عرض للطباعة
سمعت الكلمة دى من ناس كتير بس تسال اى حد هو اية يقولك اى كلام ملهوش لزمة لانة سمع اصدقائة بيقولوا تفتيح الموتور
فبسال كل من عندة معلومة موكدة الرد بالاساس العلمى
او سرد كلمات للبحث بها فى محركات البحث سواء بالعربية او الانجليزية
مع العلم بقراتى للموضوع دة بس انا مش مقتنع بية لعدم ذكر اى اساس علمى
http://www.contact-cars.com/Discussi...49&MesSearch=1
لا يوجد اساس علمى لهذة الكلمة ولكن...
يجب ان تدى الغيار حقة حتى يعيش معاك الموتور اطول فترة يعنى الأول لغاية 20 الثانى لغايى 40 وهكذا زود 20 وانت ماشى... شوف العربيات الأتوماتيك هتلاقيها بتغير كدة...ازاى غيرت بدرى فأنت تدمر موتورك خصوصا اذا كان فية تسقيف
د.محمد يسرى
اشكرك على الرد و انا شايف انة صحيح 100 % و كدة يبقى الشباب اللى بيقول ان الموتور بقى اشد لانة مفتح بية لحد 180 مثلا دة اى كلام و هو مضفش حاجة للموتور و حوار مرة فى الاسبوع دة كمان اى كلام
الواحد يمشى و يريح كل غيار بانك تعوم الموتور شوية
الفكرة فى التليين و الموتور جديد الناس فاكرة ان التليين انك تحسس على الموتور و دة غلط لان فى الفترة دى البساتم بتطبع على البلوك و بيبقى فى طبقة من المعدن الخارجى للبستم خشنة شوية بتساعد على تاكل البستم و البلوك لحد ما يطبع صح
لو فضلت تحسس الطبقة دى حتتاكل و البستم حيطبع على حمل قليل و بعد كدة لو جيت تكبس او تحمل على الموتور دة حتحس ان مصارينة بتطلع لان مع الكبس الحرارة بتعلى و التمدد بيزيد و البستم ماتطبعش على الاحمال دى... طبعا دا يدل ان "عفوا السيارة فى التليين" عبارة ليس لها اساس من الصحة
انا مرة جبت طقم شمبر امريكانى و كانت تعليمات التليين كلااتى:
سير بسرعة 60 كم/س على اعلى غيار للفتيس
زود سرعتك الى 90 كم/س بدون استخدام الكيك داون فى حالة الفتيس الاوتوماتيك
ارفع قدمك عن البنزين حتى تقل السرعة الى 60كم/س بدون استخدام الفرامل
كرر الخطوات السابقة 10 مرات
اعتقد كدة يبقى مفيش مجال للشك
MMamdouh
كلام معقول و الله بس انا نفسى واحد من اللى بيقولوا بلسانهم انوا مفتح يجى يقولنا هو اية التفتيح
دا مصتلح كدة مصراوى ملوش اى مرادف علمى فى اى لغة اخرى... المصطلح االانجليزى الص هو Engine Break-in
http://www.ntnoa.org/enginebreakin.htm
MMamdouh
باشا الله ينور عليك بس أرجوك Clarify شوية....اقتباس:
لو فضلت تحسس الطبقة دى حتتاكل و البستم حيطبع على حمل قليل و بعد كدة لو جيت تكبس او تحمل على الموتور دة حتحس ان مصارينة بتطلع لان مع الكبس الحرارة بتعلى و التمدد بيزيد و البستم ماتطبعش على الاحمال دى... طبعا دا يدل ان "عفوا السيارة فى التليين" عبارة ليس لها اساس من الصحة
عشان انا معلوماتي عن الRun in أو التليين انك لازم توسطن الRPM شوية...علي الأقل في أول 1000-2000 كيلو..
و جزاك الله خيراً
بس يا ممدوح انا فاكر ان في كتالوج العربية كان مكتوب في أول 2000 كيلو ال ار بي ام ميعلاش عن 4000
اول 2000 كيلو... طيب و بعد ال2000 حيبقى لسة فى تليين؟ اهتقد بعد 2000 حتكون الدنيا طبعت و الموضوع انتهىاقتباس:
المشاركة الأصلية كتبت بواسطة Mohsens
MMamdouh
مش لازم تحرق على الغيار لحد 6000 لفة... ممكن من 800 الى 4000 فى كل غيار مثلا و كمان راعى ان النقلات الاعلى بتحمل على الموتوراقتباس:
المشاركة الأصلية كتبت بواسطة Ahmed Hassan
كمان المصنعين مش حيهمهم انك تفتح موتورك ولكن يهمهم ان الموتور ميحصلوش حاجة خلال الضمان فا اكيد كل النصائح المكتوبة حتكون فى جانب الامان شويتين... لو كتبوا "احرق على الموتور عشان تلين صح" كل واحد موتورة حيفوت حيقلهم "انتوا اللى قلتم احرق"
MMamdouh
و الله لو كلامك صح يبقى انا محظوظ لأني ألتزمت بالكلام اللي في الكتالوج لفترة 1000 كم بس :lol:
فكرتنى لما كنت بالين كنت راجع من راس سدر و العداد جاب 999....رحت مهدييييي و مشيت بالراححححححة...و علي وشي ابتسامة شريرة...عارف زي اللي صايم في رمضان و مستني المدفع... :)اقتباس:
و الله لو كلامك صح يبقى انا محظوظ لأني ألتزمت بالكلام اللي في الكتالوج لفترة 1000 كم بس
أخو مراتى كان معايا فقسني علي طول و قعد حاطط عينه عال العداد معايا.....العربية جابت ألف من هنا.....و الباقي مش محتاج أقوله :) :)
مش عارف اشكركم ازاى بس والله كل مرة بترودا على الموضوع الواحد بتزيد خبرتة