الموضوع: لا حاجة لتغيير زيت المكينة .. تجربه شخصية

المشاركة الأصلية كتبت بواسطة borio1704

أنا فهمت إنه يقصد التالي:

المهم .. عند تطبيق طريقتي هو تغيير فلتر الزيت بنوع اصلي (من وكالة السيارة و ليست محل تبديل زيوت السيارات لأنهم يغشون فيها) كل 20 ألف كيلو

يعني بيغير الزيت والفلتر كل 20 ألف... إلا بقى إذا كان قصده إنه بيغير الفلتر بس كل 20 ألف.. كده الوضع مختلف.

كل 20 ألف كيلو هتغير فلتر الزيت فقط و ليس الزيت نفسه .. الزيت نفسه أنا شخصياً لا أغيره بل أعاير مستوى الزيت في سيارتي كل 5 آلاف
كيلو و أشوف إذا كان عايز زياده في العيار فقط .. و حالياً ماشيء 100 ألف كيلو بالسياره الجديده و مافيش عندي أي مشاكل .. الزيت الفاقد
اللزوجه بيطلع صوق طقطقه في البساتم واضح .. و هذا ما بيكون الا للنوعيه الردئيه .. النوع الجيد سيبقى لزج طالما المكينه نظيفه

بخصوص كلامي عن الزيوت المكرره لا علم لي عن السوق المصري لكن في الخليج معروف جداً أن أغلب زيوت كاسترول المورده من الإمارت مكرره و كذلك الزيوت اللي
تكون في علب حديد .. و النوع اللي أستخدمه هو synthetic blend خليط بين الزيت الـ synthetic و الزيت العادي لن أعمل دعايه للماركه لكن الصناعه أمريكيه ..
أغلب الماركات الأمريكيه رخيصه و ممتازه و أنصح فيها خاصه اللي تكون synthetic blend أو synthetic صافي و بستمر عليها بدون أي حاجه لتغيير الزيت ..

المشاركة الأصلية كتبت بواسطة tasaka

و استعملت زيت ايه ؟؟ تصنيعى ام معدنى ؟؟

الاضافات ستستنفذ طبعا لانها ( مكون صناعى ) ..

و يتبقى زيت الاساس ( مكون طبيعى ) اللى اكيد مع الوقت يبفقد بعض خواصه حسب جودته

و تصبح الحمايه المتوفره لك هى حمايه زيت الاساس ( مكون طبيعى ) فقط لاغير .. ده ان فضل على حاله و لم يفقد بعض خواصه لو هو نوعيه سيئه ( معدنى مجموعه 1 او 2 )

ده غير ان اوروبا فيها اماكن بارده جدا ( روسيا مثلا ) .. يعنى لو زيت اساس سيئ ( معدنى مجموعه 1 او 2 ) حيكون بلورات حتدمر الموتور

التزويد كل 5 الاف كم .. ده بيضيف زيت جديد و اضافات حمايه جديده .. يعنى كيلو زيت مثلا .. يعنى 25% حمايه فقط لاغير ..

يعنى انت برضه بتعمل تغيير زيت بطريق غير مباشر ل 25% من الزيت و الاضافات .. موش ماشى على نفس الزيت اللى انت حطيته من 100 الف كم

رأيى اللى انت وفرته فى الزيت .. دفعته استهلاك بنزين اعلى من الطبيعى .. و حتدفعه لاحقا كمان فى عمره مبكره عن مبعاد استحقاقها الطبيعى

فهل تعتقد ان ده صح ؟؟

أنا أحياناً أمشي 10 آلاف كيلو ولا أحتاج للتزويد أصلاً لأن السياره حديثه و ما بتحرق زيت الا شيء بسيط جداً .. و أستهلاك البنزين عندي ثابت
على 650 كيلو متر كل مره أعبي فيها البنزين .. و زي ما قلت من الأول هذه الطريقه تستخدم في أوروبا و سيارتهم ماشيه مافيها أي مشاكل ..
إذا أنت خايف على عربيتك تقدر تغير الزيت لكن مش كل 5000 كيلو لأن الزيوت تتحمل أكثر بكثير من هذا .. قول على الأقل كل 30 الف كيلو
مع الفلتر .. لكن عن نفسي أنا لا أغير الزيت مطلقاً و سيارتي أسافر بيها كثير و قطعت خلال سنتين 100 ألف كيلو و ما عنديش أي مشاكل ..
فقط أغير فلتر الزيت بنوع أصلي كل 20 ألف كيلو .. مع مراعاة أنه يجب تغيير الزيت بعد توقف السياره لمدة لا تقل عن ساعتين عشان تتصفى
الشوائب في الفلتر ..

الزيت الفاقد اللزوجه بيطلع صوق طقطقه في البساتم واضح .. و هذا ما بيكون الا للنوعيه الردئيه .. النوع الجيد سيبقى لزج طالما المكينه نظيفه

و بتعمل ايه لما الزيت يكون فاقد اللزوجه ؟؟ ( بيطقطق ) .. هل مثلا بتغير نصفه ام ماذا تفعل بالظيط

و النوع اللي أستخدمه هو synthetic blend خليط بين الزيت الـ synthetic و الزيت العادي لن أعمل دعايه للماركه لكن الصناعه أمريكيه

نصف تصنيعى ..
ايه هو مستوى الخدمه sm ام sn ام sl >> و مستوى خدمه gf

لكن عن نفسي أنا لا أغير الزيت مطلقاً و سيارتي أسافر بيها كثير و قطعت خلال سنتين 100 ألف كيلو و ما عنديش أي مشاكل ..
فقط أغير فلتر الزيت بنوع أصلي كل 20 ألف كيلو

100 الف فى سنتين .. يعنى 50 الف كم سنويا

يعنى 25 الف كم كل 6 اشهر .. لاحظ انك بتغير فلتر كل 20 الف يعنى تقريبا كل 6 اشهر

و لاحظ ان تغيير الفلتر معناه .. انك بتضع كيلو زيت جديد على الاقل ( بدلا من الزيت الموجود فى الفلتر + الزيت اللى بيخرج وقت فك الفلتر )

يعنى لو غيار الزيت عندك 3 كيلو .. فانت بتغير 30% منه وقت تغيير الفلتر .. بالاضافه ال انك بتزود الزيت اللى ناقص بعد كده .. يعنى فى ال 25 الف كم بتزود مثلا كيلو و نصف

لو جمعت كيلو الزيت بتاع تغيير الفلتر + تزويد الزيت خلال ال 25 الف كم ( مده 6 شهور ) .. ده حيساوى 2.5 كيلو .. يعنى يكافى غيار تقريبا زيت شبه كامل خلال ال 6 شهور

يعنى انت بطريق غير مباشر غيرت الزيت كل 6 شهور ( ال 25 الف كم )



و المشى السفر ده بيعطيك الحق انك تزود مسافه الزيت 20% عن مده الزيت العاديه .. يعنى لو الزيت عندك الطبيعى له 16 الف كم ( ده فى اوروبا ) يبقى بعد زياده ال 20% سيصبح تقريبا 20 الف كم كل 6 شهور

الخلاصه .. انت مشيت 25 الف بدل من ال 20 الف ( المسافه المسموحه لاستعمال السفر ) .. و غيرت الزيت بطريق غير مباشر كل 6 شهور و هو ده الطبيعى



يبقى بدل اللفه الطويله دى اللى ممكن تعمل مشاكل

اغير زيت نصف تصنيعى مستوى خدمه عالى + الفلتر .. كل 6 شهور .. و مسموح لى ( ده فى اوروبا ) امشى عليه 20 الف كيلو ( علشان مشى سفر مفيش فيه حمل كبير على الزيت )

- ده حيساوى 40 الف كم سنويا باستعمال غيارين زيت .. بالطريقه العاديه الامنه

- و حيساوى 50 الف كم سنويا باستعمال غيارين زيت برضه .. الزيت الاصلى + تقريبا غيار زيت تجميعى ( تغيير الفلتر + التزويد ) .. بس بطريقه غير آمنه اظلاقا

tasaka

أنت حسبت الحسبه على اساس تغيير الزيت كل 20 ألف وهو رقم جيد .. لأن تغيير الزيت كل 5 آلاف كيلو هو مضيعه للمال .. شبه أتفقنا على شيء .. بخصوص الطقطقه ما عمري
سمعتها من سيارتي لما أستخدم زيت نصف تصنيعي أمريكي أصلي .. حتى بعد ما مشيت عشرات الآلاف من الكيلو مترات .. لكن كان بيطلع عندي في سيارتي القديمه أكسنت 2006
لما أستخدم زيت كاسترول مش تصنيعي و السوق عندنا فيه غش كبير بالزيوت خاصه الأنواع اللي بتيجي من الإمارات و بالتحديد كاسترول اللي بسمع طقطقة مكينة سيارتي خلال أقل من
2000 كيلو فقط .. الزيت اللي بيجي في علبة حديد أحتمالية أنه يكون مغشوش أكثر بكثير .. بخصوص حسبتك أنا بتكلم من تجربه شخصيه .. طريقتي بتكلفني في غيار الزيت و الفلتر
أقل من 40 دولار سنوياً لكن بالطريقه العادية راح تتكلف 10 أضعاف هذا المبلغ لو بتغير الزيت كل 5 آلاف كيلو و الفلتر مره عن مره .. و عموماً السيارات القديمه بحسب كلام عمي
كان مكتوب أنه يتغير الزيت كل 20 الف ميل لاحظ ميل و ليس كيلو متر يعني حدود 30 ألف كيلو هذا مع زيوت زمان اللي مش تصنيعيه .. الآن حتى الزيت العادي أحسن من الزيت
العادي زمان لأن فيه إضافات أفضل تحسن من خواصه و الزيت التصنيعي كمان أحسن و أحسن و طبعاً كلامي عن الزيوت النوعيه الكويسه ..

أنت حسبت الحسبه على اساس تغيير الزيت كل 20 ألف وهو رقم جيد .. لأن تغيير الزيت كل 5 آلاف كيلو هو مضيعه للمال .. شبه أتفقنا على شيء

انا حسبت مسافه الزيت كده بناء على الاتى
- مفهومك لزيوت السيارات و طريقتك انت فى استعمال الزيوت .. و انك بتستخدم كاسترول نصف تصنيعى ( ضمنيا من كلامك )

- انك بتمشى مسافات كبيره جدا فى وقت قصير .. و طبعا كلها مشى سفر .. و دى تفرق كتير فى زيت به شق معدنى

- زميل فى المنتدى راسل كاسترول انجلترا بخصوص كاسترول ماجنتيك نصف تصنيعى 10W40 مستوى خدمه SN و A3\B3 .. و قالوا له المسافه 10 الاف كم ( فى مصر ) .. و 16 الف كم ( فى اوروبا )
و اوضحوا له ان تركيبه كاسترول ماجنتيك فى اوروبا تختلف عنها فى مصر .. و طبعا قد تختلف عنها فى السعوديه عندك

- ال 20 الف دى حاله خاصه قصوى باتباع مبدأ عام ان مشى السفر بيسبب حمل اقل على الزيت ( و بشرط التركيبه الاوروبيه للزيت .. و كمان بيئه الاستعمال ) .. و نسبه ال 20% هى الرقم المتداول للوضع ده

فالكلام كله خاص بحالتك انت .. لبيان الفارق بين الطريقتين ( الامنه و الغبر آمنه ) .. موش كلام عام



انا شخصيا لا اظن ان اى زيت نصف تصنيعى ( فى مصر عندنا ) ممكن يتحمل اكثر من 7 او 8 الاف كم ..

حسب المواصفه الاوروبيه الوقوف و المشى المتكرر يضع 5 اضعاف الحمل على الزيت ( على الاقل ) .. و دى هى طبيعه ال traffic فى مصر .. و طبعا كمان جوده الزيت هنا اقل

تحفظى ناشئ عن الشق المعدنى داخل الزيت النصف تصنيعى .. لان الزيت المعدنى لا يستطيع الحفاظ على مواصفته التى بدأ بها لفترات طويله ( على عكس التصنيعى ) .. علشان كده موش موافقك فى ان جزء من الزيت القديم لسه فى العربيه ( عموما هو اكيد اتغير برضه مع تغيير الفلاتر .. لكن ال Sludge حيكون موجود لو كان اتكون )

انا عايزك تجيب زيت معدنى جديد لم يستعمل .. و ضعه فى اناء بدون استعمال لمده 6 شهور مثلا .. و بعدين شوف كميه ال Sludge اللى حتكون اتكونت فى قاع الاناء ( بدون استعمال .. فقط معرض للاكسده )



زمان .. موبيل طلعت اول زيت تصنيعى لها سنه 1972 او 1973 .. و كان مجموعه رابعه PAO .. يعنى افضل من الزيوت التصنيعيه 100% مجموعه 3 الموجوده الان زى كاسترول ايدج و شل الترا و موبيل 1 ( العادى )

يعنى الزيوت التصنيعيه موجوده من زمان .. و مدتها و مسافتها عاليه جدا لا تقل عن 25 الف كم

عربيات زمان مواتيرها لم تكن معرضه للاجهادات و الحمل الحرارى الموجود الان فى المواتير الجديثه .. فالزيت الحمل عليه اقل

زمان نسبه الانضغاط للمواتير كانت 9:1 و اعتقد كانت اقل كمان ممكن 8؛1 .. و الخلوصات كانت اوسع

و اللزوجات كانت اعلى للزيوت .. يعنى حتى بعد الزيت ما يتكسر كان بيكون لسه فيه لزوجه كافيه ( على ما اظن )



الاضافات طبعا ميزه كبيره لو استعملت الزيت الاستعمال الطبيعى .. لكن تصبح عيب شديد اذا تركت الزيت فترات طويله جدا .. حتى تستنزف الاضافات .. او تنفصل عن الزيت

يعنى الزيت بيكون مصمم كوحده واحده بالتكامل .. فلو فقدت الاضافات او انفصلت .. اصبح الحمل على زيت الاساس فقط و هو لم يصمم لذلك فى الزيوت المعدنيه تحديدا Mineral Oils

عموما انت بتستعوض الاضافات و بتغير الزيت بالحسبه اللى انا حسبتها لك فى الرد السابق