السلام عليكم

بدور على عربيه حجمها صغير لزوجتى اوتو بدلا من عربيتها الجيلى باندا .. وتكون متفرقش كتير عن حجمها .. البيكانتو سافرت فى السعر هيا و ال i10 .. والياريس الهاتشباك غاليه برضه .. فانسب حاجه لقيتها سيريون .. فمحتاج مساعدتكم فى كذا سؤال ..

١) هو آخر شكل اللى فى ٢٠٠٧ ابتدى سنه كام و انتهى سنه كام ؟

٢) هل فيه اختلاف بين موديلات السنين غير موضوع كميه زيت الموتور .. قصدى فى الميكانيكا او الكهربا؟

٣) هى الفئات اللى كانت متاحه للاوتوماتيك كانت كام فئه والاختلافات بينهم ايه .. اصلى بشوف عربيات بجنوط و عربيات طاسات .. وكمان كاسيت صغير و كاسيت كبير .. وهكذا ؟

٤) لو فيه اى امثله على اسعار قطع الغيار لانى سمعت انها غاليه .. خاصه انى من اسكندريه .. فالمتاح عندنا اقل من القاهره

ياريت اى حد يعرف اى حاجه من الاستفسارات دى ميبخلش عليا .. جزاكم الله كل خير