استشارة اشتري جديد ولا مستعمل

**enayat** · 24-02-2017 06:39 AM

السلام عليكم
دلوقتي ياجماعة انا مسافرة دولة عربية بشتغل في وظيفة حكومي والوظيفة موفرة باص انتقل بيه من والي الشغل
المهم العام الماضي بعت عربيتي في مصر
ودلوقتي محتارة مابين اشتري هنا عربية مستعملة اقضي بيها مشاويري ولا اشتري جديد و انزلها معايا مصر في اخر سنة ليا هنا ؟
موضوع هنزل امتي ده الله اعلم بس بصراحة مش ناوية نزول غير لما يقولوا لي مع السلامة، او يقضي الله امرا كان مفعولا .
علما باني لو هشتري جديد فانا هجيب ياريس او تويوتا
وشكرا ليكم

**Land_Cruiser** · 24-02-2017 09:10 AM

اعتقد الافضل حضرتك تشتري مستعمل عندك يكون حالته معقوله علشان السعر يبقي رخيص و خاصه ان حضرتك ممكن تستخدمي باص الشغل يعني استخدامك العربيه هيبقي بسيط ولذلك ممكن حاجه معقوله تؤدي الغرض و خاصه ان حضرتك مش عارفه هترجعي امتي كمان فالموديل بتاعها ممكن يقدم لما تيجي تنزلي بيها. لما حضرتك تقرري تنزلي ممكن ساعتها تبيعي العربيه المستعمله دي و تكملي علي ثمنها و تشتري زيرو و تنزلي بيها مصر حتي ساعتها تبقي العربيه بحالتها لسه و كمان تستفيدي ان الأسعار في الخليج الي حد ما ثابته اما لو مثلا لقيتي ان الأسعار بقت قريبه و لو انه احتمال ضعيف يبقي ساعتها تشتري من مصر و تستفيدي ان العربيه تبقي في الضمان

**enayat** · 24-02-2017 12:46 PM

المشاركة الأصلية كتبت بواسطة Land_Cruiser

اعتقد الافضل حضرتك تشتري مستعمل عندك يكون حالته معقوله علشان السعر يبقي رخيص و خاصه ان حضرتك ممكن تستخدمي باص الشغل يعني استخدامك العربيه هيبقي بسيط ولذلك ممكن حاجه معقوله تؤدي الغرض و خاصه ان حضرتك مش عارفه هترجعي امتي كمان فالموديل بتاعها ممكن يقدم لما تيجي تنزلي بيها. لما حضرتك تقرري تنزلي ممكن ساعتها تبيعي العربيه المستعمله دي و تكملي علي ثمنها و تشتري زيرو و تنزلي بيها مصر حتي ساعتها تبقي العربيه بحالتها لسه و كمان تستفيدي ان الأسعار في الخليج الي حد ما ثابته اما لو مثلا لقيتي ان الأسعار بقت قريبه و لو انه احتمال ضعيف يبقي ساعتها تشتري من مصر و تستفيدي ان العربيه تبقي في الضمان

اولا شكرا جدا علي الرد ووجهة نظرك
انا برضه نسيت اطرح وجهة نظري في شراء سيارة جديدة ونشوف الاراء
اولا لما اجي انزل بيها باخد خصم عن كل سنة استعمال
ثانيا انت شايف جنون الدولار عامل ازاي وبقت مشكلة لكتير من الناس ياتري اشتري دلوقتي طيب يمكن الدولار يرخص ولا ممكن يغلي فالاسعار هتزيد ؟
ثالثا انا لو اشتريتها من هنا هتكون قسط وفوايد الاقساط هنا مش عالية زي مصر فمش هحس بسعر العربية زي ماانزل ادفع نص مليون كاش او اقسطه وادفع عليه فوايد ييجي ربع مليون تاني .........

ننتظر نشوف باقي اراء الاعضاء

**mahmoudselim** · 24-02-2017 04:11 PM

بصي انا زيك في ابوظبي. هقولك علي حاجتين هيساعدوكي تاخدي القرار ان شاء الله. اولا سعر الدولار هيرتفع جامد جدا في الفتره الجايه وهيوصل للسما دي معلومه اكيده. الحاجه التانيه الجميله بقي ان في قرار بيتناقش دلوقتي لالغاء الجمارك بالنسبه للمغتربين بشرط عربيه واحده بس ومش شرط تكون مالك اول بس ميكونش عدي عليها 5 سنين بمعني انك تقدري تنزلي عربيه موديل 2012 وتكوني شرياها مالك رابع مثلا بس مينفعش 2011 لو مش اول مالك . ومقابل الغاء الجمارك انك تغيري 10 الاف دولار في بنك حكومي بالجنيه لو العربيه 1600cc لو العربيه 2000cc تغيري 15 الف دولار

**enayat** · 24-02-2017 08:09 PM

المشاركة الأصلية كتبت بواسطة mahmoudselim

بصي انا زيك في ابوظبي. هقولك علي حاجتين هيساعدوكي تاخدي القرار ان شاء الله. اولا سعر الدولار هيرتفع جامد جدا في الفتره الجايه وهيوصل للسما دي معلومه اكيده. الحاجه التانيه الجميله بقي ان في قرار بيتناقش دلوقتي لالغاء الجمارك بالنسبه للمغتربين بشرط عربيه واحده بس ومش شرط تكون مالك اول بس ميكونش عدي عليها 5 سنين بمعني انك تقدري تنزلي عربيه موديل 2012 وتكوني شرياها مالك رابع مثلا بس مينفعش 2011 لو مش اول مالك . ومقابل الغاء الجمارك انك تغيري 10 الاف دولار في بنك حكومي بالجنيه لو العربيه 1600cc لو العربيه 2000cc تغيري 15 الف دولار

شكرا لحضرتك جدا وان شاء الله انا هنتظر شهر او اتنين لحد مانشوف فعلا قرار الجمارك ده ياري يخلصوه