مساعدة ضرورى فى ام 11

السلام عليكم.
كنت عملت موضوع قبا كدة عن دوارة العربيه الصبح. عربيتى 2011 وعامله 120 الف وشاريها من سنه وطبعا الحمد لله زى الفل. من حوالى اربع شهور مبقتش تدور الصبح الا بعد 4 او 5 مرات ولما تدور تقعد ترعش وتضرب مدافع ولو دوست على البنزين ترجرج وتضرب مدافع فطبعا اطفيها وادورها تانى لحد ما تظبط. رحت لناس كتير الى يقولى موبينه والى يقوله طرمبه بنزين والى يقول بوجيهات. مع العلم بان العربيه لحد ما بتوصل لاى ميكانيكى بتوكن زى الاكس ويكشفوا بالكمبيوتر يلاقوها لوز العنب ومفيش اى حاجه. قريت شويه واجتهدت وغيرت حساسةالكرنك وطبعا المحصله زيرو نفس المشكله. كلمت التوكيل بيقلى دى ميه فى البنزين وطبعا مش عاجبنى الكلام دة لانى بحط فى عربيتى التانبه من نفس البنزينات وبقالى سنين ومفيش مشاكل. اشمعنه يعتى من اربع شهور . المهم اعمل ايه فى موضوع الدوارة دة لما العربيه بتركن فترة. الصبح مثلا او بليل

كانت بتعمل كدا معايا ادورها الصبح بصعوبه تبرجل شويا وتظبط فى الجرى اجرى زى ماانا عايز ولوبردت وجيت ادور متدرش الابصعوبه طلع العيب فى طرمبه البنزين غيرت قلب الطرمبه ب 125جنيه والعربيه بقيت تمام من اول كونتك تدور على طول

بس الميكانيكى اختبر الطرمبه وشاف ضغطها وقالى قويه ومظبوطه. وقالى لو ضعيفه تقطع على السريع. ودة مبيحصلش

اقتباس:

---

المشاركة الأصلية كتبت بواسطة sherif309

بس الميكانيكى اختبر الطرمبه وشاف ضغطها وقالى قويه ومظبوطه. وقالى لو ضعيفه تقطع على السريع. ودة مبيحصلش

---

طب قاس ضغطها بايه ولاكدا بالعين انا كنت بجيب بالطرمبه القديمه160سرعه وغيرتها ومن ساعتها كله تمام لوقاسها فعلا بعداد الضغط هندور على عيب تانى ويريت تكشف على شراره الموبينه عندكهربائى مش ميكانيكى

هوا بصراحه مقس بجها. يدوى وبالخبرة كدة. طب تنصحنى اروح لحد معين مع العلم ان العربيه عقبال ما توصل بتكون لوز العنب. الحوار دة وهيا باردة بس.

اناعربيتى موديل2010 معايامن الزيرو حفظتها اكترمن نفسى عامله88الف كيلواول مشكله صادفتنى هيا نفس مشكلتك لفيت كتير على الصنيعيه كل واحدبفتوا حساس بوابه والتانى قال بوابه واللى قال حسساس كرنك واخرواحدرحتله كان ناقص يقولى غيرماتور رحت لكتيركلهم شافوا الطرمبه وقلولى كويسه طب فى راس الطرمبه فى بلف سالت يمكن بيرجع بنزين قالوممكن وديابقى غاظتنى يمكن طب اسطوات ازاى رحت اشتريت قلب طرمبه نوع صينى مع نفسى وخلعت الكنبه وفكيت الصاموله الفبراللى هيا غطا الطرمبه وخرجت الطرمبه وركبت القلب الجديدبتاعى وقفلت ودورت من اول كونتك دورت الحمدلله ساعتهاحسيت بساعاده وغباء اسطوات بيحكموا على شى بدون اجهزه قياس دور على حديقس ضغط الطرمبه فى عدادبيركب على نهايه مسطره الرشاشات دا بيقيس الضغط ياماتجيب قلب جديد وتركبه نظافه للعربيه وان شاء الله يكون منها

حبيبى الله يباركلك. طيب انا شلت الكنبه وفتحت الغطا بتاع الطرمبه بس معرفتش افكها. حوليها اطار بلاستيك اسود كدة ومعرفتش بيتفك ازاى. وبعدين حد قالى نظافه رشاشات مش عارف انضفها ولا اكبر.
انا لسه مجرب دوارة بردو دلوقتى . نفس الحوار. تدور وتبطل مرتين تلاته وبعد كدة تدور برعشه جامدة وتضرب مدافع وترجرج ولازم ابطل وادور تانى مرتين لحد ما تظبط. بس لو ضعف طرمه . طب ايه حوار ضرب المدافع والرجرجه بردو دى بس مش على طول دة ازل دوارة بس اما بقيت اليوم بتكون فل.
طيب البوجيهات تلاته شمعه او شمعه ليها تاثير.

طيب نظف البوابه ودا سهل فك قفيزالمانفول ويكون معاك مناديل ورقيه اضغط على قرص البوابه لتحت ونظف حولين القرص والقرص كمان ينظف وفيه حساس اسفل البوابه فكه بحرص مفتاح10 اسحبه ونظفه بحرس عشان فى ريشه لواتكسرت هيبوظ امابالنسبه لتنظيف الرشاشات متجبش حاجه بتتحط فى التانك لان الرشاشات لوفيها شوايب كبيره فى الحجم مش هتعدى وتنحرق افضل شى تنظف بعيدعن الدوره وتنظيف المصفى بتاعهاكويس اعمل دول الاول وبعدكده هناكدمن سلامه الطرمبه والاسبراتير وكل اللى قولته مش محتاج ميكانيكى لوعندك خبره بسيطه هتعمله لوحدك وبالنسبه للاطارالاسوداللى حوالين الطرمبه دا عباره عن صاموله بلاستك لوفكتها شمال هطلع الطرمبه بس قبل متفكها تفك الخرطومين بس بحرص عشان متكسرش فتحات الطرمبه البلاستك عشان ديا لوحدها140جنيه اناشخصيا اتكسرت منى عشان كنت بفك باستعجال ويريت يكون التنك على الربع الاخيرعشان الدنيا متغرقش بنزين وعلى فكره ممكن تكون الطرمبه ضغطها سليم لكن لما بتركنها فتره يكون قلبها بيرجع بنزين للتانك اوالبالف فى راس الطرمبه يكون برضه بيرجع بنزين اثناء العربيه طافيه والبلف داكمان بيتنظف دا ممكن يكون سب رءيسى لعدم القدره على تشغيل السياره وانتظام المحرك يعنى يكون القدره اللى حاصل عليها الرشاش من ضغط الطرمبه ضعيفه مع ان القلب قوى وكفاءه لكن بلف الراجع بيسمح بمرور بنزين منه على غير معدل الضغط المسموح بيه وبالنسبه للبوجيهات لومرطبه بنسبه بسيطه هتشم ريحه فى العادم وساعتها مش هيحصل حريق سليم هيبرجل الماتور وهتدور ببصعوبه ابتدى با لبوابه والحساس وهنوصل لحل باذن الله

السلام عليكم ....

ممكن تفك بلف السايكون و تطببه و تجرب .... شكله في اللينك ده
https://www.google.com.eg/search?q=p...tHPdM:&spf=207

البلف ده عمره الافتراضي 50 الف كيلو .... لما بيبوظ بيعمل الاعراض اللي انت بتقولها دي .....

جرب و شوف مش هتخسر كتير

حساس الكرنك كان بيخلى العربية تبطل وهى دايرة بس فى الثبات, روحت لحد فك الفيشة بتاعته ونضفها باسبراى واتحطت عالكمبيوتر شال العطل اللى كان متسجل ومن ساعتها مبقتش تعمل كده.

العيب اللى حضرتك بتتكلم فيه كان بيحصل معايا من فترة وخصوصا فى الشتا بس محطتش ف دماغى اوى وحاليا مبيحصلش ومعرفش ازاى اتعدلت, بس فى خلال الفترة اللى فاتت انا عملت شويه صيانات جايز بالصدفة حاجة من اللى عملته تكون ظبطت العيب ده.