رقم العضوية : 196514
تاريخ التسجيل : 21Feb2017
المشاركات : 27
النوع : ذكر
الاقامة : المقطم
السيارة: onoo
السيارة[2]: Onoo
الحالة :
16359176_1193139170735721_1777779231_n.jpg
ملخص مشكلة عمارة 70 و 71 من حوالي سنة و نص ظهرت شروخ كثيرة جدا في شقق في العمارتين و ايضا شروخ في ارضية الجراج.
عرفنا بالصدفة ان العمارتين دول فيهم مشكلة و انهم هيقعوا. ده سمعتهم الي كانت معروفة في الكمباوند من قبل ما نكتشف احنا كده.
وواضح ان الشركة عارفة و مع ذلك باعت الشقق و نصبت علينا.
لما عرفنا توجهنا للشركة لايستضاح الامر
و كان الكلام ساعتها ان حصل خطأ من المقاول اثناء صب العمارتين و ان الشركة صلحت الخطأ ده و ادونا تقرير من الاستشاري بكده.
الشركة بعد كده صلحت كل الشروخ في الشقق وقالت خلاص المشكلة اتحلت و الشروخ مش هتظهر تاني.
و لكن للاسف الشروخ ابتدت تظهر تاني و توجهنا تاني للشركة
و للاسف مكنش في رد فعل يطمن الناس غير انهم قالوا طاب هنصلح الشروخ.
لحد ما عن طريق احد الجيران و هو مهندس مساحه قام رصد ميل العمارتين و اكتشفنا انهم مايلين.
عمارة 5 ادوار تميل 9 سم ده يعتبر كتير.
الشركة متحركتش غير لما ضغطنا و وورانهم الصور.
طبعا احنا فقدنا الثقة في الشركة لانهم يا اما عارفين المشكلة و بيكدبوا و يقولوا مفيش حاجه. يا اما ليسوا بالكفاءة المطلوبة انهم تابعوا مشكلة كبيرة زي ده و يحلوها.
احنا عملنا محضر في القسم و تم تحويله للنيابة. الشركة حاليا بتعمل مجسات و قالوا هيعملوا حقن للتربة و لكن احنا السكان فقدنا الثقة في الشركة دي و هنفضل وراهم لحد نا ناخد حقنا الكلام ده كله موثق بصور و تقارير لو حد عايز يطلع عليها. ده غير شهادات السكان الي سكنوا في اوقات مختلفة خلال الفترة الي فاتت و منهم الي حضر المشكلة من اولها.
..........................
دليل المقطم
دليلك لكافة انشطة وخدمات المقطم
www.moktam.com
المفضلات