موبيلي شاشته اتكسرت ومحتاج مساعدتكوا

**sasa44** · 01-02-2017 02:34 AM

السلام عليكم ورحمة الله وبركاته
انا كنت شاري موبيل s5 من امريكا موديل sm g900a وشاشته اتكسرت روحت اصلحه في التوكيل في مصر قالي الموديل مختلف عن اللى بينزل مصر ومالوش قطع غيار هنا تقريبا اللي بينزل هنا g900h او g900f فبصراحة مش لاقي حل ومش هعرف اسفر الموبيل تانى فهل فيه اي حل ممكن اعمله وهل فعلا قطعة الغيار للشاشة لكل موديل مختلفة ؟؟؟
وفي انتظار نصائحكم

**amr011111** · 01-02-2017 07:53 AM

الحل استيراد قطعة الغيار

**tasaka** · 01-02-2017 11:16 AM

لو كل الشاشه شغاله لمس كويس و مفيش مشكله

يبقى الشاشه سليمه ..

و جزء ( طبقه ) اللمس فيها سليم و ده اهم حاجه لانه غالى .. لو طبقه اللمس باظت .. يبقى التكلفه حتكون عاليه

بيكون فيه بعد كده طبقه فوقهم حمايه بلاستيك او زجاج ( ما اعرفش ) .. دى هى اللى بتتشرخ .. دى بتتغير و سعرها رخيص 20 دولار مثلا

التغيير محتاج صنايعى شاطر و عارف ازاى يفك لزق الطبقات دى من بعض بهدوء علشان يغير المطلوب

لو لقيت الصنايعى و اتأكدت انه عمل الموضوع ده قبل كده عده مرات .. و كان المطلوب فقط الطبقه الخارجيه الرخيصه .. ابعت هاتها من على الامازون

و تختار القطعه اللى زى كود جهازك بالظبط داخل ال s5 عند البحث على امازون ( و ان كنت اعتقد ان القطعه البلاستيك دى المفروض تكون ماشيه مع الكل .. بس اتأكد انت بنفسك من على الامازون )

التوكيل حيغير لك الشاشه كامله .. يعنى 3 او 4 الاف جنيه باسعار دلوقتى ( ده مجرد تخمين للسعر فى التوكيل )

**tasaka** · 01-02-2017 12:01 PM

خلى بالك لو الصنايعى موش شاطر او ما عملش الموضوع ده قبل كده .. ممكن جدا انه يبوظ طبقه اللمس اتناء فصل الطبقات .. يعنى ساعتها حتبقى مشكله كبيره علشان تشتريها او تكلفه عاليه جدل برضه

موضوع فصل الطبقات ده بيكون عايز دقه و صبر و خبره .. يعنى المصنعيه حتكون عاليه لن تقل عن 200 جم .. او 300 جم باسعار اليومين دول

**sasa44** · 02-02-2017 04:19 AM

هو الشاشه اتكسرت ومش بتنور اصلا
التوكيل قالي 2000 جنيه ووافقت بس ملاقاش قطعة الغيار
ولقيتها ع امازون ب 120 دولار ده غير الجمارك والتركيب
خراب بيوت يعني