الموضوع: افضل زيت مستخدم لسيارة بيجو ٥٠٥

أفضل زيت دايما هو المكتوب في كتالوجها..

تقدر تشوف الكتالوج بتاع ال505 من هنا..
1985 Peugeot 505 Owner's Manual

حسب الكتالوج ده.. أحسن زيت لزوجته 10W-40 بمستوى جودة API SF على الأقل..

طبعا مستوى الجودة بتاع الزيت ده كان يعتبر متقدم أيامها.. إنما دلوقتي ده يعتبر أقل مستوى زيوت في السوق..

فأي زيت بلزوجة 10W-40 هيشتغل معاك تمام جدا جدا....


أما مسألة الاهتزازت في بداية تشغيل العربية.. فدي مالهاش دعوة بالزيت قد ما لها دعوة بضبط الكربيراتير والبوجيهات... والأهم من ده كله... وجود ثرموستات الكوعة.. اللي أشك إنه يكون موجود في عربية بالعمر ده.

لو عايز تعرف إيه هو ثرموستات الكوعة وفايدته كبيرة قد إيه.. ادخل على الموضوع ده..

ثرموستات الكوعة... المفترى عليه

...

المشاركة الأصلية كتبت بواسطة Peug505

borio 1704

طيب هل شركة xado egypt
https://xado.com.eg/

منتجاتها كويسة وانا سئلته علي نوع زيت ماتور و فتيس و بور لنوع العربية نصحني بالانواع ديه

فيتا فلاش
زيت محرك 20w50
مرمم ذري
زيت فتيس 75w90
زيت باور atf3/4/5

وهل الفيتا فلاش والمرمم والكلام ده هيفرق في ادا العربية فعلا ولا فلوس علي الفاضي

سيبك منهم... بياعين .. بلاش أقول كلام تاني..

ابقى خد معاك الصفحة دي لما تيجي تشتري الزيت (من كتالوج الـ505)... هي دي أحسن زيوت لعربيتك..



عايز تجيب زيوت أحسن منها.. مفيش أي مشاكل..
بس ما تجيبش زيوت مختلفة أو بمواصفة تانية خالص وتقوللي حتشتغل كويس.

وبالنسبة للإضافات.. ادخل على الموضوع ده:
http://www.nilemotors.net/Nile/492072-a.html

...