السلام عليكم
ياترى ممكن نقيس كفاءة البطارية الجافة بالأفوميتر؟
ولا بنعتمد على مبين الحالة الموجود في البطارية ؟
عرض للطباعة
السلام عليكم
ياترى ممكن نقيس كفاءة البطارية الجافة بالأفوميتر؟
ولا بنعتمد على مبين الحالة الموجود في البطارية ؟
ممكن طبعا بس مش بالافو العادى لانه هيضرب منك فورا
وعلى فكره ممكن تقيسه بالافو عند بتاع البطاريات لانه بيتحمل قرأة امبير عاليه ومش بيوصله لفتره طويله لانه غلط على البطاريه وحتى تلاقيه بيطلع شراره عاليه جدا عند التوصيل وبهذا ممكن تعرف فيه كام امبير جوه البطاريه ولو قيمه متوسطه مثلا 50 او كده تبقى كويسه
والله اعتمد على مؤشر البطاريه لانه لو اتغير للاسود
يعنى اشحن البطاريه
ولو اتغير للابيض استبدلها
اما الاخضر فهو الجيد
هى موضحه نفسها فليه تتعب نفسك
فيه طريقة بسيطة جدا لقياس كفائة البطارية بالآفو العادى، اولا تأكد من ان البطارية مش فاضية بسبب لمبة او مروحة منسية ثم قم بالآتى
1- خد قراءة فولت البطارية والعربية مبطلة وكل الاحمال مفصولة (12.5-13)
2- خد قرائة فولت البطارية والعربية مبطلة مع تشغيل الأنوار العالية ومروحة التكييف ان وجدت(11.5-12)
3- خللى حد يدور العربية وخد قرائة فولت البطارية لحظة تشغيل المارش(10.5-12)
4- خد قرائة الفولت والعربية دائرة بدون احمال(13.5-14.5)
5-خد قرائة البطارية والعربية دائرة وكل الأحمال شغالة(نور عالى-تكييف...الخ)(12.5-13.5)
لو قراءات التجارب من 1 الى 3 قلت عن القيم المذكورة بجانب كل تجربة يبقى البطارية ضعيفة وكل ما القراءات تقل كل ما البطارية تضعف
لو القراءات من 1-3 كويسة وقراءات 4 او 5 او كلاهما ضعيفة يبقى الشحن ضعيف
لو كل القراءات ضعيفة يبقى الشحن ضعيف والبطارية فاضية بسبب قلة الشحن او ان البطارية منتهية وفى هذة الحالة يجب الكشف عليها عند بتاع البطاريات
حذارى من استخدام قياس الأمبير بالآفو العادى مع بطارية السيارة لأنه هيتدمر لحظيا لأن السيارة تتعامل مع امبيرات عالية جدا عن اقصا امبير يستطيع الأفو العادى قياسه
الف شكر عالمجهود العالي
وبحييك على توقيعك الرائع
مشكور على الإفادة
هجرب إن شاء الله وأشوف ،
إيه المؤشر الموجود فى البطارية ده؟ أنا عمرى ما شفته
في البطاريات الجافة هتلاقي عدسه بلاستيك شفافه تحتها مبين لحالة البطارية
وبيظهر فيها ألوان ( أخضر - أبيض )
وبيكون مكتوب على البطارية معني كل لون
تمام فكره مفيده
ان شاء الله حجربها
طب عايز اسأل سوال ؟ لو المؤشر على الاسود دة معناة لازم اشحن البطارية .......
مع ان اللى انا شارى منة البطارية قاللى انها مابتتشحنش خالص وبدنها كدة....
؟؟؟؟؟؟؟؟؟؟؟؟؟؟؟؟؟؟؟؟؟
طيب اية نوع الافو اللي ممكن نقيس بيه ؟
مع العلم اني عند صديقي افو 1.5 امبير
شكرا للمعلومات الجميلة يا استاذ سبعاوي
موضوع يستحق الرفع
انا باستخدم الافو العادى الصغير ده بس بسرعة ما باطولش هيا لمسة و اخد القراية و اشيله و كمان مؤشر البطارية الاخضر بيساعد فى الموضوع ده انك تطمئن