عرض للطباعة
العربية سبيرانزا 516 عاملة 146550، حالة الموتور جيدة جداً، استهلاك البنزين عادي.
بقالي فترة باحس صوت الموتور عالي أثناء الحركة مع إن عداد ال rpm في حدوده المنطقية.
الشكمان مافيهوش مشكلة و الصوت العالي من قدام.
مش بلاحظ علو الصوت و العربية واقفة و لا عالبطئ.
ايه ممكن يكون السبب؟ و لاّ انا اللي رامي ودني زيادة عن اللزوم؟
متحولش تركز ممكن تكون عربيه لسه مش سخنه فى الاول تحس بكده ممكن بكون كدا حاجه جوان فرن الشكمان بنفس او بليه صوتها مش حلو او طرمبه ميه خشنه فى اسباب كتر
طلام السحب كويس مش بقل مع رفع الاربى ام متشعلش بالك
هو سحب العربية لحد ال 60 مش قد كده.اقتباس:
المشاركة الأصلية كتبت بواسطة dvdaio15
الرجاء التنظيف حساس الاكسجين ..... هو المسبب في ارتفاع صوت المحرك وقلة السحب
حساس الأكسجين هو اللي الناس بتقول عليه حساس الشكمان؟اقتباس:
المشاركة الأصلية كتبت بواسطة ALshahba
تماماقتباس:
المشاركة الأصلية كتبت بواسطة NaAZoOR
العربيه لو مخنوقه بتحس الموتور صوته عالى .. و تحسها اكتر لما تكبس بنزين و العربيه مخنوقه .. و اول ما العربيه تأخذ سرعتها تلاقى الصوت هدى
و كده كده .. شكمان الاسبرانزا مسموع دائما
علامه حساس الشكمان .. استهلاك زايد للبنزين .. اعتقد ملوش علاقه مباشره بالخنقه
تنظيف حساس الاكسجين .. معظم الكلام على النت انه لا يتم تنظيفه و مفيش حاجه مؤكده ( ماده محدده ) لتنظيفه .. لكن عندنا هنا بينظفوه
الحساس مصنوع من مواد خاصه ( غاليه الثمن ) .. و ليه طبقه حمايه خاصه برضه
و لو نظفته بلاش تسنفره من بره .. بترش منظف كربراتير داخل الثقوب لتنظيفه من الكربون من الداخل .. و حافظ على سلك الفيشه لانه موش سلك عادى
ده تكوين حساس الاكسجين
http://www.nilemotors.net/Nile/49564...sor-works.html
ممكن تجرب منظف دوره وقود .. بس اقرأ فى المنتدى عن خطواتها و بتغير فلتر بنزين
استهلاك البنزين معايا طبيعي، و المركز اللي باصيّن عنده رفضوا ينضفوه قبل كده و قالولي مالوش لازمة تنضفه.اقتباس:
المشاركة الأصلية كتبت بواسطة tasaka
شكراً عاللينك و التوجيه :)
أنا نضفت الرشاشات بالألتراسونيك و فرقت في السحب.اقتباس:
المشاركة الأصلية كتبت بواسطة tasaka
استهلاك البنزين مظبوط .. يبقى حساس الاكسجين شغال مظبوط .. يبقى سيبه فى حاله لان تمنه غالىاقتباس:
المشاركة الأصلية كتبت بواسطة NaAZoOR
فيه منظف رشاشات .. و فيه منظف دوره وقود كامله ( بما فيها الرشاشاتاقتباس:
المشاركة الأصلية كتبت بواسطة NaAZoOR
انا باتكلم عن دوره وقود كامله .. و موش شرط يعمل فرق كمان لو استعملته
انت ممكن تنظف البوابه و المانفولد من جوه ( ورا البوابه ) ده عمل معى فرق كبير فى استهلاك البنزين و استغربت بصراحه .. تستعمل نوع منظف اسمه Intake Cleaner ( موش منظف كاربيرتير )
للمنفولد انا فتحت البوابه و رشيت اسبراى جوه كميه .. بس خلى بالك ده سريع الاشتعال .. يعنى العربيه تسيبها ساعه او اثنين قبل ما تفكر تدورها .. و استعمال منظف ال Intake و الغربيه بارده الصبح قبل تدويرها .. احذر لانه ممكن يولع لك العربيه
و بعدين ده فيه عوامل كتير جدا .. بوجيهات و EGR و مانفولد .. و زيت موتور قديم .. فلاتر بنزين و هوا .. شكمان مسدود شويه
يعنى موش حتخلص
بس اعمل التنظيف الدورى .. نظف فلتر هوا او غيره لو موش كويس و تجيب الاصلى .. نفس الامر لفلتر البنزين
اتأكد ان البوجيهات رقمها هو رقم الكتالوج ( ان امكن التأكد )
و ابعد نهائى عن حساس الهوا MAF اللى بيركب على علبه فلتر الهوا علشان يقيس الهوا الداخل .. ده بقى بالذات لا ينظف نهائى و عمره طويل جدا جدا ممكن 100 او 150 الف و اكتر ..
و ده مطلى بدهانات خاصه .. لو اى منظف غير المنظف الخاص لل MAF اترش على الحساس ( المنظف الخاص موش موجود فى مصر طبعا ) .. طبقات الدهان دى بتروح .. و هو كمان غالى جدا اغلى من حساس الاكسجين
و خد منى نصيحه لوجه الله .. سيب كبوت العربيه مقفول احسن طول ما هى سليمه .. كل ما حتفتحه علشان تخليها مرسيدس طول ما هى حتسوء اكتر و تظهر اعطال لم تكن موجوده اصلا ( نتيجه الفك و التركيب )
هى اسبرانزا و حتفضل اسبرانزا .. تقبل الامر .. و هى لوحدها حتتظبط مع الوقت
تحذير لتنظيف المنفول ب ال Intake Cleaner
للمنفولد انا فتحت البوابه و رشيت اسبراى جوه كميه كتيره شويه .. بس خلى بالك ده سريع الاشتعال .. يعنى العربيه تسيبها ساعه او اثنين قبل ما تفكر تدورها أأمن .. و استعمال منظف ال Intake و الغربيه بارده الصبح قبل تدويرها .. احذر لانه ممكن يولع لك العربيه
لما حساس الاكسجين يبدئ يتوسخ .. الاستهلاك بيزيد تدريجى .. يعنى بدل 200 تعمل مثلا 150
لما بيتوسخ جدا .. الاستهلاك بيبقى واضح جدا .. ممكن مثلا تعمل 100 او اقل كمان .. و ساعتها لمبه الاعطال بتنور ( حسب نسبه الزياده المسموحه فى الكمبيوتر و لنفرض انها بتنور على 25% زياده مثلا )
ساعتها الناس بتفك الحساس و بتنظفه .. لو لسه سليم .. الامور بتتحسن و بيرجع استهلاك البنزين زى الطبيعى بتاع العربيه .. لو بايظ بيتغير ( طبعا بره بيغير على طول و مفيش محاوله تنظيف )
و كتير جدا عندنا الامور بتتحل بالتنظيف لان المشى البطيئ و المسافات القصيره بتكون كربون .. و مفيش مشاوير طويله علشان تحرق الكربون ده و تنظف حساس الاكسجين .. فبيكون الحساس سليم و لكن عليه كربون زياده جدا مثلا
قبل الحل و التنظيف .. المفروض كام مشوار طويل علشان الحساس ينظف نفسه طبيعى بدون لعب فيه
ألف شكر عالمعلومات الهامة و المفيدة