لو كنت مكانى تعمل ايه

**MohamedAmonem** · 07-12-2008 12:52 AM

يتغير علي حسابه يا باشا ..من افسد شىء فعليه اصلاحه

**aapaap855** · 07-12-2008 02:16 AM

من افسد شيء فعليه اصلاحه (صح)\بس والكاظمين الغيظ والعافين عن الناس ( اصح واحسن)

**MohamedAmonem** · 07-12-2008 11:54 AM

المشاركة الأصلية كتبت بواسطة aapaap855

من افسد شيء فعليه اصلاحه (صح)\بس والكاظمين الغيظ والعافين عن الناس ( اصح واحسن)

كلام مظبوط يا باشا ..بس لو اللي خبطهالو غلبان ومش لاقي ياكل
بس الراجل مقتدر ومن كلامة يبان انه عايز يصلح غلطه

**M.Nabil** · 08-12-2008 01:33 AM

يا باشا فداك, الحاجة اللي تفديها الفلوس في داهية, المهم انك بخير وان شاء الله ترجع احسن من الاول, بس طمنا عملت ايه.

**tarek hashem** · 09-12-2008 05:11 PM

انا منحوس اكيد
كنت حكتلكم على الخبطه فى البنزينه
المهم رحت يوم الثلاثاء اللى فات الحرفيين وحبايبنا كتير هناك جبت باب استيراد خارج نفس اللون بمعجزه
وركب والعروسه رجعت تانى زى الاول من غير رش ولا تعديل يدوب فكينا باب وركبنا باب نفس درجه اللون ورجعت جديده من الاول
والحمد لله مفيش حاجه فى القوايم
انا ساكن فى النزهه الجديده وراء السندباد ومكتبى فى عمارات العبور
تانى يوم الاربعاء كنت رايح المكتب الساعه 8 الصبح والوقت ده بتبقى المنطقه ديه معجونه خرجت على جوزيف تيتوا الدنيا واقفه بنتحرك متر كل خمس دقايق
وبووم
اتوبيس نقل علم
الحمد لله على كل حال
بس اللى ينرفز السواق بتاع الاتوبيس بيقولى بكل بجاحه خلقها ربنا
- انت اللى غلطان يا بيه انت وقفت فجأه
طبعا ولاخر لحظه بحاول اكون محترم فقلتله بأدب
- يا حاج الطريق واقف عيب اللى انت بتقوله ده
ولقيته فجأة رفع صوته وشوح
- انت اللى وقفت فجأه
طبعا التراكمات وقله أدبه خلتنى اشيط
صرخت بقى بجد
- انت هتستعبط يا بنى ادم انت مجنون
ومش فاكر انا قلت ايه بس الحمد لله متجاوزتش حد اللى انا قلته ده
وللغرابه جاب ورا ولقيته رجع للكنه القديمه بتاعت حضرتك ويا بيه
متكلمتش كلمه زياده بصيت للشنطه اتطبقت حته منها وفانوس ادشدش اما الاتوبيس مدرعه كان ممكن تنظم للاسطول البرى المصرى
وبصيتله وقلتله
- اتقى الله فى حاجه غيرك اتقى الله
وسبته وركبت العربيه ورجعت ركنتها عند البت وخدت تاكسى للمكتب
- لاحول ولاقوه الا بالله
انا لسه مرخصتش ولا امنت كل ده على حسابى برضه الحمد لله
انا الراجل بتاع الشيروكى جالى جوه وكان قمه فى الادب والاحترام وعرض انه يصلح العربيه وانا اللى رفضت واكيد مش هأخذ من السواق الغلبان انا بس بتكلم على الطريقه فى الكلام وليه بقى فيه ناس تخاف متختشيش ليه
اسف على الاطاله وبشكركم جدا على الروح الاخويه اللى فى المنتدى
وعموما اللى واسانى مره بلاش يتعب نفسه تانى انا هعتبرها وصلت

**hossameid** · 09-12-2008 05:34 PM

مش عارف اقولك اية..... انت عليك دين لحد ولا حاجة...معلش فالسؤال حضرتك بتشتغل اية؟؟

**tarek hashem** · 09-12-2008 06:00 PM

يا عزيزى انا والحمد لله بكره الديون والقسط وتبقيه اى فلوس لحد الحاجه الوحيده فيع تجار بتعامل معاهم ليهم فلوس عندى بس انا باخذ منهم بالاجل وبسدد على دفعات وبفضل ربنا مبتأخرش غير مرتين وكانوا راضيين هو السوق بتاعنا كده
وانا صاحب شركه وبشتغل فى المعدات الغذائيه وخطوط انتاج المصانع
وشكرا

**waleedrahmy** · 09-12-2008 09:41 PM

صلحها ورخصها فورا وما تركبهاش شوية وأركب تكسيات اليومين دول وأبقي أعمل حاجة لله فدا العربية ومعلش هي العربيات كده يا تخبط ياتتخبط في مصرنا الحبيبة

**formoza** · 11-12-2008 02:49 PM

ربنا يعوض عليك بس طالما الراجل محترم يبقى مفيش فى ايدك حاجه هتضربه يعنى؟؟ عل عموم حمدالله على سلامتك انت و كويس انها بتيجى على اد الصاج
على فكرة و انا بكتبلك الكلام دة دلوقتى حصلت حادثه على كوبرى اكتوبربين 4 عربيات و اتبهدلوا (انا عمارتى قصاد الكوبرى ) ربنا يسترها معانا

**formoza** · 11-12-2008 02:56 PM

نسيت اعلق على الاتوبيس فى من الناس دى كتيييرلما يلاقو اللى ادمهم محترم يعلوا الصووووت تشوط انت فيهم يخافوا على شعورك جدا احنا كده نخاف ما نختشيش

الموضوع: لو كنت مكانى تعمل ايه

LinkBack

أدوات الموضوع

عرض

-

-

-

-

-

-

المواضيع المتشابهه

تعمل ايه لو مكانى

تعمل إيه لو كنت مكانى؟؟؟؟

تعمل ايه لو كنت مكانى

لو إنت مكانى تعمل ايه ؟

تعمل إيه بقى لو كنت مكانى؟؟؟؟؟

الكلمات الدلالية لهذا الموضوع

المفضلات

المفضلات

ضوابط المشاركة