اي نعم لازم تظبط السواق الى معاك فى العملى عشان يسيبك تسوق
المهم الموضوع الى مضايقنى انى تبع مرور طوخ - قليوبية وكل ما اسال حد يوقلك لازم واسطه المهم لقيت واسطه من فترة واخد الورق والفلوس (( انا مستحرم حته دفع الفلوس )) المهم عدوا 10 ايامام والراجل يقولى هاتتصور بكره بعده لغايه ما قلتلوا مش هاعمل رخص واخدت منه الورق والفلوس
رحت امبارح زى السبع على المرور قولت اعمل الرخصه لوحدى المهم من اقول العسكرى الى تحت والواد الى بيصور تحت يقولى لازم واسطه وانا طنشت
المهم اقدمت الورق وقالولى امتحان اشارات الساعة 11 صباحا
استنيت بره لان كان المرور زحمة جدااا وخنقه
دخلت الامتحان على 11.20 الامين اقعدنى علىالكمبيوار ودخل رقم على برنامج الاسئله مفتحش
قالى قوم انا شويه وراجع
المهم رجع ومعاه اتنبن امتحنهم نجحوا وهو واقف جنبهم
المهم انا شغلىالبرنامج وسابنى
12 سؤال 2 اشارات والباقى قى اجزاء العربية ومواقف ممكن تقابلك تتصرف فيها ازاى
المهم انا حليت حوالى 85 % منها صح الاقىالنتيجه 50 % والامين بيقولى تيجى بعد تسعين يوم
طيب انا اتجننت يعنى الناس الى واقفه تطلع رخص ومهنيه كمان دول عدوا الامتحان ده اشك
ثانيا انا لو لقيت واسطه لازم استنى الثلاث شهور دول ولا ايه ؟
معلش وجعت دمتغكوا

شكرا على ردودكم الغالية
وكل عام وانتم بخير
وربنا يصلح حالنا يارب