عرض للطباعة
في واحد صحبي كويتي دلني علي موقع امريكي بيقولة اشتري منة عربية هامر h3 ب6000 دولار؟؟؟؟؟؟؟
دة الموقع
Buying Online Salvage Vehicles | Bid Online Auto Auctions - Salvagebid.com
لفعلا فية عربيات بس تكون عملة حادثة او في تلف باسعار رخيصة قوي وفي شحن للقاهرة
السؤال الان اية رايكو في الحوار دة
واية نظام الجمارك والشحن لو اشترت عربية من هناك لاني بفكر جديا اشتري حاجة في 4000 دولار
العربيات السالفاج معظمها بيكون الايرباج بتاعها استخدم نتيجة حوادث او التأمين تخلص منها بالبيع وعلشان كذا ىالقانون الامريكي ما بيسمحش باعادة استخدامها وتباع عادة بالمزاد ومن ميزاتها انها بتكون ماشية كيلومتر قليل وسعرها بيكون رخبص لكن مبدائيا لازم تتأكد هل القانون المصري بيسمح بدخولها او لايسمح قبل استيرادها كما انك حتصلحها طبعا بمصر بعد استلامها
بالنسبة للشراء سهل تشتريها من مصر بس لازم مبدائيا تعمل لك حساب بالموقع اللي حتشتري منه اذا كان بالمزاد وتخش تشارك بالمزاد وممكن كمان يدوك حساب تجريبي تشوف الحكاية ماشية ازاي بمعني تدخل مزاد كمتفرج بس والحقيقة عملية البيع بتكون سريعه جدا جدا يعني دقايق وتتباع ونفس الموقع بيشحن لك العربية بعد ما تسدد الرسوم مع ثمن العربية
وهذا احسن موقع لشراء السيارات منه
https://www.iaai.com/
هذه معلوماتي المتواضعة ارجة اكون افدتك
القانون عندنا .. اللى اعرفه انك لازم تكون اول مالك و العربيه تكون موديل نفس السنه او قد يكون مسموح اقدم سنه واحده فقط لاغير
و متنساش الشحن من امريكا لمصر مكلف جدا .. ممكن الفين دولار مثلا
لا اعتقد انه مسموح ليك بعربيه زى دى طيقا لقوانينا هنا لانها حتكون مستعمله موش موديل السنه و كمان انت موش اول مالك
و برضه اتأكد انت بنفسك من المعلومه دى
الموضوع ده لو كان نافع كنت هتلاقى معظم الشعب عمله. لانك هتركب عربيه شبه زيرو بمبلغ بسيط يعنى لما تكون الهامر بـ 120 الف جنيه فدى مبلغ اقل من قيمتها بكتير جداً. الجمارك فى مصر بتمنع أشياء كتير من دخول البلد
موضوع شيق وغريب
حتي تتمكن من دخول سياراتك الخاصة البلاد من الخارج فهناك تعليمات وشروط لابد من التعرف عليها :-
بالنسبة للإدخال النهائى للسيارات التى يستوردها المصريين المقيمون بالخارج
1-لابد وأن بقاء المواطن بالخارج مدة لا تقل عن تسعة أشهر .
2-أن يتم تملك وتسجيل السيارة فى ذات سنة الموديل .
3-أن يكون المشترى هو المالك الأول للسيارة .
4-استخراج شهادة " لمن يهمه الأمر " من إدارة المرور المسجلة لديها السيارةتتضمن تاريخ التسجيل وبيانات السيارة تفصيلاً ثم توثيقها من وزارة الخارجية ثم السفارةأو القنصلية المصرية
قواعدعامة :
1-لا توجد قيود على شراء السيارات وتملكها وتسجيلها فى أول السنة أو فى آخر السنة طالماأن الشراء والتسجيل تم فى ذات سنة الموديل
2-للتمتع بالتخفيض الجمركى الخاص بالسنة الأولى (10%) يجب أن يتم الشراء والتسجيل قبلتاريخ 1/10 من نفس سنة الموديل والتخفيضات تكون 10% خصم من القيمة الجمركية عن السنة الأولي و5% خصم من القيمة الجمركية عن كل سنة بعد السنة الأولي بحد أقصي 50% تسع سنوات
3-لا يتم ترخيص السيارات التى مضى على تاريخ صنعها عشر سنوات بما فيها سنة الموديل .
اتفق تماما مع صعوبة ادخال سيارة للاستخدام الا بالشروط المحددة
لكن السؤال لو شاريها متقطعة او للاستخدام كقطع غيار فقط، هل يختلف الامر