الموضوع: فليسيا 95 بعد تركيب كاوتش جديد

يا جماعة انا جبت فردتين كاوتش جداد
الراجل فك الاتنين اللي قدام بالجنوط ونقلهم ورا وبعدين خد الجنوط اللي ورا ركب فيهم الكاوتشين الجداد وركبهم قدام
من ساعتها والعربية بيحصل فيها الاتي :
1-بحس ان العربية ماشية بالعافية
2-بسمع صوت تخبيط تحت العربية
3-الدريكسيون اما بحركه بحس انه بيحك ف حاجة معرفش هي ايه
4-صوت طقطقة وانا برجع لورا بالعربية عشان اركن
5-رجة فالدريكسيون اما السرعة بتوصل 100
6-العربية بتحدف على الجنب والدريكسيون ثابت


ارجو الرد على ال 6 نقط دول واسف عالاطالة

1. ما اعتقدش ان ده ليه اي علاقة بالكاوتش.
2. صوت التخبيط ممكن يكون الكاوتش الجديد ناشف و هو نوعه كده و ممكن يكون منفوخ زيادة عن اللزوم. راجع ضغط الكاوتش.
3. اتاكد ان الكاوتش الجديد هو نفس مقاس الكاوتش القديم.
4. مالوش علاقة بالكاوتش.
5. ترصيص الكاوتش الجديد مش مظبوط و ممكن الجنوط اللي جبتها من ورا فيها خبطة بسيطة مسببة الرجة. عامة رصص و شوف.
6. ظبط زوايا و ممكن فردة مريحة عن التانيه يعني مثلا واحده علي 28 و التانية علي 32.