النهاردة تم النصب علي بخمسين جنيه مزورة
بالطريقة التالية:
ممكن فكة خمسين ؟
آه ممكن
إتفضل (سلم وإستلم)
مشيت حوالي خمسين متر
ببص في الخمسين لقيتها مزورة ببشاعة
رجعت فوراً لقيت الحرامي إختفى
الموقع : مدينة نصر أمام البحوث الإسلامية
ربنا يعوض علينا
يا رجالة تستلم أي فلوس ورقة ورقة ولا تعطي الأمان أبداً وخاصة في فئة الخمسين والمئة
يعنى حتى حرامى غبى مش عارف يزور الفلوساقتباس:
ببص في الخمسين لقيتها مزورة ببشاعة
وربنا يعوض عليك وياريت لو تتخلص منها
أنا كتبت عليها بقلم فلوماستر عريض من الأمام والخلف (مزورة)اقتباس:
المشاركة الأصلية كتبت بواسطة mahamedaraby
وسايبها في البيت عشان الأجيال تأخذ حذرها
دى موجودة منذ فترة كبيرة هى واختها ال 100
حصلت معايا قبل كدة
انا جيت افك 100 من محل فقالى مفيش فواحد واقف قالى هاتها اناا هفكلك وقعد يبص ويبص ويحطها على الشمس ومش عارف ايه
قولتله مش للدرجه دى قالى لا للدرجه
قولتله حقك بس ياريت تنجز علشان انا مستعجل قالى طيب خد الفكه اهى بس بص دى !!!!!
وورانى 100 جنيه نسخه طبق الاصل من اللى كانت معايا بس فى الوان مختلفه ماتتلاحظش واستغربت جدا وقالى انه مخليها معاه علشان ينبه بيها كل واحد ومايضحكش عليه
قولتله طيب خلى بالك بقى ليقولوا عليك انت اللى بتزورهم
دا انت جاى ع الجرح
لسة النهاردة واخد واحدة ...
مدسوسة فى 10 ورقات
وانا باقفل آخر اليوم شكيت فيها ..
وفى اختبار حلو قوى حطها فى كوب مياة ...
لقيت المية اتلونت والورقة بقت آخر بهدلة ...
طبعا اتخلصت منها وحرقتها خصوصا انى بتاع كمبيوتر ويامكتر البرنترات فى المكان"يعنى ممكن تبقى مصيبة "
الذ ما فى الموضوع واحد من اللى شغالين معايا قالى طب ما احنا نحط كوب مباة جنب الدرج وكل فلوس داخلة نغمسها فيه .. قلتله لا يامفتح ده يبقى غسيل اموال وبردة حنروح فى داهية
اول حاجة : تكتشف به الورقة المزيفة هو الملمس ...
الورقة المزيفة يكون الملمس أنعم وسمك الورقة أرق .
ثانى حاجة : شريط الامان الفضى والموجود على وجه الورقة ...
الورقة الاصلية الشريط الأمان الفضى يلمع ويشف ماتحته من نقوش وكتابات
الورقة المزيفة يرسم هذا الخط بقلم دوكو فضى رفيع بشكل متقطع وبأستخدام مسطرة فلا يلمع ولا يشف ماتحته ... وهناك طريقة اخرى هى لصق قطع صغيرة من السلوتيب على انها شريط الامان ولكنها فى هذة الحالة لا تظهر باللون الفضى المعتاد .
وطبعا المظهر العام للورقة المزيفة والألوان تكون أما باهتة أو قاتمة عن الورقة الصحيحة
ويلزم الكشف على الوجهين الامامى والخلفى لان هناك اوراقا يسهل اكتشافها من الوجه الامامىوأوراق أخرى من الوجه الخلفى نظرا لوجود عيوب اكثر فى وجه دون الاخرلاختلاف الشخص الذى زيفها والطريقة التى استخدمها .
وعلى فكرة القانون يعاقب بالحبس المشدد كل من :
1/ الشخص المزيف
2/ المستفيد من التزييف (الذى اشترى خدمات المزيف )
3/ كل من تداول الورقة المزيفة سواء كان من العوام (بائع فى محل /فى محطة بنزين/فى محل حلويات ....)و من المختصين (بنوك /شركات صرافة/صرافين بالشركات....) .
وهناك 5 درجات من التزييف ( مفضوح- متوسط-جيد-جيد جدا-متقن)
يسأل وبحبس العوام من الناس عن المفضوح ويسأل ويحبس المختصين فى جميع الدرجات ماعدا المتقن وهى نسبة ضئيلة للغاية .
أسف على الاطالة ولكن شعرت بأن هذا الجانب مهم للغاية ولايعلم الناس عنه الكثير
ومن دواعى سرورى الاجابة على أيه استفسارات ومواقف تحتاج اليها السادة اعضاء المنتدى
وتقبلوا تحياتى
كان عندي محل دهب وكان بيجيلي من النوعيه دي كتير و بالوفات مش 50 جنيه بس
الحمد لله عمري ما اتخدعت منهم و مره واحده منهم سلمتها للحراسه و غير كده كان اول ما يعرفوا اني كشفتهم يعملوا هبل وياخدوا الفلوس ف ايديهم ويا فكيك
و اللي عايز دروس في كشف العمله المزوره يتفضل
و لو ان لو في حد من الاساتذه موظفين البنوك هنا هيفيدوا الناس اكتر
وبرده احب اقول ان مابيقع الا الشاطر و الشاطر وقعته اكبر والله الستار ف الكل يحذر لان الفلوس دي ماليه السوق وربنا يستر علينا جميعا
انا اسف مكنتش قريت مشاركه الاستاذ احمد ( المشاركه السابقه )
احب اشكره على المعلومات القيمه
واحب اضيف نقطتين :
1- ان الورقه الاصليه لو كرمشتها ف ايدك تفتح نفسها تاني لكن المزوره اول ما تكرمشها تتكسر بسهوله
2- لو الفلوس المزوره باكو على بعضه و طبعا لان المزور لازم يكون جديد فانت المفروض تبص على الترقيم المسلسل فلو هي فلوس صحيحه هتكون يا اما مسلسله يا اما لا ولو لأ فبص على الارقام هتلاقيها يا اما مكرره بالكامل لها نفس الرقم يا أما لها 14 رقم مكرر وبيتعادوا تاني وليه 14 بس لان عادة اللي بيجيب طابعه عشان يزور بيجيب واحده صغيرة مقاس الفرخ بتاعها بيتقسم على 14 ورقه عمله ولو بيجيبوا حتى طابعه اكبر فممكن 28 او 56 وده اقصى عدد ممكن يكون مسلسل
ربنا يعوض عليك ال 50 ب 500 إن شاء الله ...
و لكن ده شيء عادى النصب مالى البلد .. الناس مبقاش عندها ضمير اساسا ...
احمد ربنا انها جت فى 50 بس ..
الحمد الله خد بالك كويس بعد كدة وخصوصا الفلوس الورق الجديد خالص لان اللعب فية
انا اعرف واحد اضحك علية فى ورقة 500 جنية طلعت اشاعة ان البنك المركزى نزلها واحد راح فكها من واحد وفى الاخر طلعت العملية نصب والسبب الجرايد الى بتكتب وخلاص والناس بتصدق
اقتباس:
المشاركة الأصلية كتبت بواسطة Tamer-Ezzat
هههههههههههههههههههههههه :biggrin: جامدة جدااااااا
حسبى الله ونعم الوكيل
فيه اسلوب تانى انا اعرفه كمراجعة اولية للورقة الصحيحة، انت لما تمسك الورقة وتبرمها كانها اسطوانة وتجيب آخرها قصاد اولها بتلاقى النقشة مكملة بعضها، يعنى كل خط رفيع فى نهاية الورقة بتلاقى ان كمالته موجودة فى اول الورقة كأنها اسطوانة منقوشة بالكامل بدون فواصل، والكلام ده ينطبق على وجهين العملة ، وينطبق لو برمت العملة بالطول او بالعرض ،وده صعب جدا المزور يظبطه بسبب انحراف الورق ولو بقدر بسيط اثناء الطباعه وعدم دقة قص الورق وعدم دقة ضبط ظهر الورقة على وشها
ههههههههههههههههههههههههه ههههههههههههههههههههههههه هههههاقتباس:
المشاركة الأصلية كتبت بواسطة Tamer-Ezzat
ربنا يعوض عليك
ياريت كل الناس تاخد بالها
مبقاش في امان في البلد و الناس ممكن تعمل اي حاجة بسبب الحالة الاقتصادية المنحطة اللي احنا بقينا فيها
ربنا يهدي الجميع
مظبوط يا استاذ سبعاوياقتباس:
المشاركة الأصلية كتبت بواسطة sab3aawy
انا قدامي خمسين جنيه عملت فيها زي ما حضرتك قولت لقيت فعلا النقشه بتكمل بعضها بالظببببببببط
اول مرة اعرف بصراحة
و فعلا عمرهم ما هيظبطوها الظبطة دي لو الفلوس متزورة
ميرسي لحضرتك علي المعلومة
فيه طريقه ظريفه برده..ورقه الخمسين جنيه من الوجه العربي فيها علي الشمال فوق
شكل بيضاوي مزخرف لونة نبيتي ..لو ميلت الورقة بشكل افقي هتلاقي مكتوب
داخل الشكل النبيتي (مصر) و اظن المزور لو مشي علي دماغه ما هيعرف يعملها
أنا مره سحبت فلوس من البنك ولقيت فى وسطهم 3 ورقات فئة 100 مزورين .. وما عرفتش غير لما عملت إيداع بيهم فى بنك تانى ..
ياه للدرجة دي كمان!! طب ممكن تقولنا انت اخدت الفلوس دي من انهو بنك ؟ علشان الواحد ياخذ اختياطه لو كان بيتعامل مع نفس البنكاقتباس:
المشاركة الأصلية كتبت بواسطة engwalid
مشكورين على الافادة يا شباب
سؤال مهم جدا
لو فرضنا اني سحبت مبلغ كبير من بنك
وبعد لما روحت اكتشفت مثلا ان فيه 3 ولا 4 ورقات مزورين ... يبقى ايه الحل ؟
يعوض عليا ربنا ؟؟؟؟ ولا ارجع البنك وتسلسل الورقة هيبقى عندهم ؟
حصلت معايا والبنك اللى اودعت فيه و اكتشف الورقة المزورة دبسها مع غلاف الباكو وخرم الورقة لاتلافهااقتباس:
المشاركة الأصلية كتبت بواسطة Dr_Smart
ورجعت بيها للبنك اللى سحبت منه والموظف اخدها بدون اى كلام و اعطانى بدلها ورقة جديدة
وعرفت بعد كده انهم توصلو للى وردها للبنك
في الغالب هما عدوا على الصراف كمان من وسط الألوف اللي بتعامل معاها طول اليوم .. يا أما هو عارف وبيسربها شوية شوية علشان في أخر اليوم لو معاه فلوس مضروبة بيشهلهم هواقتباس:
المشاركة الأصلية كتبت بواسطة engwalid
ملعوبة منك دي يا تامر باشا... حلوة :)اقتباس:
المشاركة الأصلية كتبت بواسطة Tamer-Ezzat
ممكن تعرف الورقه السليمه من المزوره عن طريق ملمس الرقم اللى مكتوب عليها
كل العملات الورقيه السليمه هتلاقى مكتوب الرقم بارز
يعنى ملمسه مختلف عن باقى الورقه (خشن شويه)
المطبوع بيبقى كله له نفس الملمس