الموضوع: مقارنة بين التويوتا كرولا 2017و الاوبترا 2015

صدقائى فى الجروب تحيه طيبه وبعد :
بعد اذن رجالة الادمن حبايبنا :
حبيت اقول تجربتى عن ركوب نوعين من السيارات اللى هما معايا
- ( النيو أوبترا 2015 فى مصر - والتيوتا كرولا 2016 فى دبى )
- عندى النيو اوبترا فى مصر - والتيوتا فى دبى
حتكلم اولا على ( التيوتا كرولا ) المميزات والعيوب
----------------------------------------------------
المميزات : موديل 2016 - ماتور 2000 سى سى فل أوبشن خليجى
- فتحه سقف - باور استيرنج - مرايات كهرباء - ريموت - ليدات شبوره
- السعر 65 الف درهم اماراتى لا غير - كاسيت C.D مع اربع سماعات
- جنوط 16 - تكييف قوى
** العيوب Toyota **
- صنع فى تايلاند - Made in Thailand
- قريبه من الارض ومش عاليه - يعنى أى مطب بيحصل احتكاك لو مركب 3 ورا
- التابلوة تقفيلو وخامتو مش بتليق مع موديلات التيوتا اللى سبقوها
- السياره فى الطالعه حلوة بعد كده متعرفش ايه اللى حصل - تحس ان البساتم مقفوله
- كان معايا موديل 2008 متور 18000 سى سى كانت انعم وامتن وتقفيل يابانى اللى هيا جنوب افريقى فى مصر - ضيقه من جوة يعنى لو اتنين فى جسمى يقعدو ورا مستريحين 3 يقعدو مخنوقين - المشكله اللى حستها فى العربيه دى الات الجر بتعتها رديئه جدا وتحس بعد فتره ان الصاج مفكوك مش عارف بقى ايه المشكله دى - التيل الفرامل بيتاكل بسرعه ومبيستحملش السخونية بتاعه الخليج دايما تلاقى السواد بتاع التيل مرشح على الجنوط
التبلوه شكلو مش عاطفى خالص والطاره حاسس انها بتاعت الياريس والكلاكس بتاعها زى كلاكس الزيزتافا - لو طفل صغير ريح على الاكصدامات على طول يتخلعو من مكانهم - ولو قعدت على الكبوت يطبق وميرجعش زى الاول الا لما تردو بأيدك - كنت حاطط استيكرات على الاكصدامات وجيت شيلتوهم عشان ممنوع عندنا قشرت وانا بشيل الاستيكرات - مفيهاش مصفحه تحميها من تحت وانا شيكت عليها بنفسى
- بسمع اصوات كأنى فاتح الزجاج وبفتح الباب وبقفلو كويس عشان اتاكد
-----------------------------------------------------------------------
نيجى بقى ( للنيو اوبترا )
- موديل 2015 مستورد اسود - قل اوبشن معادا المالتى وفتحة الصقف
- ثابته على طريق مصر اسكندرية الصحراوى على سرعة 160 ودى اخر سرعه جبتها
- بيها - عامل بيها 50000 الاف كيلو انا من وجهه نظر الاوبترا التابلوة اشيك من التيوتا - ومش منحاز انا شارى دى وشارى دى - والاوبترا عاليه عن الارض ومتورها 1500 وده مناسب لمصر جدا عشان البنزين ومريحانى جدا - واسعه جدا من الصالون وشنطتها واسعه - السحب بتاع الاوبترا اسرع وده حسيتو لما طلعت من الاشاره - والاوبترا خفيفه فى السرعات ثابته فى الطريق الطويل
""""""" العيوب """""
- الكاسيت والسمعات مش بجوده عايه بالنسبة للتويوتا - مفيهاش مصفحه - صوت بعد 1200 بيجى من ناحيه اليمين - قطع الغيار مش متوفره شوية - لحد دلوقتى هيا دى العيوب اللى قابلتنى لحد دلوقتى
-----------------------------------------------------------------------------
بصراحه النيو اوبترا اعلى من الارض والتابلوه شياكه وشكلها عاطفى جدا جدا - ومناسبة لسعرها جدا - والعفشه بتاعة الاوبترا اقوى من التيوتا 2016 التايلندى بس التويوتا انعم من الاوبترا - بصرحه الاوبترا حلوة لمصر - والتويوتا 2016 فرق كبير بينها وبين الموديلات القديمة - التويوتا المفروض سعرها يكون اقل من كده على قد حالتها دى
منقول