السلام عليكم،
انا حالياً عندي شاهين، و عاوز أغير، و انا من سكان الأقاليم. فهل ينفع البنزين 90 مع جين 2 و لا لازم يبقى 92 و هل لو زنقت شوية و ما لاقتشي بنزينة قريبة فيها 92 هل يجوز ازود تزويدة بال 90 و ده اذا كان ما ينفعش؟
عرض للطباعة
السلام عليكم،
انا حالياً عندي شاهين، و عاوز أغير، و انا من سكان الأقاليم. فهل ينفع البنزين 90 مع جين 2 و لا لازم يبقى 92 و هل لو زنقت شوية و ما لاقتشي بنزينة قريبة فيها 92 هل يجوز ازود تزويدة بال 90 و ده اذا كان ما ينفعش؟
لا طبعا
اعتقد انه 92 وطالع
وانا عن نفسي ماحطتش 90 ابدااا
والله اعلم
ممكن تحط 90 عادى جدا عملتها كتير
و العربية عاملةمعايا دلوقتى 73 الف كيلو متر
طيب معليش، ايه يعني اللي ممكن يحصل لو حطيت فيها بنزين 90 او حتى 80 فين هي المشكلة الفنية اللي ممكن تحصل؟
الى حد علمي، إن سحب العربية هيقل شوية و صوتها يعلى حبتين.
اعذورني على محدودية معلوماتي.
الكاتالوج مكتوب فيه ينفع 90
اخي الكريم
فكك من الناس دول خد مني
دول ناس بتفتي وبس
لا يوجد فرق بين ال90 والا92
ودا عن ثقة
اخي الكريم في البداية يجب ان تسال ماذا يعني 90و92 لكي تعرف الفرق
المكتوب في الكتلوج unleaded gas
وهي تعني بنزين عديم الرصاص
90و 92
بنزين عديم الرصاص والرقم يدل علي
(رقم الاكتان)ومفيش فرق يزكر بين الاثنين
بس خد النصيحة دي من واحد خبرة في البنزين
انا اصلا من السويس والعربيات بتاعة البنزين انا الا بطلعة من الشركة عاوز تمون مون من موبيل لان دي انضف شركة والعربيات بتعتها اربع عيون 90و92و80وسولر
امام البنزيمات الاخري العربية تملي 90 وتفضي
وتروح تملي80 وتفضي وتروح تملي سولر
وهيصة
وعشان منساش البنزين 80 غير 90 ال80 فية رصاص
وشكرا
مشكورين جميعا على الافادات المثمرة.
بصراحة ردودكم جميعا كانت مفيدة، بس برضوا لغاية دلوقتي ما فاهمتيش ايه الضرر اللي ممكن يحصل للموتور من نوع البنزين و لو حتى اللي فيه رصاص او 80؟ هل هيبوظ الموتور و يخليه عاوز عمرة و يفوت؟ و لا ايه اللي هيحصل بالضبط؟ هل مثلا الرشاش بتاع الانجيكشن هيبوظ؟ و حتى لو باظ؟ هل هيبوظ على طول و لا ممكن يمشي سنة و لا اتنين يعوضهم فرق السعر بين 80 و 90 او 92 ؟
أخى الفاضل
الأضرار غير معروفة عاوز تجرب جرب و قول لنا ايه اللى حصل لكن الكتالوج بتاع العربية قايل بنزين خالى الرصاص و 90 أو أعلى يبقى نمشى حسب الكتالوج لأن اللى صنعها عالم حسابه على كده الشئ التانى البنزين 80 على ما أعتقد خالى الرصاص لأن البنزين كله فى مصر خالى الرصاص علشان البيئة و التلوث و لو حطيت فى العربية 80 الموتور حيحصل فيه ظاهرة التسقيف و ده على المدى البعيد مضر جدا بالموتور و حيقصف عمره بدرى بدرى لأن التسقيف عبارة عن انفجارات صغيرة متوالية داخل غرف الاحتراق للموتور و ده بيعوق حركة البساتم داخل القميص أو الفراغ و يؤدى الى ان البستم يبذل مجهودات مضاعفة للتغلب على الضغط المتولد نتيجة الانفجارات الغير متزامنة التى تحدث فى الموتور من الداخل مما يؤدى الى تلفه بعد فترة قصيرة و شكرا