ياترى رأى كل سوزوكاوى فى العربية SX4 سيدان من حيث الاتساع هل هى سيارة عائلية ام لا تصلح لعائلة هل هى كسيارة ثباتها عند السرعات العالية جيد أم لا هل الامكانيات الموجودة بالسيارة و بخاصة المانيول جيدة ام بها نقص وأرجو ابداء الرأى فى كل ما سبق بغض النظر عن أنها يابانية الصنع و تقفيلها ياباني بنسبة 100%
السلام عليكم
معلش انا هتطفل علي الموضوع وهقول رائي بس
من حيث الامكانيات والشكل لاني مش ركبتها أنا شفتها بس
بصراحه العربيه من حيث الشكل والتقفيل تحفه فعلا
وتبان عليها الفخامه والقوه في ملامح النصميم
الشنطه واسعه جدا وده من الخارج
ا
شركة سوزوكي بقالها فتره كبيره
ماشيه علي خطوط التطوير والتميز في كل تصميماتها
وده مؤشر جيد لاقتناء السياره
وربنا يوفقك
أنا مش معايا العربية بس ركبتها في معرض كانت تحفة من حيث الشكل و التقفيل تحس فيهم الفخامة والاتساع فيها حلو جدا و الشنطة واسعة جدا 515 لتر والعربية عالية يعني مش حتحك في المطبات وفيها 2 ايرباج abs+ebd و cd mp3 وجنوط سبور 15 و4 زجاج كهربائي و مرايات كهرباء و فوجات أمامية واعتقد ليها ريموت و انذار وشاشة تحسب استهلاك البنزين و حرارة الجو بس بالنسب للأداء مش عارف بس أعتقد انه كويس بس متهيألي أنه مفيش منها مانيوال دلوقتي بس العربية الأوتوماتيك مع عضوه هنا اسمها حنينا بتشكر فيها قوي و بتقةل سحبها حلو وأن التكيف مش بيأثر على السحب
الحمد لله ، بعد 20 الف كم من البهدلة و التحميل الشد والجرى، والمشى فى طرق غير ممهدة ، زى الوصلة اللى من اخر الدائرى فى المريوطية لطرق الواحات ، ماشاء الله العربية حالتها زى اول يوم سقتها فيه .
العفشة ممكن تكون ناشفة شوية علشان هى عربية راليات وطرق غير ممهدة ، بس الموضوع ده غير متعب او مزعج خالص وانا شخصيا مرتاح فيها الحمد لله.
والعربية الميزة الرئيسيه فيها هى قوة السحب الممتازة،بالرغم من انها 107 حصان بس!!
والثبات الحمد لله لا غبار عليه على السرعات العالة والمناورة لحد 140-150 كم\س بس طبعا ماينفعش نقارن بالسيفيك او الجيتا مثلا :)
وده طبعا مش رأى مطلق ، لأ ده مقارنة بالانترا و اللانسرالقديمة والجديدة و الكورولا القديمة و الابترا ، علشان انا سقت العربيات ده فترات كبيرة برة مصر،وكلهم كويسين ولاكن ترتبهم من وجهة نظرى من حيث قوة المتور والتسارع ومتعة القيادة :
1)sx4
2)النترا
3)اللانسر الجديدة
4)الكورولا
5)الابترا
6)الانسر القديمة
اللى عرفته انها كويسة جدا بس فى مشكلة جامدة فى العزل بتاعها يعنى لما تقفل الزجاج مش هتحس بهدوء خالص وصوت الموتور عالى ومسموع جدا غير كده العربية كويسة جدا وسعرها حلو اوى
طيب ال sx4 ولا الياريس
ياريت حضرتك تقولنا عرفت المعلومة دى من فين ؟ هل حضرتك جربت العربية؟ او تعرف حد عنده العربية بيشتكى من كدة؟؟اقتباس:
اللى عرفته انها كويسة جدا بس فى مشكلة جامدة فى العزل بتاعها يعنى لما تقفل الزجاج مش هتحس بهدوء خالص وصوت الموتور عالى ومسموع جدا غير كده العربية كويسة جدا وسعرها حلو اوى
لان لو ده فعلا صح يبقى انا اللى عندى غلطة فى العربية ، والعزل زيادة عندى شويتين، لانى فعلا بنعزل عن العالم الخارجى لما بمشى بالعربية :)
العربيتين مش من نفس الفئة ، فمينفعش نقارن أداء وقوة المحرك لانه فى صالح الSX4،اقتباس:
طيب ال sx4 ولا الياريس
ولاكن العربيتين فى نفس مستوى التقفيل والخامات ، بس الفكرة انك لو ناوى تغير العربية فى خلال سنة او اتنين بالكتير ، يبقى اليارس افضل علشان اعادة البيع بس هى اصغر بكتيربالاخص الشنطة ،ولاكن لو ناوى تخليها معاك كام سنة يبقى الSX4 ان شاء الله حتريحك.
انا جربت الاتنين قبل لما اشترى ، فانصحك تعمل كده انت كمان.
أشكرك لتصحيح المعلومة لانه بالفعل غالبية ملاك الـsx4 اكدوا نفس كلام حضرتك و عليه ، أى عضو بالمنتدى يشترك فى موضوعنا هذا يكون على يقين بصحة هذه المعلومة و كل عام و انت بخير
Mr.Mekkawy thx 3ala ma3lomatak ele bgad mofeda we to the point....bas now ta2reban ba2alha ad eh el 3arabeya...we kaman kol el nas elle hena beteshtem fe el tawkeel we el seyanat beta3to....we kaman knt 3ayez a3raf el 3arabeya 3ala tare2 safar betkon 3amla ezzay...faramel ....3'oraz mofag2a...monawra ya3ne 3ala sor3at 3alyaa...ana ma3aya lancer 2006 sport we besara7a 7'ayef men el sx4 enta eh ra2yak....we kaman knt 3ayez as2al 3ala el keyless start..hwa da el smart key walla da 3ebara 3an eh belzabt.....ma3lesh ana tawelt bas ana knt nazel el naharda ashtere bas we2eft msh 3aref leh ...thx 4 ur help
العربية معايا من 5 شهور وعملت فيهم 20الف ، بالنسبة للتوكيل اكيد اى حد شتم فيهم اكيد حصلتله مشكلة ما ، وفى بعد المشاكل اللى حصلت مع ناس هنا لو حصلتلى ممكن يكون رد فعلى اكتر منهم ، بس بصراحة انا بقالى سنتين بتعامل مع التوكيل ده بالSX4 وكان عندى ماروتى كمان ، بس الحمد لله مشوفتش من الناس غير كل خير ، بس ممكن برضه علشان الحمد لله محصليش اى مشكلة كبيرة فى العربية فمفيش اختبار حقيقى ليهم معايا ، وربنا ميجبش اى اختبارات يارب.اقتباس:
Mr.Mekkawy thx 3ala ma3lomatak ele bgad mofeda we to the point....bas now ta2reban ba2alha ad eh el 3arabeya...we kaman kol el nas elle hena beteshtem fe el tawkeel we el seyanat beta3to....we kaman knt 3ayez a3raf el 3arabeya 3ala tare2 safar betkon 3amla ezzay...faramel ....3'oraz mofag2a...monawra ya3ne 3ala sor3at 3alyaa...ana ma3aya lancer 2006 sport we besara7a 7'ayef men el sx4 enta eh ra2yak....we kaman knt 3ayez as2al 3ala el keyless start..hwa da el smart key walla da 3ebara 3an eh belzabt.....ma3lesh ana tawelt bas ana knt nazel el naharda ashtere bas we2eft msh 3aref leh ...thx 4 ur
بس انا ليا رأى فى موضوع التوكيل ده ، تقريبا انا مشوفتش توكيل فى مصر الا وسمعت عن حد حصلتله فى مشكلة ، وعمال يشتم فيه ، وده واضح فى المنتدى بتعنا ، فانا شايف ان كله محصل بعضه ، المهم العربية نفسها عمله ايه.
بالنسبة لموضوع الكى ليس انترى ده ، مين اللى قال انه موجود فى الSX4 اللى فى مصر ؟ العربيه زى عربيتك ، معاها مفتحيت ريموت وبس زى معظم العربيات.
بالنسبة بقى للسرعات و المناورة ، فانا شايف من غير تحيز ان العربية نجحت فى التوازن بين موضوعين مهمين جدا ، بالرغم من ارتفاعها الواضح عن الارض، انما العربية الثبات بتعاها ممتاز فى الملفات على السرعات العالية ،والفرامل الحمد لله ممتازة ، وحساسة جدا ، بالمناسبة هيا ABS ، وانا شخصيا بحب انجز على الطريق و الحمد لله العربية استجابتها وتسارعها ممتاز، وفى نفس الوقت تحس انها تحت السيطرة .
عموما انا واحد صحبى معاه لانسر 2007 سبور برضه ، لما ساق عربيتى ، انبهر اكتر حاجة بالتسارع مع الثبات.
وعموما ربنا يوفقك وتختار العربية اللى تكون مبسوط كل لما تيجى تسوقها.
alf shokr ya basha we ma3lesh ana dawashtak bas kan 3ande so2aal
hwa fe makan fe masr momken a3mel fe test drive lel3arabeya...?
we ba3den eh el alwan elle mawgoda fe masr?
we thx again for ur help
انا ركبتها و جربتها هي كويسة جدا
المعلومة دى خاطئة تماما وانا مش عارفة حضرتك بتقولها بناءا عن تجربة ولا سمع فقطاقتباس:
المشاركة الأصلية كتبت بواسطة mohaismail
العربية معايا ومااعتقدش ان فيه منها مانيوال وزى ماقال استاذ مكاوى العربية جميلة جدا ولو رجع بيا الزمن كنت هاجيبها برده
وبالنسبة لاسئلة صاحب الموضوع فالعربية مناسبة جدا لعائلة لان مساحتها الداخلية كبيرة وشنطتها بحر ماشاء الله واداءها ممتاز وبالذات السحب ماتحسش انها اوتو ابدا وكمان علوها عن الارض مريح جدا وثباتها حلو بالرغم من الارتفاع ده انا كنت ماشية بيها على 140 ومعتقدة انى ماشية 90 ولما بصيت على العداد كان هايجيلى سكتة قلبية بصراحة
وطبعا موضوع العزل ده مش صحيح بالمرة انا باقفل الازاز وباحس انى بقيت فى عالم لوحدى
معلش انا نسيت اجاوب على سؤال الكماليات ودى اكتر حاجة حلوة فيها لانها مليانة كماليات حلوة بالنسبة لسعرها
يعنى فيها abs,ebd و2 اير باجز وفوج لايت وطارة مالتى فنكشن وامكانية تعديل كرسى السائق وايضا تعديل الطارة وكمبيوتر رحلات وعداد استهلاك البنزين وطبعا 4 قزاز كهربا وسنتر بالريموت واحلى حاجة فيها ان السنتر بيفتح باب السواق بس فى اول ضغطة على المفتاح عشان اخوانا الحرمية وتانى ضغطة تفتح باقى الابواب ودى بلاقيها مفيدة جدا وبقى مطمنة لما بتبقى معايا حاجات جوة العربية بصراحة مريحة نفسيا وفيها فتح التانك والشنطة من الداخل
معلش نسيت اقول ان فيها cd mp3 رائع جدا ومرايات كهربا ولو افتكرت حاجة كمان هاقولها
أشكركى على المعلومات القيمة و لكن بالنسبة لنقطة هناك مانيول ام لا فنعم هناك مانيول فمن خلال موقع سوزوكى على النت يمكن الحصول على مواصفات المانيول و الاتو و بالفعل السيارة رائعة و لكن كثرت الاقاويل بخصوص التوكيل و خدمات الصيانة و انا لا أعرف هل ستتفقون معى فى هذا الرأى أم لا ، الرأى يقول أن كل فرد يحكى عن التوكيل من خلال تجربته الشخصية هو بمعنى لو تعامل معهم مرة و كانوا خلالها ممتازين اصبح التوكيل ممتاز و العكس صحيح و الراحة النفسية للتوكيل ايضاً لها عامل من حيث هل هو جيد أم سيىء مثل الدكاترة فيكمن لشخص أن يتعامل مع دكتور مغمور و لكنه مرتاح نفسياً معه فيكون هذا الدكتور افضل دكتور فى الدنيا و يمكن ان نتعامل مع دكتور كبير و مشهور و لكن معنا معه تجربة سيئة فيكون بالتالى دكتور سيىء
انا ماكنتش اعرف ان في منها مانيوال عموما ده كويس
وبالنسبة لنقطة التوكيل انا اتفق معاك تماما ان كل واحد بتختلف انطباعاته عن التوكيل حسب اول تعامل وزى مابيقولوا الانطباعات الاولى تدوم
وبالنسبالى احنا بنتعامل مع التوكيل من اكتر من تلات سنين وهم ناس محترمة ومحترفة وماصدفناش اى شئ ضايقنا من التوكيل بصراحة وربنا يوفق الجميع
بص يا أخي أنا كنت محتار زيك كده وعملت كل المقارنات قبل شراء sx4 وفي الأخر توكلت على الله وأشترتها ولقيت كل الكلام اللى قالوه الأخوه في منتدى سوزوكي مظبوط سواء كلام كريم منير أو مكاوي صحيح أنا بحس ببعض النشوفية في المطبات لكن ليست مؤثرة على الراحة والنعومة والعربية بشكل عام رياضية بما في ذلك العفشة الناشفة وبعد التجربة متهيأ لي اني كنت هفكر وسوف أعود لأختيارها وربنا يوفقك ويكفينا شرها
ياريت الاخوة اصحاب العربية يدخلوا تانى ويكلمونا عن العربية بعد الفترة الطويلة دى معاهم تانى ويقولولنا ايه الجديد اللى طرا على العربية من مميزات وعيوب فى الفترة اللى فاتت