عاوز نصيحة لحل بعض مشاكل 301

**mohamedyounis** · 14-02-2017 09:21 AM

السلام عليكم

عندي بعض المشاكل في 301 (موديل 2014 ) وكنت عاوز نصايحكم الغالية :

1- دراع النور بتاعها باظ ( من احد مغاسل السيارات) يعني عامل المغسلة اللي بوظه للاسف وبقت الانوار تشتغل اول ما ادور العربية بدون ما اشغل الانوار اساسا ... المهم سألت عليه قالولي انه مش بيتباع لوحده ... اللي بيتباع القطم اللي خلف الدركسيون كله مع بعضه وتقريبا بييجي معاه البورده بتاع الدركسيون اللي جوه ودي تقريبا بتتحكم كمان في الاير باج... المهم ان البتاعة دي غالية واخر مرة سألت عليها كان من 6 شهور وكانت ب 5000 جنيه من التوكيل ... وبعدها مسألتش تاني عشان بقي موضوع الدولار ده هايخلي سعرها الضعف ... هل حد في حضراتكم يعرف حل او مكان اشتريها منه او تكون موجوده استيراد مثلا... يا رب حد يقدر يفيدني في الحكاية دي

2- العربية ممتازة وداخلة علي 50000 كم ... بقالي فترة صغيرة كده الفتيس بتحس انه بيدب كده لما تيجي العربية تنقل من الاول للتاني مثلا او سرعتها تزيد .. بعدها بتمشي عادي .... كمان الحكاية دي بتحصل اكتر والعربية لسه بتتحرك والموتور بارد ...... حد يعرف ايه ده ؟ والحل ايه ؟ لنها مكانتش كده

3- الشبكة الامامية طبعا بتفك وبتتربط بأفيز بلاستيك زي ما عربيات منها كتير باشوفها كده في الشارع ...... حد لقي حل للموضوع ده بدل ماحنا رابطين الشبكة كده وشكلها وحش

غير كده العربية ماشاء الله ممتازة ومبسوط بيها وربنا يحفظها وهي صفقة رابحة

يا رت اللي يقدر يساعدني بالتوجيه او النصيحة يتفضل

الف شكر

**mohamedyounis** · 15-02-2017 02:21 PM

خير يا جماعة .... مستني نصايحكوا الغالية ..... محدش رد عليا لسه ليه ؟؟ انا دايما متعود علي التفاعل ....... يا ريت اللي عنده معلومة يوجهني وله جزيل الشكر

**م أحمد** · 15-02-2017 02:37 PM

دراع النور ممكن يكون فيه رطوبة داخلة فيه و عاملة تلامس بشكل دائم و غالبا إن شاء الله مش هتحتاج اكتر من تنظيف بمنظف الكترونى بينزع الرطوبة بس الفكرة انك تلاقى طريقى فك دراع النور او روح لكهربائى بيجو اعرض عليه المشكلة

بالنسبة لنتشة الاول و التانى دى طبيعة عمل الفتايس دى و احتوائها على بلوف و لان اكتر بلف بيحص عليه شغل هو بلف التحكم بين الاول والتانى فدا اللى بتلاقيه بيتسد

الحل لو الموضوع مبالغ فيه تغيير زيت و فيه البلوف الفرعية دى بتتباع لوحدها غير البلوف الرئيسية او تنظيف علبة البلوف و الله أعلم

**mohamedyounis** · 15-02-2017 03:12 PM

ألف شكر لحضرتك يا باشمهندس

طيب ممكن حضرتك ترشح كهربائي بيجو يكون كويس ... لأني معرفش حد

وبخصوص الشبكة الامامية ؟ هل لها حل ؟

**م أحمد** · 16-02-2017 09:15 AM

أنت ساكن فين ؟

**mohamedyounis** · 24-02-2017 07:43 PM

معذرة للتأخير في الرد لبعض الظروف ..... مكنتش بافتح النت :)

أنا ساكن في النزهة الجديدة ....

شكرا مقدما لمساعدة حضرتك

**mahmed0100** · 16-05-2017 09:13 PM

2 مشكله مع الفتيس بلوف او زيت الله اعلم محتاجه فحص و تمشي معاها خطوه خطوه مع متخصص لان المشكله دى كانت فى اختها ال 307 زمان
الشبكه دى بتتثبت بمسامير فى التوكيل من جوه و مش بتتحرك تانى و ممكن تجرى بعدها بالعربيه 180 مش حتتحرك من مكانها
دراع النور ده غالبا سوائل التنضيف وصلت لجزء الكهربا بتاع الدراع لو اتفك و اتنضف باسبراى حيشتغل تانى و ده اغلب الظن