عربيتي هيونداي اكسل اوروبي 1500 انجكشن بتنتش

السلام عليكم
ارجو المساعدة عشان غلبت مع الصنايعية
انا عربيتي هيونداي اكسل اوروبي 1500 سي سي انجكشن وفيها تنتيشة
اولا العربية الصبح بتدور من تاني مرة او تالت مرة ولما بتدور ال rpm بيكون مش ثابت بيعلى فوق ال 2 وينزل ترجرج وبعدين يعلى تاني وشوية وتفضل فيها رعشة كدة
وبعدين في المشي بتنتش جامد وسعات التنتيشة بتروح لوقت مؤقت وترجع تاني وديما في بداية كل نقلة بتنتش وعلى السرعات العالية بحس فجاة بخنقة كأني خفيت بنزين شوية
وزهقت من الصنايعية صارف عليها فوق ال 2000 جنيه ومفيش فايدة الموضوع ده مكنش موجود لحد مروحت اعمل صيانة وأغير سيور وبلي وأظبط التاكيهات وتغيير بوجيهات
غيرت ( سلوك بوجيهات ووش اسبيراتير وبوجيهات وطقم سيور كامل وفلتر بنزين ونظفت الرشاشات يدوي واخيرا بطارية وشوفت شحن الدينامو)
روحت للميكانيكي تاني قالي البوجيهات دي مرطبة وركبلي البوجيهات القديمة تاني مع اني مكنتش بشتكي من تقطيع ولا حاجة قبلها فاكيد سليمة
واخر ما زهقت حاولت انا اعمل فيها اي حاجة وطلعت البوجيهات ونظفتها وأول لما اركبها تظبط وبعدين مفيش 5 دقايق ترجع تاني ولما بتكون ماشية كويس مجرد اني ابطل العربية وادورها تاني تكون مخنوقة واستجابتها ضعيفة وبتنتش في المشي وساعات لما ببقى ماشي تنتش ازودلها بنزين كام مرة كدة تظبط وشوية وترجع تاني فمش عارف المشكلة من ايه والبوابة نظيفة كمان
ياريت تساعدوني عشان انا روحت ل 2 ميكانيكية وكل واحد فيهم بيألف