الاستفسارات والاقتراحات حول اخر تطوير للمنتدى

**rotanamasoud** · 06-03-2017 12:13 AM

10 سنين نجاح بتتحول ارشيف اختلف مع حضرتك والكلام ده لمصلحه المنتدى
الاستايل ده بيحول المنتدى تدريجيا لمجرد ارشيف للمواضيع القديمه
اعمل سيرش بالاحداث الجديد لازم النتيجه تطلع صفر
اعمل سيرش بالمشاركات الجديده حتلاقى بيتصفر كل اسبوع
ده خلى سرعه التصفح والبحث عن المواضيع الجديده متدنيه جدا جدا وخلى الواحد بدل ما كان بيعد بالسعات ويتفاعل بيبص بصه فى اليوم دقائق وسعات مبفتحوش
اخيرا مفيش اى متابعه ممكن تدخل تحس ان المنتدى سعودى اعلانات تسريبات منزل حشرات الخ تملى كل الصفحات ومفيش حد متابع يشيلها
انا اقتراحى بس يرجع الاستايل القديم بيسهل جدا الواحد يشوف الجديد ويتفاعل

**Karim_Monir** · 06-03-2017 11:31 PM

التحويل للاستايل القديم شبه مستحيل لانه اتعمل ابجريد للداتا بيز ومبقاش متوافق معاها
لما تلاقي موضوع اعلاني غير لائق اعمل تقرير مشاركه سيئه كل اللي بيحبو المنتدي بيعملو كده
الارقام بتقول عكس كلامك
سرعه التصفح زادت ٣٠٠٪‏
عدد الزوار زاد ١٨٪‏
عد الصفحات اللي بتتشاف زادت ١٢٪‏
معدل السيرش زاد
دايما الانسان عدو التجديد
الفيسبوك نفسه. لما عمل نظام التايم لاين كل الناس مكنتش طايقاه وبعدين اتعودو عليه
وهما لما غيرو ليه كان عشان الترقيه
في ناس قاعده مخصوص للتطوير
قول عندي مشكله واخد اتنين تلاته ونحلها باذن الله

**رامي مصطفى** · 07-03-2017 03:38 PM

كل سنه ونايل موتورز بخير
بس استفسار التصفح من ع الموبايل سواء من المتصفح العادي او تطبيق نايل موتورز مابيظهرش بيانات العضو من تاريخ التسجيل عدد المشاركات وغيره.صح؟ ولا المشكله عندي؟

**mahmoudselim** · 07-03-2017 06:09 PM

عارف المشكله في ايه يا كريم إن المستخدم بيقولك انا عندي مشاكل وانت بتقوله مشاكل ايه انا الارقام والورق عندي بيقول كله تمام. عاده مصريه ميه في الميه وفي كل المصالح الحكوميه لما سألوا احمد عز وقالوا له ان الفقرا كتير قلهم كتير ايه دي الارقام بتقول غير كدا ونسبه الزباله مرتفعه عندنا فين الفقرا دول

**rotanamasoud** · 07-03-2017 09:01 PM

المشاركة الأصلية كتبت بواسطة Karim_Monir

التحويل للاستايل القديم شبه مستحيل لانه اتعمل ابجريد للداتا بيز ومبقاش متوافق معاها
لما تلاقي موضوع اعلاني غير لائق اعمل تقرير مشاركه سيئه كل اللي بيحبو المنتدي بيعملو كده
الارقام بتقول عكس كلامك
سرعه التصفح زادت ٣٠٠٪‏
عدد الزوار زاد ١٨٪‏
عد الصفحات اللي بتتشاف زادت ١٢٪‏
معدل السيرش زاد
دايما الانسان عدو التجديد
الفيسبوك نفسه. لما عمل نظام التايم لاين كل الناس مكنتش طايقاه وبعدين اتعودو عليه
وهما لما غيرو ليه كان عشان الترقيه
في ناس قاعده مخصوص للتطوير
قول عندي مشكله واخد اتنين تلاته ونحلها باذن الله

حضرتك اعلم انا قولت ملاحظاتى اللى مخليانى مش متابع الجديد فى المنتدى واللى مخليانى مش لاقى جديد فى المنتدى وكل سنه ونايل موتورز افضل

**Colin Chapman** · 13-03-2017 12:14 AM

اين  ذهبوا رتبة العضو بلاتينى او فضى المواضيع التى كتبها؟؟! تحت كل مشاركة!زر شكر وزراعجاب بالمشاركة كيف يتم ذلك بعد تطوير المنتدى ؟؟؟؟؟!!! التطوير للاءفضل وليس الاءسوء ؟؟!! معدل المشاركات اليومية؟؟!

**tasaka** · 13-03-2017 06:08 AM

1- وضع ( خيارات سريعة ) فى صفحه المشاركات الجديدة .. لان مفيش اى رابط هناك بيرجع الى ( مواضيع مشترك بها )
دى حلقه مفقوده لمكان اساسى لكل عضو .. و بيرجع ليه كتير ( مواضيع مشترك بها )
و الافضل بصفه عامه .. جعل ( مواضيع مشترك بها ) زر منفصل .. بجوار زر ( خيارات سريعه )

2- اضافه ( عدد الردود .. و عدد المشاهدات .. و التقييم ) فى اعلى صفحه اى موضوع .. و ده بيوضح التفاعل على الموضوع ..
و الا العضو مضطر الى الانتقال الى صفحه رئيسيه لمعرفه هذه المعلومات ( بدون اى حاجه الى الذهاب لتلك الصفحه .. فقط ليعرف ارقام التفاعل مع الموضوع )

3- سهم الرجوع لاعلى الصفحه .. لانه فى الصفحات الطويله جدا بيكون مفيد جدا .. و بيسهل التصفح

4- تقييم المواضيع لا يظهر فى صفحه المشاركات الجديدة .. التقييم بيدل على جوده محتوى الموضوع لمن يريد تصفح الموضوعات

5- زر ( الحاله ) .. الزر صغير جدا يلزم التدقيق لمعرفه ان الزر مضاء ام مطفأ .. ارجو جعل الزر ( الدائره المضائه ) اكبر من الحجم الحالى

6- خط الاقتباسات و ايضا كتابه الردود صغير للغايه .. ضرورى جدا تكبيره حتى و لو درجه واحده
الخط صغير جدا لدرجه اننى اذهب الى مشاركه العضو الاساسيه لقرائتها هناك .. ثم العوده للرد