#نيسان_قشقاي_السبع_اسوء_توك ل_في_مصر
معلش هطول عليكم شوية
اشتريت سيارة نيسان قشقاي زيرو موديل ٢٠١٧ و انا مشغل مثبت السرعة علي سرعة تقريبية ١٤٠كم/ساعة فجأة بتنور لمبة الاتزان و تفصل المثبت و العربية مبتسحبش نهائيا اتكرر معا ٤ مرات كالتالي :
الأولي : و السيارة في حدود ٢٠٠٠كم و قالوا لي انها كانت محتاجة ظبط زوايا
الثانية :و السيارة في حدود ٦٠٠٠كم و قالوا ان فلتر الهواء كان محتاج يتنظف
الثالثة : و السيارة في حدود ٧٠٠٠كم و قالوا فيشة التربو كانت محتاجة تنظف و تمام
الرابعة : يوم الثلاثاء ١٤-٢-٢٠١٧ و توجهت يوم الاربعاء ١٥-٢-٢٠١٧ الي مركز الخدمة و تواصلت مع مدير المركز و اللي أتأكد من السابق ذكرة و وعد يحل المشكلة و المتابعة معه شخصيا و السبت ١٨-٢-٢٠١٧ أفادني بان السيارة في حاجة الي تربو و هيغيروة و يكلمني و محدش كلمني و توجهت للمركز يوم الاربعاء ٢٢-٢-٢٠١٧ و أفادني بأنة جاري التغيير و توجهت يوم السبت ٢٥-٢-٢٠١٧ و أفادني بتغيير التربو و مطلعش هوة العيب و جاري تغيير الكونترول وطلب دعم فني من المصنع و بالاتصال معه يوم الثلاثاء ٢٨-٢-٢٠١٧ أفادني بانه تم نقل السيارة من فرع الدائري الي الفرع الرئيسي بالمعادي و انه هيتواصل معهم غدا صياحا و يخبرني بالتطورات و لم يحدث فتوجهت الي المركز و قابلت الأخ الفاضل مدير المركز وقلت له توقعت من عدم اتصالك بان مفيش نتيجة قالي فعلا هما موصلوش للعيب حتي الان فقلت له انا أسف جدا انا المتضرر الوحيد و حضرتكم مش فارق معاكم فاحتفظوا بالسيارة دي جربوا و اتعلموا فيها و انا عايز عربية جديدة فابتسم و قالي الضمان إصلاح فقط و التبديل ده بيبقي مجاملات فقط فقلت لة ان دة سوء صناعة و لازم العربية تتغير و انا عارف انه مش في صلاحياتك و لكن انقل طلبي للمختص فكان مستغرب جدا ....
فقلت له انا هطلب النجدة و اعمل محضر .. الراجل استغرب و اتخض و فعلا طلبت النجدة و حضروا و توجهت معهم الي القسم و استكملنا المحضر و حصلت علي نسخة منة ...
و انا منتظر النجدة بعت علي الخاص لمركز السبع و طلبت التواصل مع السيد /علاء السبع و قالوا حضرتك هات رقمك و هتتواصل مع مدير المركز فقلت لهم اني في مكتب مدير المركز و مفيش حلول و شكرتهم اني كنت افضل التعامل معهم قبل اللجوء الي الجهات الرسمية و قالوا هيتواصلوا مع الادارة و يكلموني و محصلش و بعت لهم بعد كدة صورة المحضر .
و قمت بإرسال المستندات و المحضر الي جهاز حماية المستهلك .
#شيروا_الحق_مبيضعش
#شيروا_علشان_قوة _التواصل الاجتماعي
مرفق صور كل حاجة