الموضوع: «كيا» ستينغر 2018 تخطف الأنظار في معرض أمريكا الشمالية

المشاركة الأصلية كتبت بواسطة borio1704

أتفق معاك في إن العدد القليل لموديلات كيا في الدراسة ممكن يكون مأثر على النتائج.. خصوصا إن كيا نازلة بكامل مجموعتها تقريبا في أمريكا..

وأتفق بردو معاك إنهم مركزين قوي خصوصا في الفئات الكبيرة الملفتة للنظر..

بس مسألة إنها مش هتقدر تنافس لكزس.. دي أختلف معاك فيها بصراحة...

الفكرة إن كيا بتحاول تحط نفسها في مركز مرموق.. يمكن مش لدرجة إنها تصنف نفسها كماركة فاخرة زي مرسيدس ولكزس.. لإن مجموعة هيونداي-كيا عندها فعلا ماركة جنيسس اللي بتنافس في الفئة دي..

بس أعتقد إن كيا بتحاول تحط نفسها كشركة في مستوى أعلى من المتوسط.. يعني أقل من الفاخرة وأعلى من الاقتصادية... حاجة كده زي فولفو أو بيجو أو ألفاروميو أو كرايسلر.. أو حتى ميركيوري بتاعت زمان.

لو شفت الموديلات العالية من كيا هتعرف إنهم فعلا عايزين يعملوا إبهار.. وأنا شخصيا قعدت في كيا كادينزا الجديدة وكيا كوريس..

بصراحة .. تحس فيهم بفخامة وراحة يمكن أكتر من بعض العربيات الفخمة المعروفة..

ادخل على الصفحات دي وشوف بنفسك..
Kia Cadenza | Premium 4 door Sedan | Kia Motors Worldwide
Kia Quoris | Premium Luxury Sedan | Kia Motors Worldwide

مع العلم بإن كيا كوريس بينزل منها فئة بموتور 8 سلندر 5000 cc بيطلع حوالي 400 حصان.

وتابع الريفيوهات عليهم في الإنترنت... كلها مليانة انبهار إن كيا قدرت تتحول وتوصل للمستوى ده.. وبأسعار أقل بكتير.

أنا مش بقول إن كيا بتعمل أحسن عربيات في العالم.. لأ طبعا.. إنما المعادلة اللي بتقدمها بتخليها صفقة رابحة جدا جدا لأي حد بيدور على عربية فيها قدر كبير من العملانية والتصميم الجذاب والفخامة والاعتمادية بسعر كويس.

...

لو عملوا زى ما عملوا مع السيراتو فى البدايه .. عربيه واسعه و اوبشن عالى و تكنولوجيا حديثه و الاهم انها كانت بفارق كبير فى السعر عن المنافسين .. ممكن ينتشروا فى امريكا

طول عمر كيا بتقدم اعلى اوبشن و مساحه صالون فى الكورى زمان .. لكن لم تكن باعتماديه الهونداى .. و حساسه للاعطال

الان بعد ان تملكتها هونداى .. اعتقد انها تفوقت ( او فى طريقها لذلك ) على الشركه الام فى المعادله الصعبه للقيمه مقابل السعر فى السيارات المترفه

موش متصور كيا تنافس لكزس بصراحه .. ممكن تأخذ شريحه اللى نفسه يركب لكزس و لا يمتلك القدره لذلك بان تقدم شيئ بهذا المضمون

المشاركة الأصلية كتبت بواسطة borio1704

الحقيقة أنا لحد دلوقتي مش قادر أحدد كيا بتصنف نفسها ازاي في شركات السيارات..

عندهم تنوع كبير جدا وداخلين في كل أنواع وفئات السيارات تقريبا... حتى السيارات الكهربائية.

كون إنهم ينافسوا مرسيدس أو لكزس.. ممكن ما تكونش المنافسة بشكل مباشر... إنما بوجود عربيات بمستوى الفخامة ده عامل زي ما يكون إثبات للذات أكتر منه كونه منافسة.

http://<br /> <a href="http://www.yo...e_wM</a><br />

رأيى ان اكبر مصدر قوه لكيا .. ان هونداى اشتريتها

بكده اصبح عند كيا الابداع المعروف ( بالنسبه للكورى ) .. و لمسه هونداى فى الاعتماديه و الدقه .. و السعر المدروس .. و الاهم خدمه ما بعد البيع

اول ظهور هونداى فى بدايه التسعينيات كان مصدر قوتهم بوضوح خدمه ما بعد البيع و باسعار مدروسه جدا لقطع الغيار .. و كمان تصميم اعتمادى يميل للبساطه .. و سعر مدروس جدا لسياراتهم .. و وقتها توقعت ان الشركه دى حتنتشر بقوه

الوضع ده بيفكرني بتويوتا ونيسان زمان من حوالي 30-40 سنة... لما كانوا بيعملوا عربيات فخمة جدا بالمقارنة مع الألماني بس محدش بره اليابان بيثق فيها علشان مش متخيلين إن اليابان توصل للمستوى ده...

ومحدش اقتنع إلا اللي جرب الياباني في السبعينات والثمانينات.. علشان كده لكزس اكتسحت في أمريكا.

أنا شخصيا شفت تويوتا كراون وكان عندنا تويوتا كريسيدا (ده كمان غير نيسان سيدريك ونيسان لوريل وهوندا أكورد ومازدا 929 ....)...




ولو قارنتهم بمرسيدس وbmw في وقتها هتلاقي تقارب كبير بينهم على مستوى التجهيزات والفخامة.. وبعد مرور الوقت ده كله.. هتلاقي عربيات تويوتا عايشة وشغالة يمكن أحسن منهم في أوقات كتير.

تقدر تقول إنهم عايزين يوصلوا لنفس مستوى تويوتا .. لإنك لو شفت تويوتا في اليابان عاملة إيه ومستوى عربياتها "التويوتا" (مش لكزس) .. هتحس بشبه كبير بين تويوتا وكيا في الحتة دي..

دي تويوتا كراون 2017...

فكرتنى بالذى مضى .. كان معى تويوتا كراون سوبر صالون نفس الشكل اللى فى الصوره ( افضل عربيه عائليه آمنه و مريحه ممكن تركبها ) .. و برضه كان معى ال 929 ليمتيد ( متوسطه الاداء و الجوده )

الكراون اقرب شيئ ليها فى الالمانى هو مرسيدس .. يعنى عربيه وقوره و هاديه

الكراون يعنى بدون توتر او شد اعصاب و هدوء تام .. سرعه 170 عادى جدا للمشى اليومى بسيطره تامه على العربيه ( حتى بدون مسك الدريكسيون احيانا ) .. فرمله من 100 الى صفر كأنك بتفرمل من سرعه 40 كم مثلا .. يعنى ميزتها هدوء اعصاب تام و لا توتر اطلاقا .. بس هى كانت طلعتها بطيئه جدا .. بعد كده بتبقى زى الطلقه اثاء المشى سواء على سرعات قليله او عاليه

و طبعا اللوريل كانت روعه برضه .. السيدريك معرفش ليه كانت انتشارها قليل و موش قد كده برغم انها اعلى

مكنتش اعرف ان الكراون لسه مستمره ..كانت فاكر ان افالون حلت مكانها .. شكرا للمعلومه

المشاركة الأصلية كتبت بواسطة borio1704

واضح إن حضرتك عشت في الخليج فترة طويلة :).. العربيات دي كانت مالية الخليج أيام ما كانت مصر عايشة في الفيات والبيجو والمرسيدس

عموما.. لو عايز تتعرف على الجديد عند تويوتا.. ادخل على الموقع الياباني بتاعهم toyota.jp .. بس ادخل من على جوجل كروم علشان الترجمة.. لإنه مكتوب بالياباني طبعا

صفحة الـcar lineup من هنا https://toyota.jp/carlineup/ .. متقسمة إلى 3 فئات.. العربيات العادية والعربيات التجارية والعربيات المجهزة..
العربيات العادية لوحدها فيها 51 موديل.

علشان تعرف اسم العربية بالانجليزي ابقى خد بالك من الكلام اللي بيتكتب في أسفل الصفحة على الشمال لما تشاور على العربية بالماوس..

لا فتره بسيطه .. سنتين او ثلاثه فقط

انا ركبت من تويوتا .. الكراون .. الكامرى .. السيليكا ( العاديه 1.8 ) موش السيليكا سوبرا
و لاند كروزر ( اثناء العمل للمواقع )
و لكزس جربتها مره واحده ( سياره اخى )

المشاركة الأصلية كتبت بواسطة borio1704

الحقيقة أنا لحد دلوقتي مش قادر أحدد كيا بتصنف نفسها ازاي في شركات السيارات..

عندهم تنوع كبير جدا وداخلين في كل أنواع وفئات السيارات تقريبا... حتى السيارات الكهربائية.

كون إنهم ينافسوا مرسيدس أو لكزس.. ممكن ما تكونش المنافسة بشكل مباشر... إنما بوجود عربيات بمستوى الفخامة ده عامل زي ما يكون إثبات للذات أكتر منه كونه منافسة.

الوضع ده بيفكرني بتويوتا ونيسان زمان من حوالي 30-40 سنة... لما كانوا بيعملوا عربيات فخمة جدا بالمقارنة مع الألماني بس محدش بره اليابان بيثق فيها علشان مش متخيلين إن اليابان توصل للمستوى ده...

https://www.youtube.com/watch?v=Iu3q3H4npa0

https://www.youtube.com/watch?v=F0CpVRfgkrA

ومحدش اقتنع إلا اللي جرب الياباني في السبعينات والثمانينات.. علشان كده لكزس اكتسحت في أمريكا.
أنا شخصيا شفت تويوتا كراون وكان عندنا تويوتا كريسيدا (ده كمان غير نيسان سيدريك ونيسان لوريل وهوندا أكورد ومازدا 929 ....)...

انت نسيت انعم عربيه يابانى ( زعلت لما بعتها ) .. الجالانت سوبر صالون ( اواخر الثمانينيات ) .. انعم ( موش افضل ) عربيه يابانى بلا منافس وقتها .. و اجمل تصميم صالون وقتها .. و شاشه عدادات ديجيتال و تكييف تاتش و مثبت سرعه .. كانت سابقه عصرها بكتير .. و كانت طبعا افضل من الجالانت اللى جاء بعدها فى التسعسنيات ( الضعف على الاقل )

يعنى من كتر نعومتها .. لو انشغلت دقيقتين او ثلاثه مع حد جنبك فى الكلام .. ممكن بسهوله تلاقى نفسك ماشى 160 او 170 من غير ما تحس ازاى ده حصل

عيبها القاتل .. خطره جدا عند دخول ملفات حاده جدا شبه 90 درجه على سرعات عاليه .. كنت حاتقلب بيها و رفعت و بقت على عجلتين بس .. لكم ثابته جدا جدا على الخط المستقيم


الاكورد بتاع التسعينيات .. ادق توجيه سياره على اى سرعه احسن من الالمانى كمان ( من وجهه نظرى ) .. افضل من الكراون كمان .. يعنى مفيش خوف من دحول اى ملف على اى سرعه و كمان تعديل التوجيه جوه الملف ( يعنى مثلا ممكن تدخل الملف على الواسع و تطلع منه على الضيق ) ..

جربت الكلام ده عده مرات و السرعه كانت حوالى 160 .. اداء مميز جدا على السرعات العاليه دى افضل ميزه فى الهوندا الاكورد بصراحه


الكراون بالاضافه لكل ميزاتها .. كان فيها ميزه عجيبه .. الجسم ( موش العفشه .. او القضبان المقاومه للالتواء ) ليه قدره التواء عاليه جدا .. و تحسها اوى فى ملفات شديده على العاصى على السرعات .. و ده يدلك على مستوى الجوده لخامات الشاسيه و برضه تصميم العفشه

https://www.youtube.com/watch?v=cPi_eBQXXP0