الموضوع: محتاج رأيكم بيجو 5008

السلام عليكم
انا كنت محتاج عربيه 7 راكب عائليه ولقيتت قدامي الجراند بيكاسو والرينو ليدجو والكارينز والبيجو 5008 .. انا مايهمنيش سحب العربيه يعني كده كده اخري خالص 140 ده لو جبتها اصلا . المهم بالنسبالي 7 راكب وتكون 1600 سي سي .
شوفت فيديو عن بيجو 5008 ولقيتها تحفه وعربيه روعه . مشكلتي اللي عاوز حد يفيدني فيها هي قطع الغيار والصيانه .
1- هل فعلا قطع غيارها نادره ومش منتشره وهاتتعبني ؟؟؟؟
2- هل صيانتها صعبه ومش اي حد يشتغل فيها ؟؟؟؟
3- هل فعلا توكيلها وحش في المعامله والتعاون ؟؟؟
واخر حاجه انا بعيد جدا عن القاهره وصعب ان كل شويه انزل القاهره للتوكيل لو حصل عطل فهل في ناس ممكن تبعتلي قطع الغيار اللي انا عاوزها عن طريق الشحن ؟؟؟؟؟
تنصحوني بايه يا اهل الخبره
مستني ردودكم

السلام عليكم
أنا من عشاق هذه السيارة و متابعيها و يارب يرزقنى أكون من ملاكها و لكن حبيت أشارك حضرتك بعض الملاحظات
1. الكارينز ضيقة على 7 راكب يعنى الصف الثانى و الثالث ضيقين بعكس 5008 و جراند بيكاسو و اللودجى
2. 5008 والبيكاسو نفس الشركة زى ما حضرتك عارف بس تكنولوجيا البيكاسو متفوقة شوية و فيه مشاكل فى صيانتها بعكس ال 5008.
3. 5008 موجودة من 2011 حتى 2017 على نفس الشاسيه حصلها فيس ليفت من 2014 تقريبا لكن الصالون من جوه زى ما هو و بالنسبة للصيانة فى التوكيل تمام حتى بعد تغيير التوكيل و ده من واقع المتابعة لأراء المستخدمين بعكس البيكاسو الناس بتشتكى مر الشكوى.
4. 5008 أفضل أمانا من اللودجى لأن الخيرة فيها body roll عالى بيعوضه نظام الثبات فى 5008.
5. صيانتها هتبقى فى القاهرة و ممكن حضرتك تسأل فى الحرفيين بتاعة جسر السويس قبل ما تشترى على قطع الغيار و الصيانة علشان تطمئن .
الخلاصة:
العربية تحفة فعلا ما شاء الله .. واسعة تشيل 7 راكب مرتاح مع اعتبار أن الصف الثالث ميشلش بالغين لمسافات طويلة ... أمان ... تكنولوجيا متوسطة .. وللأسف الموديل الجديد أصبح يمتلك تكنولوجيا عالية و العبية بقت SUV مش MPV و مش هتقل عن 700 ألف.
أتمنى أكون أفدت حضرتك ببعض الملاحظات و بالتوفيق دايما و ربنا يرزقك بالخير