الموضوع: ممكن مهندس كهربا هنا بيفهم يفهمنا لية بيوتنا مفهاش توصيل ارضى واازى احل مشكلة

احنا فى مصر حضرتك سلكه تالته تعنى لو عندنا 2 مليون متر سلك مثلا حيبقو 3 مليون واحنا مبنهتمش بالتفاهات بتاعت الامان دى الشعب كتير واللى يتكهرب بيوفر فم مفتوح
المهم
ممكن تعمل الارضى لو بيتك او عمارتك وبتاسسها بسهوله عباره عن عمود فى حدود متر ونص من النحاس وبيتحفرله فى مكان رطب ويردم بملح وفحم مخلوطين ببعض ويرش بالماء ويؤخذ منه طرف يقوم الكهربائى بتقسيم جميع التوصيلات على النظام الثلاثى مع فيش 3 طرف
اما لو ساكن فى عماره عادى كان سهل ايام المواسير الحديد لانها كنت متشعبه فى الارض دلوقت المواسير بلاستيك فحتحتاج مكان فى منور العماره تعمل فيه الارضى وتمد اسلاك لشقتك وطبعا لازم تاسيس الكهرباء فى الشقه 3 طرف مع الفيش ال3 طرف

عمق الحفره هو اللى متر ونصف لاكن قطرها لو تعرف تخليه 20 سم ميفرقش وعمود نحاس محترم 170سم ويفضل قطره ميقلش عن 20 ملى (اعتقد حيعمل مبلغ)
دخول الماء فى الحفره مفيد لان اصل الارضى الرطوبه والارضى وظيفته امتصاص الشحنات الكهربائيه والاستاتيكيه الزائده من اى جسم حتى لو برق ووصل للحفره حيتفرغ فى الارض مش العكس انه يعمل مشكله (طبعا الارضى اللى بنعمله بدئى لاكنه جيد جدا غير الارضى المصمم بمواصفات عالميه) وممكن فى النهايه تقفل الحفره باسمنت ويكون بارز من العمود من 10 الى 20 سم ومكان ربط للسلك
ليه فحم وملح احنا درسناها كده الفحم والملح مع الرطوبه موصلان جيدان للكهرباء (الفحم فى صوره ناعمه ويخلطان جيدا وتردم وتملى الحفره بالماء وتترك ليجف سطحيا)
انت محتاج منور حيكون افضل من الشارع او رصيف داخلى
ممكن تختبر الارضى انك تاخد طرف حى ولمبه 100 واط وتوصل الطرف التانى باللمبه لازم تنور كانها اخده الطرفين الحكومى بنفس القوه
افضل امان للارضى فى الغسالات والسخانات لانهم فى اماكن بها ماء والتوصيل عالى جدا للكهرباء لو حصل تسريب لجسم السخان او الغساله ولمسه جسم الانسان او طفل بيكون الامر خطير جدا وربنا يحفظنا جميعا

بما اني شغال في التأريض (الارضي) ومانعات الصواعق
ممكن افيدك
مصر مكنش بيتعمل فيها مانع صواعق لأنها كانت خارج نطاق حزام الصواعق لكن دخلت النطاق من حوالي 10 سنين تقريبا
علشان كده حاليا اي مشروع جديد اجباري مانعات صواعق وليها انواع كتير وحسابات مختلفة
بالنسبة للارضي كانت المشاريع الكبيره فقط اللي فيها وخصوصا الاستشاري الاجنبي
وحاليا بقينا ننفذها في الكمبوندات السكنية لوجود استشاري اجنبي او مصري حتي
لو محتاج تعمل ارضي فالمنزل فا مش هتستفاد بيه بالشكل الكامل لعدم وجود مخرج 3 للفيش
برغم انك ممكن توصله علي السالب في الكهرباء بس دا يستلزم احتياطات
وبالنسبة انك تعمل بئر ارضي علشان توصل عليه
انت ممكن تحتاج 2 سيخ طول الواحد متر ونص عموما الحسبة كلها ممكن 500 من غير السلك
وفي حل اوسط للحفاظ علي اسرتك من تسرب الكهرباء وده اللي انا شخصيا عامله في شقتي
اول قاطه تيار اساسي واصل لشقتك (ماقبل العداد) يتم توصيل قاطع يسمي ايرث ليكدج
ودا بياخد طرفين سالب وموجب وفي حاله وصول الكهرباء لاي شخص بالشقة يتم فصل التيار فورا
يعني لو حضرتك مسكت سلك كهربا او اي شيء يكهرب بيفصل التيار ولازم ترفع المفتاح تاني بعد التاكد من ازاله السبب

المشاركة الأصلية كتبت بواسطة HeMa_LanCeR

بما اني شغال في التأريض (الارضي) ومانعات الصواعق
ممكن افيدك
مصر مكنش بيتعمل فيها مانع صواعق لأنها كانت خارج نطاق حزام الصواعق لكن دخلت النطاق من حوالي 10 سنين تقريبا
علشان كده حاليا اي مشروع جديد اجباري مانعات صواعق وليها انواع كتير وحسابات مختلفة
بالنسبة للارضي كانت المشاريع الكبيره فقط اللي فيها وخصوصا الاستشاري الاجنبي
وحاليا بقينا ننفذها في الكمبوندات السكنية لوجود استشاري اجنبي او مصري حتي
معلومات مفيده
لو محتاج تعمل ارضي فالمنزل فا مش هتستفاد بيه بالشكل الكامل لعدم وجود مخرج 3 للفيش
الفيش ال3 مخرج موجوده بس لازم كهربائى يسحب الوصلات بالكامل للشقه 3 مخرج
برغم انك ممكن توصله علي السالب في الكهرباء بس دا يستلزم احتياطات
وبالنسبة انك تعمل بئر ارضي علشان توصل عليه
انت ممكن تحتاج 2 سيخ طول الواحد متر ونص عموما الحسبة كلها ممكن 500 من غير السلك
وفي حل اوسط للحفاظ علي اسرتك من تسرب الكهرباء وده اللي انا شخصيا عامله في شقتي
اول قاطه تيار اساسي واصل لشقتك (ماقبل العداد) يتم توصيل قاطع يسمي ايرث ليكدج
ودا بياخد طرفين سالب وموجب وفي حاله وصول الكهرباء لاي شخص بالشقة يتم فصل التيار فورا
يعني لو حضرتك مسكت سلك كهربا او اي شيء يكهرب بيفصل التيار ولازم ترفع المفتاح تاني بعد التاكد من ازاله السبب

ياريت معلومات عن الايرث ليكدج نظريه تشغيله وازاى بيميز بين الحمل والاشخاص ويفصل اكون شاكر لحضرتك

طريقه عمله
ان حضرتك لما بتتكهرب يبقي انت لمست الكهربا مع الارضي وهو بيحس بكده
يعني هو بيوصل علي الطرفين علشان كده
لما حد بيتكهرب بيحس ان الكهربا مع الارضي فابيفصل علي طول
لكن القاطع العادي بيحسب الحمل فقط

بيكون قدرته كام

واسعاره كام تقريبا ؟

انا كنت جايبة 63 امبير
وبالنسبة للسعر فا انا كنت جايب فيرز الانجليزي من الشغل عندي
لكن كان في بالسوق abb وكان ب 260 جنيه من 5 سنين :)