بخصوص البيع والشراء هذه الفتره

اخوانى فى هذا المنتدى الرائع

بصراحه بقالى فتره ليست قليله اتابع حركه البيع والشراء فى السوق وفى الانترنت وتبين لى الاتى :

1- موجه اعلانات بيع كبيره اجتاحت منتدى نايل موتورز وفى نظرى ان الجميع يظن ان الاسعار ستنخفض لامحاله فهو يريد ان يبيع بسرعه من اجل الا يخسر فى عربيته ومن اجل ان يشترى زيرو بثمن منخفض

2- ومن هنا فقمت انا ايضا بعرض عربيتى للبيع ليس لانى محتاج فلوس بل لاشترى اخرى احدث شويه
3- لاحظت ان الغالبيه العظمى فى نايل موتورز يقوم بخسف السعر للبائع بحجه ان السوق واقف والاسعار نزلت

4- فى الواقع الاسعار لم تنزل بعد ولكن ماحدث هو تكهيين سيارات التاكسى القديمه التى زاد عمرها على 25 سنه وتحويلها الى ملاكى هذا ادى الى زياده العرض وبالتالى اصحاب هذه السيارات يريدون بيعها باى سعر احسن من مافيش ولانها ايضا تعتبر سيارات مستهلكه الاستعمال فلايصح ان نقارنها بالسيارات الملاكى من نفس فئتها لفارق الاستعمال

5- الناس فى السوق وفى الانترنت اصبحت تأخذ سعر هذه السيارات المحوله الى ملاكى كمقياس استاندرد لسعر السوق واخذوا يقيسون عليها السعر الحالى وهذا منتهى الظلم لانها كما قلت سيارات مستهلكه فهل نقارن سعرها باخرى ملاكى لم يسبق لها الخدمه كتاكسى ؟

6- من هنا يتضح لى مانراه من عدم وجود اى حركه بيع او شراء خلال الاعلانات المطروحه بالمنتدى فكلها لم يتم فيها اى بيع او شراء

7- نيجى للسوق على ارض الواقع مايتم به الاتى

ناس رايحه تبيع وهم فريقين : اصحاب السيارات المحوله ملاكى وهم يريدون البيع باى سعر وهذا مانراه من حالات بيع بسعر منخفض ادى معه الى انخفاض الاسعار المستعمله ولكن هذا لايعد مقياس حقيقى ليه ؟ اقول لكم

الفريق الاخر: اصحاب السيارات المستعمله الملاكى والذين يريدون البيع وهم متمسكون بسعرهم الذى يرونه مناسب لسيارتهم ولذلك هم يذهبون للسوق ولكن لايبيعون ويرجعون بلا بيع لان المشترى مخدوع بسعر السيارات الهلكانه التى ذكرتها وبالتالى يعتبر هذه الفئه غاليه

اما فريق المشتريين فهم ايضا انقسموا الى قسمين

فريق يشترى بسعر منخفض من تلك السيارات الهلكانه ويظن انه امتلك سياره بسعر قليل

وفريق يريد سياره بحاله جيده ولم تعجبه السيارات الهلكانه وايضا لايشترى السيارات ذات الحاله الجيده ظنا منه انها اغلى لانه يقيس على سعر الهلكانه وبالتالى يرجع ايضا دون شراء

والغالبيه العظمى ممن يريد الشراء ينتظر ويترقب ان تنزل له السماء سيارات ببلاش او سيارات رخيصه الثمن ويقيس ذلك باسباب الازمه العالميه وان انخفاض السيارات قادم قادم فربما يصيب فى ظنه وامنيته وربما يفيق على كابوس افظع فالايام القادمه لازالت ضبابيه
ولكن مع كل ذلك لم نرى يوما فى المستقبل اتى افضل من الماضى وانا لااريد ان تتشائموا بل نريد ان نكون واقعيين

هذه مجرد ملاحظاتى على السوق فى هذه الفتره

كلام سليم
ربنا يباركلك
فعلاً سوق المستعمل متوقف تماماً لا بيع ولا شراء

طيب ما الازمة دي هتنتهي امتي؟؟؟؟

تقييم جميل جداا
اضف اليه نقطه الابتعاد عن الشراء من التجار والشراء من صاحب العربيه مباشره

ربنا ينور عليك كلامك سليم 100%

اقتباس:

---

المشاركة الأصلية كتبت بواسطة ibrahimsaad

اخوانى فى هذا المنتدى الرائع

بصراحه بقالى فتره ليست قليله اتابع حركه البيع والشراء فى السوق وفى الانترنت وتبين لى الاتى :

1- موجه اعلانات بيع كبيره اجتاحت منتدى نايل موتورز وفى نظرى ان الجميع يظن ان الاسعار ستنخفض لامحاله فهو يريد ان يبيع بسرعه من اجل الا يخسر فى عربيته ومن اجل ان يشترى زيرو بثمن منخفض

2- ومن هنا فقمت انا ايضا بعرض عربيتى للبيع ليس لانى محتاج فلوس بل لاشترى اخرى احدث شويه
3- لاحظت ان الغالبيه العظمى فى نايل موتورز يقوم بخسف السعر للبائع بحجه ان السوق واقف والاسعار نزلت

4- فى الواقع الاسعار لم تنزل بعد ولكن ماحدث هو تكهيين سيارات التاكسى القديمه التى زاد عمرها على 25 سنه وتحويلها الى ملاكى هذا ادى الى زياده العرض وبالتالى اصحاب هذه السيارات يريدون بيعها باى سعر احسن من مافيش ولانها ايضا تعتبر سيارات مستهلكه الاستعمال فلايصح ان نقارنها بالسيارات الملاكى من نفس فئتها لفارق الاستعمال

5- الناس فى السوق وفى الانترنت اصبحت تأخذ سعر هذه السيارات المحوله الى ملاكى كمقياس استاندرد لسعر السوق واخذوا يقيسون عليها السعر الحالى وهذا منتهى الظلم لانها كما قلت سيارات مستهلكه فهل نقارن سعرها باخرى ملاكى لم يسبق لها الخدمه كتاكسى ؟

6- من هنا يتضح لى مانراه من عدم وجود اى حركه بيع او شراء خلال الاعلانات المطروحه بالمنتدى فكلها لم يتم فيها اى بيع او شراء

7- نيجى للسوق على ارض الواقع مايتم به الاتى

ناس رايحه تبيع وهم فريقين : اصحاب السيارات المحوله ملاكى وهم يريدون البيع باى سعر وهذا مانراه من حالات بيع بسعر منخفض ادى معه الى انخفاض الاسعار المستعمله ولكن هذا لايعد مقياس حقيقى ليه ؟ اقول لكم

الفريق الاخر: اصحاب السيارات المستعمله الملاكى والذين يريدون البيع وهم متمسكون بسعرهم الذى يرونه مناسب لسيارتهم ولذلك هم يذهبون للسوق ولكن لايبيعون ويرجعون بلا بيع لان المشترى مخدوع بسعر السيارات الهلكانه التى ذكرتها وبالتالى يعتبر هذه الفئه غاليه

اما فريق المشتريين فهم ايضا انقسموا الى قسمين

فريق يشترى بسعر منخفض من تلك السيارات الهلكانه ويظن انه امتلك سياره بسعر قليل

وفريق يريد سياره بحاله جيده ولم تعجبه السيارات الهلكانه وايضا لايشترى السيارات ذات الحاله الجيده ظنا منه انها اغلى لانه يقيس على سعر الهلكانه وبالتالى يرجع ايضا دون شراء

والغالبيه العظمى ممن يريد الشراء ينتظر ويترقب ان تنزل له السماء سيارات ببلاش او سيارات رخيصه الثمن ويقيس ذلك باسباب الازمه العالميه وان انخفاض السيارات قادم قادم فربما يصيب فى ظنه وامنيته وربما يفيق على كابوس افظع فالايام القادمه لازالت ضبابيه
ولكن مع كل ذلك لم نرى يوما فى المستقبل اتى افضل من الماضى وانا لااريد ان تتشائموا بل نريد ان نكون واقعيين

هذه مجرد ملاحظاتى على السوق فى هذه الفتره

---

الأخ الفاضل د. ابراهيم،،

طبعاً حضرتك وجهة نظرك لها وجاهتها وعلى قدر كبير من الصحة، ولكن يا سيدي العربيات الهلكانة اللي حضرتك ذكرتها زبونها مختلف عن العربية اللي شغاله ملاكي ودي معروفة والأخرى كمان معروفة، وعن نفسي ارجح سبب ركود السوق الى حقيقة ان اصحاب المستعمل يبالغون في تقييم سياراتهم ويرفعون من قيمتها فوق ما تستحق بكثير والسبب هو ان السايرات المستعمله هي المنافس المباشر للعربيات الزيرو وعشان قيمة العربيات الزيرو غالية مغليه معاها المستعمل.

يا سيدي احنا هنا في مصر والله بينضحك علينا وأسعار العربيات عندنا مبالغ فيها جدا وأكثر من قيمتها بعدة مرات بسبب جشع التجار والمستوردين وكل عربية زيرو ااكدلك ان فيها مكسب مركب للمستورد والتاجر والموزع والمعرض والمشتري الأخير بيتحمل كل ده وساكت وبيدفع وبعدين مصاريف في الترخيص والضريبة والنمر والتأمين والطفاية والذي منه (طبعاً فاهمني).

الشوارع عندنا تقصف عمر اي عربية اللهم الا كانت هامر ولا 4×4 وارتفاع اسعار الوقود وقطع الغيار والمصنعيات واستغلال التوكيلات.

لو عايز الحق والعدل السيارة المستعمله سعرها لازم ينزل كل سنة استعمال 10% وده طبيعي لان العربية دي آله ولها عمر افتراضي وينطبق عليه مبدأ الإهلاك

سيادتك تتخيل ان عربية تستعمل 10 -15 سنة ويطلب فيها نفس سعرها وهي زيرو يكون عدل؟؟؟

عربيه صاحبها خربها وبعدين لمها بألف جنيه عشان يبقى شكلها نضيف وتتباع، ها ده عدل؟؟؟

وبعدين يعني اللي بشتري مستعمل ده من قله حيلته وفقره لازم نطلع عينه يعني مش كفاية رضى انه يركب الشيء اللي اهرين خلاص مش عايزين يركبوه عشان اصبح عنده واحدة تانية زيرو ولا ناوي يجيب زيرو.

يعني وحد ركبها وأخد حلاوتها والأخر جاي يقول لسه هه نبتدي نركب اي عربية تلت عمر نترحم من الميكروباص انا وأولادي وقلة ادب السواقين واستغلالهم زلسه حصرف صيانة والله اعلم يطلعلي في اللمستعمله دي ايه....

السبب ده خلى ناس كتير تقول ولا مستعمل ولا يحزنون وأروح احط القرشين في قسط زيرو وخلاص ودخل الربا بيوت ناس كتير عشان يتغلبوا على فقرهم وجهلهم بأحوال الرزق والمعيشة.

النهارده سعدتك اللي مرتبه 2000 جنيه يركب لانوس او فيرنا او بيكانتو او اي حاجة صيني.

السبب المبالغة في اسعار المستعمل والفهلوة المصرية المعهوده واحنا اللي عملنا كده في نفسنا قبل ما نقول اقتصاد وهجص لانه احنا اصلا اقتصاد تابع وليس فاعل وعلى هذا الوزن سنكون من اكثر المتضررين قريباً بسبب تجاهل العالم واعتبار اننا لا يمسنا شيء وساعتها الحكومة حتقول كالعادة ده عرض وطلب واحنا مالناش دعوة واخبط يا شعب دماغك في الحيط :011:

ويعني الي معاه يشتري خلاص هوا حر واللي ممعهوش ربنا اولى بيه يرزقه من ان حد ينزله الف ولا الفين في عربية ما تستاهلش نص السعر المطلوب فيها.....

طبعاً اعذرني انا لا اقصد حد بعينه ....

وتحياتي.........

احنا فى بلد لازم تبقى حرامى عشان ادميتك متتهنش

استاذ shnkosi
انا متفق معاك ومافيش خلاف ان اسعار المستعمل مبالغ فيه لكن هذا من زمان مش من دلوقت والسبب ان اسعار الزيرو ايضا مرتفعه جدا

يعنى مثلا انا لما حبيت اشترى فكرت الاول فى الزيرو لقيت نفسى هادخل متاهه الربا والاقساط والديون وهم الدين بالليل بعد ان تزول فرحه امتلاك السياره

ولاجل ذلك رضيت ان اركب مستعمل رغم ان اسعاره كان مبالغ فيها وقتها لاسباب كثيره جدا زى بهدله المواصلات وعدم وجود تاكسى يوافق على توصيلى انا والاولاد
فكان المستعمل هو الحل فى عدم وجود سيوله ماديه وانقاذ من كاهل الديون

فعندما نحسبها نجد ان هذا الفرق فى السعر = انقاذنا من البهدله والديون وتحكم الاخرين

وعندما تشترى انت سياره مستعمله وتريد بيعها فلا شك انك لاتريد ان تخسر فيها كثير جدا لو اخذنا بكلام حضرتك لان ذلك يكون كثير جدا لشخص محدود الامكانيات فالمشكله ليست متعلقه بتلك النقطه بل هى متعلقه بسياسه دوله

فالمسأله مرتبطه بمنظومه لابد من اصلاحها من الجذور

حيث يحكمها فى الاساس

المستورد والوكيل ومن يقوم بتسهيل صفقاتهم والجمارك والضرائب والتأمين والمرور وعدم وجود طرق ممهده وووووووو اشياء كثيره فى مجملها تدمر السياره والدخل وتجعل من الصعب بل من المستحيل امتلاك سياره جديده لاى شخص من عامه الشعب حتى لو كانت من الفئه الدنيا

لذلك اصلاح هذه المنظومه يجب ان يكون اولا ثم بعدها تحاسب من يبالغ فى سعر المستعمل وقتها يكون لك كل الحق فى كلامك

لان مايحدث الان هو استغلال فقط لحاله الازمه الماليه وتوقف البيع والشراء من اجل الضغط اكثر واكثر على اصحاب المستعمل فقط وعدم التركيز على الكبار اصحاب الزيرو ولصوص الصفقات العليا فهم اولى بالضغط لان بانخفاض الزيرو يتبعه منطقيا انخفاض المستعمل وليس العكس فيجب ان تؤكل السمكه اولا من راسها وليس ذيلها فليس من المعقول فى هذا الوقت ان يزيد سعر الزيرو فى وقت لايوجد فيه سيوله ثم تطالب بانخفاض المستعمل الان تاركا الحديث عن الزيرو الذى يتجاهل مانحن فيه وضاربا به عرض الحائط
مع خالص تحياتى

خلاص مش مختلفين

اللي عنده عربيه يعرضها واللي يرضى بسعرها المعروض مبروك عليه لكن من حق المشتري يفاصل كمان عشان مش عايز يخسر زي ما البائع مش عايز يخسر ولو متفقوش يبقى مفيش لا بيع ولا شرا زي اليومين دول، عشان اللي يقدر يركب عربية خلاص ركب ومعندوش مشكلة ومش فاضل غير الزبون الغلبان....

يعني خلينا واقعيين اللي مهاه فلوس بيدخل اجدع توتكيل ويحط رجل على رجل ويقول عايزها بمثبت وعايزها لونها محمحي ومبدورش على مستعمل خالص والفلوس اللي بيدور عليها بائع المستعمل دي مش موجوده اساساً في جيب زبون المستعمل..

"رحم الله امرئ سمح اذا باع سمح اذا اشترى"

كل سنة وانتم طيبين....

اقتباس:

---

المشاركة الأصلية كتبت بواسطة ibrahimsaad

4- تكهيين سيارات التاكسى القديمه التى زاد عمرها على 25 سنه وتحويلها الى ملاكى

---

اللى اعرفه ان العربيات دي بتتكهن لصالح المرور و مينفعش تتحول لملاكى ..

اما موجة الانخفاض الحالية فهى قد شملت كل شئ و ليس السيارت فقط . يعنى مينفعش نقول اسباب متعلقة بالسيارات و نسيب الباقي .. كل حاجة اسعارها نزلت زي العقارات و الاراضي و الحديد و الاكل والشرب .
وده نتيجة غير مباشرة للازمة العالمية ...فمثلا اللى كانوا بيستثمروا بمبالغ كبيرة نوعا ما في البورصة و خسروا فاضطروا يبيعوا ممتلكات علشان تعويض سيولة فكثر العرض و قل الطلب لقلة المال .

اما السيارات فاعتقد ان السبب الرئيسي هو تكهنات تخفيضات الجمارك , و ممكن يكون الخبر صحيح لانه حصل من اربع سنوات تقريبا , فبقت عادة كل سنة في شهرين مختلفين من كل سنة شهرى يوليو و يناير ...

بعد اذنك معظم العربيات التاكسي الي هيتكن لسه شغالة تاكسي لحد دلوقتي ومستنين المهلة و التسهيلات اللي هيدوها لاصحابها عشان يبدلوها بجديد ما بالك العربيات دي فعلا لما تبتدي تتحول لملاكي تصور المعروض هيبقى قد ايه.
تاني حاجة حضرتك الجديد في الوضع اللي العالم فيه حاليا لازم يرخص مش هيزيد المصانع كلها عندها مخزون ومش عارفة تصرفه باي وسيلة عشان كده بقى في فرق رهيب من المعروض امام الطلب الي قل بصورة حادة لظروف الكساد وحتي لو التجار قدروا يعملوا بعض الاشاعات بزيادة الاسعار وجروا بعض الناس السزج او المضطريين للشراء فلن يستطيعوا فعل ذلك لمدة طويلة (زي ما حصل بالظبط في سوق الحديد طلعوا اشاعات بغلاء الاسعار ولبسوا الناس الحديد باسعار اكتر من ضعف الاسعار العالمية ولكن في النهاية انكشفت لعبتهم واضطروا ينزلوا الاسعار )
واخيرا متنساش ان مصر موقعة اتفاقيات مع كذا طرف بتخفيض الجمارك على السيارات
مثل اتفاقية اغادير واتفاقيات الجات اللي هيبتدي تطبيقها من 2010 تدريجيا وصولا بصفر جمارك 2019 على كل السيارات اوروبية المنشأ وخلافه .
اخيرا اللي عنده عربية مستعملة مش هتفرق معاه هيبيع رخيص هيشتري رخيص
هيبيع غالي هيشتري غالي
دا رأي يمكن يكون غلط بس انا مقتنع بالكلام ده

السلام عليكم ورحمة الله وبركاته
كلام د.ابراهيم مضبوط 100 %
واحب اضيف ان هذا الركود سوف ينتهى فى شهر يناير حيث ينتظر الناس اسعار الزيرو
هل هيزيد ام هيقل ام يثبت

اقتباس:

---

المشاركة الأصلية كتبت بواسطة ahmed76

السلام عليكم ورحمة الله وبركاته
كلام د.ابراهيم مضبوط 100 %
واحب اضيف ان هذا الركود سوف ينتهى فى شهر يناير حيث ينتظر الناس اسعار الزيرو
هل هيزيد ام هيقل ام يثبت

---

عندك حق فى النقطة ديه

كل الناس منتظرة اول السنة عشان يعرف سعر الزيرو

عن نفسى عايز ابيع عربيتى و اجيب عربية يارس, نزلت المصرية سألت عن سعر ال 2008 قاللى 88 الف , قولتله طيب و 2009 هاتعمل كام؟
قاللى هاتزيد 10 الااف جنيه
و فعلا سألت امبارح عن اليارس 2009 لاقيتها دخلت فى ال 100 الف جنيه
يعنى الانتظار يعتبر خسارة لان فى مصر احنا ماشيين عكس العالم كله و الاسعار ولا هاتنزل ولا حاجة
كمان من الملاحظ ان العربيات الجديدة بدات تزيد الفترة ديه و ده معناه ان الناس بدأت تشترى و ترضى بالامر الواقع

اقتباس:

---

المشاركة الأصلية كتبت بواسطة mohamed_008

عندك حق فى النقطة ديه

كل الناس منتظرة اول السنة عشان يعرف سعر الزيرو

عن نفسى عايز ابيع عربيتى و اجيب عربية يارس, نزلت المصرية سألت عن سعر ال 2008 قاللى 88 الف , قولتله طيب و 2009 هاتعمل كام؟
قاللى هاتزيد 10 الااف جنيه
و فعلا سألت امبارح عن اليارس 2009 لاقيتها دخلت فى ال 100 الف جنيه
يعنى الانتظار يعتبر خسارة لان فى مصر احنا ماشيين عكس العالم كله و الاسعار ولا هاتنزل ولا حاجة
كمان من الملاحظ ان العربيات الجديدة بدات تزيد الفترة ديه و ده معناه ان الناس بدأت تشترى و ترضى بالامر الواقع

---

انا مع حضرتك
الناس فاكره الاسعار هتقل والتجار خاربين السوق بالاشاعات
لكن شركات السيارات سوف تخفض من انتاجها لعدم وجود سيوله تشترى بها خامات وبالتالى الاسعار هتزيد
نفس فكرة اوبك مع البترول لما البترول سعره يقل اويك تقلل انتاجها علشان السعر يزيد
ده مجرد رأي متواضع واحتمال كبير يكون غلط علشان محدش يفتكرنى بطلع اشاعات
والله اعلم

اللي يقدر ينتظر ينتظر بس الله اعلم باللي هيحصل بكره

الزياده فى اسعار اليابانى نظرا لارتفاع عمله الين امام الدولار

و الانخفاض فى اسعار الاوربى نظرا لارتفاع لانخفاض سعر اليورو امام الدولار

يبقى استفيد و اركب اوربى و لا ادفع زياده و اركب يابانى

بسم الله الرحمن الرحيم

اود ان ادخل بمداخلة بسيطة يمكن بعيدة عن الموضوع انا رجل من الناس الذين قضو فترة كبيرة في الخارج انا بصراحة زعلا ن جدا على حالة الشعب المصري الذي انا منهم طبعا ممكن سؤال حد يجاوبني عليه بطريقة علمية الناس في الخليج بتاخد راتب كام اقل راتب 9000 جنيه مصري طبعا انا بتكلم عن ابن البلد العربية مثلا الهوندا لانه انا عندي هوندا سعرها الزيرو كام 100 الف ريال 150 الف جنيه سعرها في مصر كام 35000 الف جنيه وممكن اكتر طيب الموظف الي شغال في مصر راتبه كام مثلا 500 جنيه طبعا ماعندوش عربية بتشعلق بالاتوبيس الموظف الخليجي راتبه كام 9000 جنيه والشقق ارخص و العربيات ارخص والاكل ارخص طيب ممكن حد يفهمني ايه الي بيحصل والمشكلة هما فكرين انهم معاهم فلوس اكتر وانهم ب100 ريال ممكن يعمل الي ماتعملش في مصر طيب نحسب حسبة بسيطة لما انت تجيب عربية سعرها العالمي 1000 جنيه كمثال وانت تشتريها بمصر 20000الف جنيه ده لمصلحة مين ده ياراجل الحكومة بتربح اكتر من الشركة الي صنعت العربية عشان كدا الاسعار حتبقا غالية وحنبقا متخلفين وعمرها الحكومة ما حتوافق انه الغلابة يركبوا عربيات دي سياسة الموضوع مش ازمة اقتصادية ولا جمارك الموضوع اكبر من كدا

الله ينور عليك يا m1m1m1
انا اسف لانى مااعرفش اسم حضرتك
طبعا الحكومة بتكسب اكتر من الشركة المصنعة اللى تعبت وعملت تصميمات واشترت خامات ودفعت رواتب وعملت اختبارات
هى دى سياسة اوثقافة الكارته او الاتاوه