محامى او حد شغال فى بنك يفيدنى لو سمحتوا

**خالد الشاذلى** · 28-01-2017 02:20 PM

يا شباب انا معايا مبلغ صغير وعاوز اسيبه وديعه فى البنك او شهاده استثمار لبنت اخويا لما تكبر شويه هى لسه فى ابتدائى ومحدش يصرف الفلوس دى غيرها بس بشكل رسمى عشان ابوها لو عرف هيصرفهم بس مش هقول لحد على موضوع الفلوس ده اروح لمحامى ؟ لانى بصراحه مريض بالقلب ومش ضامن انى ابقى لسه موجود وقتها الحاله متاخره وكمان اضمن ازاى ان المحامى يبلغها وقتها ومش ياخد الفلوس لنفسه ؟ وايه رايكوا احول المبلغ ده للدولار اضمن ؟

**al_manara** · 28-01-2017 07:33 PM

المشاركة الأصلية كتبت بواسطة خالد الشاذلى

وايه رايكوا احول المبلغ ده للدولار اضمن ؟

شفاك الله وعافاك
اكيد التحويل لدولار افضل واضمن .

**حسني منصور** · 28-01-2017 09:33 PM

ربنا يشفيك وتشوفها عروسة
موضوع انك تسيب حاجة لبنت أخوك موضوع سهل جداً وممكن تعمله من غير ما تخبي علي اخوك
أولاً منصحكش تسيب فلوس سايلة علشان قيمتها كل يوم في النازل سواء دولار أو جنيه
ثانياً لو المبلغ اللي معاك تقدر تشتري بيه شقة مثلاُ ممكن بعد ما تشتري الشقة تكتب وصية تتسجل في الشهر العقاري ويتكتب فيها شرط عدم البيع إلا بعد بلوغ بنت اخوك سن الرشد 21 سنة
طيب لو المبلغ لا يكفي لشراء شقة أو عقار أياً كان نوعه ( شقة - محل - أرض فضاء )
في الحالة دي هاتكون مطر انك تسيب الفلوس نقدي
وده هايتم بردوا في شكل وصية مسجلة في الشهر العقاري تودع مكتب محامي نسخة وتودع نسخة في البنك المودع فيه المبلغ والبنك ملزم ببنود الوصية المسجلة في الشهر العقاري -
واخيرا الاعمار بيد الله لكن تذكر ان الوصية في حدود ثلث التركة واذا ذادت عن ذلك لابد ان يقبلها جميع الورثة