ابه الورق المطلوب اتجديد رخصه القياده الخاصه
عرض للطباعة
ابه الورق المطلوب اتجديد رخصه القياده الخاصه
لو تجديد رخصه بدون فحص:
بتجيب شهاده المخالفات (براءة الذمه) وتروح المرور تشتري ملف تجديد فقط بدون فحص ومن امام المرور من اكشاك شركات التأمين تأمن تأمين اجباري بعدد السنين اللي عايز تجدد بيها وتصور بطاقتك والرخصه صوره وتطلع للظابط بيأشرلك ع الملف ويبعتك عند موظف معين بيطلع ملفك ويستف الاوراق ويديك رقم ويبعتك للمراجع والمراجع بيبعتك الخزنه تدفع الضريبه وترجع للموظف الاول تديله ايصال دفع الضريبه ويبعتك لشباك استلام الرخصه.
واهم حاجه تراجع الرخصه بعنايه جدا والاحسن يكون معاك صوره للقديمه علشان تراجع رقم الماتور والشاسيه علشان لو فيه غلط تعدله في ساعتها.
لو فيه فحص هيزيد مع ملف التجديد نموذج فحص وتفحص بياخد رقم الماتور والشاسيه ويدبسك في شنطة اسعافات ومثلث حتى لو معاك اما طفايه الحريق لو لسه صلاحيتها ما انتهتش ٥ سنوات خلاص وطبعا بيراجع الرقم المدقوق عليها برقم الشاسيه بتاع العربيه. ولو انتهم بيدبسك في واحده وبعدين المهندس بيراجع الفحص مع وصولات الشنطه والطفايه والظابط يمضي وبعدين ترجع تلف اللفه السابقه.
بس اهم حاجه بتروح المرور معاك براءة الذمه وصوره للبطاقه والرخصه.
بالتوفيق
شكرا على الرد
لكن انا بسال عن تجديد رخصه القياده الخاصه مش رخصه العربيه
اوباااا.معلش ماخدتش بالي والله.
بس مش هاعرف افيدك لأن انا عاملها من زمان ونسيت الاجراءات.
كشف نظر و باطنة من اى مستشفى حكومى و هاتحتاج صورتين شخصيتين ليهم
برائة ذمة من النيابة التابعة ليها الرخصة و هتحتاج صورة الرخصة و البطاقة
و تروح المرور تشترى ملف تجديد رخصة قيادة خاصة
تسلم الملف و الشهادات للموظف ( مع صورة للبطاقة و صورة للرخصة )
و تروح تدفع فى الخزنة مصاريف التجديد وترجع الوصل للموظف
و تقعد تستنى التصوير و بعد التصوير تقعد تستنى تستلم الرخصة و مبروك
الف شكر لحضرتك