حد بيصلح فيتيس كويس فى القاهرة لعربية رينو اوتوماتيك ؟
السلام عليكم
عندى مشكلة كنت عرضتها قبل كدة على المنتدى و كذا حد قالوا ممكن تبقى سولينويد فالف او حساس ضغط الفتيس او السلوك بتاعته !
المهم بقى انى عاوز اعرف حد كويس يوصل للعيب الحقيقى و يصلحه و ميبقاش من النوع اللى بيستسهل او يغير حاجة و تطلع المشكلة مش منها ...
ففى مين فى القاهرة محترم و بيشتغل كويس فى الفتيس الاوتوماتيك بتاع الرينو ؟
انا عربيتى رينو سينيك 2000
المشكلة نفسها :
اقتباس:
السلام عليكم :)
عندى مشكلة بقالها فترة فى العربية بتاعتى ... رينو سينيك 2000 - زى الميجان 1 تقريبا فى كل حاجة - الفتيس الاتوماتيك بتاعها ماشى كويس مفيش مشاكل ... لحد ما ييجى ينقل اخر نقلة عند سرعة 80 كم تقريبا تقوم لمبة الفتيس منورة .. و الفتيس مينقلش ولا حتى ياخد الغيارات اللى تحت لما اهدى السرعة لحد ما ابطل العربية و ادور تانى .. تشتغل كويس مفيش اى مشاكل لحد ما اوصل للنقلة الاخيرة برضه ترجع تعمل نفس المشكلة ....
روحت عند ميكانيكى كشف كومبيوتر طلع فى ايرور فى الفتيس فى حاجة اسمها ( Oil pressure regulator ) .. قالى ممكن تبقى المشكلة كدة ان زيت الفتيس ناقص او مشكلة فى بلوف الفتيس ... قيسنا الزيت طلع ناقص كيلو تقريبا ... زودناه و لما مشيت بالعربية قعدت يومين مفيش المشكلة دى و الدنيا بقت زى الفل .... بعد يومين فجأة رجع نفس العيب تانى بالظبط ...
كدة انا مش عارف بالظبط المشكلة فين و هل فى امكانية لاصلاحه ولا شكلى هلبس فى تغيير الفتيس كله ولا ايه النظام !
و ياريت لو حد يعرف حد بيفهم فى فتيس الرينو كويس و يكون امين و ميلبسنيش كتير يعنى
و ده رابط الموضوع الاصلى :
http://www.nilemotors.net/Nile/495672-a.html (مشكلة فى اوتوماتيك رينو سينيك/ميجان)
