عرض للطباعة
سلام عليكم اعضاء المنتدى الكرام
صباحكم سعيد يارب
عندى استفسار معايا النترا 2011 خليجى لسه جايه من السعوديه عامله 24 الف كيلو بتغيير زيت كاسترول gtx 5w30 معدنى عايز اغيرلها زيت هل لو حطيت شل الترا فيه ضرر وهل استخدمها للزيت المعدنى الفتره اللى فاتت هيسبب ضرر
شكرا وجزاكم الله خير
زيت كاسترول gtx بينزل بلزوجتين في الخليج:
20w-50 .. وده زيت معدني بمستوى أداء متوسط api sl
10w-30 .. وده زيت معدني بردو بمستوى أداء عالي api sn
غالبا حضرتك قصدك على الـ10w-30
بشكل عام الزيت كويس جدا.. بس ينقصه إنه مش مطابق لمواصفة ilsac gf-4 زي ما الكتالوج طالب..
طبعا يفضل إنك تحط زيت تخليقي.. بس الزيوت المعدنية لو مطابقة للكتالوج يبقى معندك مشكلة.. لإن المسألة دايما هي المواصفات.. مش تخليقي ولا معدني.
أنصحك تستخدم زيت موبل1 x1 بلزوجة 5w-30.. ده أكتر زيت متاح بسهولة ومطابق للكتالوج.
لو عايز زيوت أحسن موجود... بس غالبا هيبقوا أغلى ويمكن مش موجودين بسهولة.
لو قدرت تلاقي زيت بترومين a-1 يبقى كويس جدا.. أنا باستخدمه في السعودية وأداؤه مناسب جدا للموتور ومطابق لطلبات الكتالوج تماما.
شكرا جزيلا على ردك
اه فعلا هوا 10w30 اللى انا كنت بستخدمه في السعوديه بس انا حاليا في مصر ايه رايك في كاسترول ماجنتك وشل الترا ايهما افضل هما ولا الموبيل
تمنياتى لك بالتوفيق يارب