مشكله بعد عمرة النوبيرا

**OSAMA.NUBIRAWY** · 29-01-2017 09:04 PM

ارجو المساعده من الاعضاء ذوى الخبره

بعد ما عملت عمره للموتور - عربيه دايو نوبيرا 2 - موديل 2000 - حصل الآتى :

اول ما اطلع بالعربيه وابتدى اتحرك الاقيها بتنتش - بتتخنق - ويحصل حاجه من اتنين بعد التنتيش ده
1 - انها تكمل بس مخنوقه لغايه ما تتعدل
2 - انها تطفى - الموتور يبطل

مع العلم انى عملت عمره كامله للموتور وغيرت الاسطوانه والديسك وبلية الدبرياج بالمره وطبعا كل السيور والزيوت والفلاتر .
انا مش عارف ايه سبب التنتيشه دى ؟؟؟؟؟؟؟؟؟؟؟

بس للعلم مره تانيه انا مغيرتش حساسات خالص يا دوب نضفوا ببنزين واتردو تانى فى الموتور ، والبوابه اتنضفت من بره بس كده - يعنى شال خرطوم العمه ونضف ببنزين وبس كده - .

**salam100100** · 30-01-2017 08:43 AM

دا تخمين
جرب تنظف حساس الايديال
حساس الtps المسؤال عن معرفه مقدار الدوسه بتاعت دواسه البنزين

لو التنظيف جاب نتيجه حط فى بالك انك تغيرهم عشان اكيد المشكله هترجع تانى

ودور على اى صوت تنفيس- ممكن يكون فى خرطوم فاكيوم مفكوك وبيأثر على اداء المحرك

**OSAMA.NUBIRAWY** · 30-01-2017 09:24 AM

طيب سؤال معلش فين مكان حساس ال tps وخرطوم الفاكيوم برضو ؟؟؟؟؟

خرطوم الفاكيوم تقصد بيه الخراطيم الرفيعه اللى فى الموتور من فوق ومن ورا دى ؟!!!

معلش استحملنى لانى لسه جديد ومش فاهم فى العربيه دى اوى

ومتشكر جدا على رد حضرتك

**salam100100** · 30-01-2017 11:15 AM

المشاركة الأصلية كتبت بواسطة osama.nubirawy

طيب سؤال معلش فين مكان حساس ال tps وخرطوم الفاكيوم برضو ؟؟؟؟؟

خرطوم الفاكيوم تقصد بيه الخراطيم الرفيعه اللى فى الموتور من فوق ومن ورا دى ؟!!!

معلش استحملنى لانى لسه جديد ومش فاهم فى العربيه دى اوى

ومتشكر جدا على رد حضرتك

يافندم احنا كلنا فى حدمه بعض
حساس الايديال والtps مكانهم عند البوابه
لو حددت مكان شاكوش البنزين (البكره اللى هى ممكن تزود بيها البنزين بدل متدوس على دواسه البنزين) فى ظهرها- قصادها حساس الtps
فك الفيشه بتاعته وفكه -نظفه بمنظف الكاربيراتير- انتظر 15 دقيقه ينشف- ركبه وركب الفيشه وجرب

فعلا- الخراطيم اللطالعه من المانيفولد دى خراطيم الفاكيو- فى منها مسؤال عن استجابه المحرك واداءه على السرعات العاليه
لو فيه واحد مفكوك هتسمع صوت تنفيسسسسسسسسسسسسسسسسسسسسس سسسسسسسسسسس

**maziz2l** · 30-01-2017 06:12 PM

السلام عليكم ورحمة الله وبركاتة شييك على حساس الشكمان وبرضة خراطيم الفاكيوم ليها علاقة بالموضوع وبالذات اللي من حساس الماب لبوابة المنافولد وخليبالك لو شيلت خرطوم الفاكيوم دة بالذات هتلاقي لمبة التشيك نورت

**OSAMA.NUBIRAWY** · 30-01-2017 06:37 PM

المشاركة الأصلية كتبت بواسطة salam100100

يافندم احنا كلنا فى حدمه بعض
ده من ذوق حضرتك يا فندم
حساس الايديال والtps مكانهم عند البوابه
لو حددت مكان شاكوش البنزين (البكره اللى هى ممكن تزود بيها البنزين بدل متدوس على دواسه البنزين) فى ظهرها- قصادها حساس الtps
فك الفيشه بتاعته وفكه -نظفه بمنظف الكاربيراتير- انتظر 15 دقيقه ينشف- ركبه وركب الفيشه وجرب

فعلا- الخراطيم اللطالعه من المانيفولد دى خراطيم الفاكيو- فى منها مسؤال عن استجابه المحرك واداءه على السرعات العاليه
لو فيه واحد مفكوك هتسمع صوت تنفيسسسسسسسسسسسسسسسسسسسسس سسسسسسسسسسس

متشكر جدا لرد حضرتك ،،، الحمدلله المشكله اتحلت بتنضيف ماسوره معدن كده بتتربط بصوامل 10 ورا الموتور وبتركيبها بعد التنظيف التنتيشه راحت
ومره تانيه الف شكر لكل واحد رد على موضوعى .

**OSAMA.NUBIRAWY** · 30-01-2017 06:40 PM

المشاركة الأصلية كتبت بواسطة maziz2l

السلام عليكم ورحمة الله وبركاتة شييك على حساس الشكمان وبرضة خراطيم الفاكيوم ليها علاقة بالموضوع وبالذات اللي من حساس الماب لبوابة المنافولد وخليبالك لو شيلت خرطوم الفاكيوم دة بالذات هتلاقي لمبة التشيك نورت

متشكر جدا لرد حضرتك ،، الحساسات كلها تم تنظيفها ببنزين واتسابت 3 أيام تنشف على ما الموتور رجع من المخرطه واتجمع تانى وكده ،،، والحمدلله المشكله اتحلت .

الموضوع: مشكله بعد عمرة النوبيرا

LinkBack

أدوات الموضوع

عرض

المواضيع المتشابهه

عمرة موتور النوبيرا

مشكله في السحب بعد النص عمرة

مشكله-فى-النوبيرا

مشكله في النوبيرا

سعر عمرة ماتور النوبيرا

المفضلات

المفضلات

ضوابط المشاركة