فشل أسمه قانون المرور الجديد

**yassersea** · 05-12-2008 02:54 PM

كل سنة و أنتم طيبين يا جماعة
حبيت بس أعبر عن مشاعرى المكبوتة تجاة قانون المرور الجديد و القديم و الى عاملينوه

1- مفيش أى تغيير فى أى حاجة , كل السلبيات موجودة و مفيش حد بيحترم المرور لأن ألى بيطبأه أصلا ما بيحترموش و ممكن الأشارة تبأى خضرا و يوأفك و تبأى حمرا يمشيك و مليون حاجة كدة.
2- محدش يأول دى غلطة المواطنين لأ دى غلطة أدارة غلطة حكومة
3- على أكتر الطرق ممكن يبأى فيها حوادث مفيش رادار (الدائرى)
4- عيون الكلب ألى بهدلتلى الكاوتش و العفشة ربنا ينتأم من ال..... ألى حطها فى نهر الطريق.
5- المطبات و المأبات و البلاعات وغطيان البلاعات لما تنزل عجلة العربية فى بلاعة و تخربلى المقص حد من الحكومة حيصلحولى على حسابة و لا بس لما واحد يلبس فى سور كوبرى يبأى أتلف ممتلكات عامة.
قمة فى الفشل صح

كل سنة و أنتوا طيبيين.

:k10:

**khattab2008** · 05-12-2008 04:24 PM

بس على فكرة بتوع المرور عايزين يعملوا مصالح على الناس ويطلعوا فلوس من الهواء بأسم قانون المرور الجديد فمثلا التدخين اثناء القيادة مخالفة وهى فعلا كذلك وناس بيقولوا تغاضوا عنها وناس بيقولوا لأ والله اعلم منهم لله كلهم

**hamada_sivo** · 05-12-2008 05:24 PM

هو فعلا فاشل بس بالنسبه للشعب لكن للمرور هو ناجح عشان كتر من مصالحهم ..

**Samir Elshahawy** · 05-12-2008 07:19 PM

في كل الدنيا مخالفة السرعة عقوبتها سحب الرخص أو خصم من نقاطك لكن في مصر حاجة تانية أسمها مصالحة !!!
المصالحة زي ما حضراتكم و أنا و بتوع المرور عارفين أنك تدفع 150 جنيه علشان تعديت حدود السرعة المسموح بها دون سحب الرخصة و مافيش مانع تتخطاها تاني طالما معاك فلوس و ها تدفع
معلش ياجماعة ده مش قانون مرور , ده قانون قطاع الطرق الجديد

**tarek hashem** · 06-12-2008 12:21 AM

يا جماعه فيه حاجه انتوا مش واخدين بالكم منها وليه هو اتعمل
فى الاول كانت المخالفات سحب رخص ومحضر مخالفه وتحويل المحضر للنيابه وفى النيابه كانت بتتحط غرامه وتدفع وكانت لوزاره العدل نسبه كبيره فى الايراد لانها بتدخل فى التنظيم
دلوقتى الداخليه بتلعبها صح كده نطرت وزاره العدل من الموضوع وبقت المخالفات كلها 100 % للداخليه وبس
شفتوا الصياعه