الموضوع: مجموعة اسألة عن موتور المياة

المشاركة الأصلية كتبت بواسطة khaledinside

الفلوماك توصيلة سهل جداً - هو فية فردتين In وفردتين Out - الفردتين الى فوق بتوصلهم بالكهرباء عندك فى البيت والفردتين اللى تحت بتوصلهم بالموتور - وراجع الكاتلوج يمكن يكون الموديل اللى معاك مختلف . - الفلوماك اللى عندى لونة اصفر شبة دة كدة بس مش فاكر ماركتة :

وأكد عليك مرة تانية - راجع الكاتلوج

لو انت موصل التوصيلات صح ومبيشتغلش معاك بسهولة - ممكن تكون محدد ضغط التشغيل على قيمة اقل من الضغط اللى جى من المياة العمومية - مثلا لو انت مخلى الموتور يشتغل عند ضغط 1 بار والمية جاية من العمومى 2 بار - الموتور مش هيشتغل الا لما تفتح الحنفية قرب الاخر
بتزود قيمة ضغط التشغيل من المسمار اللى فى بوز القطعة الصفرا - اتجاه اليمين - ويستحسن تستعين بسباك او انتظر رأى الخبراء فى المنتدى - لانى بصراحة مجربتش اغير القيمة عندى - بس دة اللى انا قريتة فى الكاتلوج

شكرا لرد حضرتك الوصلات متوصلة في الفلوماك
وانا فعلا جبت اكتر من سباك ومحدش عارف يظبطة الفلوماك بيفضل عند قطع المياة ولكن مش بيشتغل لوحدة لازم افصل الفيشة واركبها اكتر من مرة او الضغط علي الزرار الاحمر

المشاركة الأصلية كتبت بواسطة khaledinside

تقريباً لية فترة زمنية بيشوف فيها المية جت ولا لا - اعتقد ربع ساعة - بس عامة السباكين حافظين مش فاهمين - اقرا الكاتلوج كلة واكيد هتلاقى الحل ان شاء الله

ايوا بالفعل هو تقريبا كل ربع ساعة بيشتغل وبيفصل علي طول لكن اول ما تشتغل المياه مبيشتغلش لوحدة.
والكتالوج ضاع للاسف معرفش اعمل ايه

المشاركة الأصلية كتبت بواسطة mohamedvip

ايوا بالفعل هو تقريبا كل ربع ساعة بيشتغل وبيفصل علي طول لكن اول ما تشتغل المياه مبيشتغلش لوحدة.
والكتالوج ضاع للاسف معرفش اعمل ايه

وصلة زى الصورة اللى انا حطتها . اللى فوق باور واللى تحت للموتور
وشغل الموتور وخلى الحنفية مقفولة . لحد ما يبقى فاصل . خلى حد عندك فى الشقة خلية يفتح الحنفية بسيط . وبص على مؤشر الضغط . هتلاقية بينزل . اول ما يوصل ل ١.٧٥ بار والموتور مشتغلش حرك المسمار اللى فى بوز الفلوماك ناحية اليمين لفة واحدة (اتجاه عقارب الساعة) وعيد نفس التجربة لحد ما يبدء يشتتغل عند ١.٧٥ بار . وفى كل مرة جرب تقفل المية واستنى ٣٠ ثانية لحد ما الموتور يفصل . لو فصل يبقى التوصيلات الكهربية صح . ولو مفصلش يبقى غلط . وان شاء الله يشتغل معاك

المشاركة الأصلية كتبت بواسطة khaledinside

وصلة زى الصورة اللى انا حطتها . اللى فوق باور واللى تحت للموتور
وشغل الموتور وخلى الحنفية مقفولة . لحد ما يبقى فاصل . خلى حد عندك فى الشقة خلية يفتح الحنفية بسيط . وبص على مؤشر الضغط . هتلاقية بينزل . اول ما يوصل ل ١.٧٥ بار والموتور مشتغلش حرك المسمار اللى فى بوز الفلوماك ناحية اليمين لفة واحدة (اتجاه عقارب الساعة) وعيد نفس التجربة لحد ما يبدء يشتتغل عند ١.٧٥ بار . وفى كل مرة جرب تقفل المية واستنى ٣٠ ثانية لحد ما الموتور يفصل . لو فصل يبقى التوصيلات الكهربية صح . ولو مفصلش يبقى غلط . وان شاء الله يشتغل معاك

اولا شكرا لاهتمام حضرتك والرد علي الاسئلة
ثانيا انا الفلوماك اللي غندي مختلف وبدون مؤشر لكن هحاول اعمل نفس الخطوات واجرب يظبط او لا