دايخ على نوع ومقاس للانوس

**محمود فرنسا** · 19-03-2017 07:03 AM

السلام عليكم ورحمة الله وبركاتة
بدون مقدمات انا اشتريت العربية من سنتين تقريبا وهي راكب عليها جنوط وعجل 13/185/70
بس عندي مشكلة ان فيه عجلة او اتنين ملوحيين وبيسببو برجله ف العربية بعد ال 80 كم
كل اللى سئلتهم قالولي المقاس ده مش هو بتاع العربية وان المقاس بتاعها 13/175/70 وفيه قالو مقاسات تانية توهوني
العفشة بصراحة انا مش بشتكي منها خالص الا ف بعض الاحيان من التزييء نتيجة الغسيل غير كدة بفضل ربنا مبعملش حاجة خالص ف العفشة
وشايف ان المقاس حلو وعريض ومخلي شكل العربية كويس وبفكر اجيب نفس المقاس بس فيه ناس كتير بينصحوني اجيب المقاس الانسب للعربية ومبصش للشكل
عايزكم تفيدوني ف النقطة دي عشان خلاص دماغي هتفرقع مش عارف اعمل ايه
بالنسبة للانواع طبعاً الاسعار ضربت ف 2 يعني دلوقتى مثلاً ال GT الاندونسيي عامل 600 جنية وكنت مقتنع بيه بس روحت امبارح مركز لهانكوك كرهني ف النوع
وبيقنعني بنوع روسي عنده بس هو ناشف جداً بيقولي ان دي ميزة فيه عشان ميتخرمش بسهولة بس حاسس ان ده هيأثر على الراحة ع الطريق وهو ب 630 ج والهانكوك ب 690 برجستون 730
انا مش فارق معايا الاسعار لان كلهم محصلين بعض والفروقات مش كبيرة بس مش عايز ادفع كل ده وف الاخر البـــس ف حاجة تقرفني

**svneleven** · 20-03-2017 05:01 AM

طالما ال 185 مش مدايقك خلاص. يعني مش بيحك في الرفارف و العربية مش عايمه منك في الملفات يبقي تمام. طبعا تراعي بس ان السرعة اللي في العداد بتبقي اقل من الحقيقي بسيط. يعني لو العداد قاري 100كم/س يبقي حضرتك ماشي علي 101.5 تقريبا. بخصوص الانواع بريدجستون احسنهم و اطولهم عمرا. غير كده يبقي كومهو و هانكوك و بلاش الانواع المغمورة طالما الفلوس مش فارقة جامد.

**محمود فرنسا** · 20-03-2017 09:22 AM

لا هي مش بتعوم مني الحمد لله وموضوع الحكه انا خليت السمكري تني الشفة بتاعة الرفرف اللى ورا عشان المشكلة دي ومبقيتش بتحك خالص الحمد لله
بس حاسس انها مأثرة على الفرامل لان ليا زميلي معاه شيفورلية 2014 مركب على الجنط الحديد بتاعها عجل 14 والفرامل عنده ماشاء الله مع العلم انا مركب التيل الاصلي
مش عارف هل ممكن يكون سبب ولا لا يعني عرض العجلة ممكن يخلي الفرامل ضعيفة عن العادي ولا مش بتفرق
ومتشكر جداً على اهتمام حضرتك ومرورك الكريم

**svneleven** · 21-03-2017 05:58 AM

أولا لا شكر علي واجب.
بالعكس الكاوتش الاعرض بيحسن اداء الفرامل. دور علي مشكلة في الفرامل ممكن زيت الفرامل قديم محتاج يتغير او التيل نفسه مش كويس.

**ehabahmed0** · 04-07-2017 10:02 AM

المشاركة الأصلية كتبت بواسطة محمود فرنسا

السلام عليكم ورحمة الله وبركاتة
بدون مقدمات انا اشتريت العربية من سنتين تقريبا وهي راكب عليها جنوط وعجل 13/185/70
بس عندي مشكلة ان فيه عجلة او اتنين ملوحيين وبيسببو برجله ف العربية بعد ال 80 كم
كل اللى سئلتهم قالولي المقاس ده مش هو بتاع العربية وان المقاس بتاعها 13/175/70 وفيه قالو مقاسات تانية توهوني
العفشة بصراحة انا مش بشتكي منها خالص الا ف بعض الاحيان من التزييء نتيجة الغسيل غير كدة بفضل ربنا مبعملش حاجة خالص ف العفشة
وشايف ان المقاس حلو وعريض ومخلي شكل العربية كويس وبفكر اجيب نفس المقاس بس فيه ناس كتير بينصحوني اجيب المقاس الانسب للعربية ومبصش للشكل

عايزكم تفيدوني ف النقطة دي عشان خلاص دماغي هتفرقع مش عارف اعمل ايه
بالنسبة للانواع طبعاً الاسعار ضربت ف 2 يعني دلوقتى مثلاً ال GT الاندونسيي عامل 600 جنية وكنت مقتنع بيه بس روحت امبارح مركز لهانكوك كرهني ف النوع
وبيقنعني بنوع روسي عنده بس هو ناشف جداً بيقولي ان دي ميزة فيه عشان ميتخرمش بسهولة بس حاسس ان ده هيأثر على الراحة ع الطريق وهو ب 630 ج والهانكوك ب 690 برجستون 730
انا مش فارق معايا الاسعار لان كلهم محصلين بعض والفروقات مش كبيرة بس مش عايز ادفع كل ده وف الاخر البـــس ف حاجة تقرفني

صديقي العزيز انا مركب كاوتش بمقاس 13/185/70 بصراحه كنت قلقان في الاول بس مع الوقت لقيته روعه وبيدي ثبان وبحس ان العربيه مكلبشه في الارض وثابته
بالنسبه للسعر انا اشتريت الفرده ب 560 وده نوع اسمه montana اندونيسي