الموضوع: عند شراء سياره مستعمله كيف اتجنب مخالفات المالك القديم ؟

فى حاجه اسمها شهاده المخالفات اساسى وانت بتشترى العربيه مالك العربيه بيجيبها من نيابه المرور ودى بتضمن للشارى عدم وجود مخالفات على العربيه حتى تاريخ تحريرها
والافضل طبعا واريح ليك انك تشترى العربيه بعقد مسجل (يعنى لا عقد ابتدائى ولا توكيل )
ولما تحب ترخص تروح على المرور على طول

المشاركة الأصلية كتبت بواسطة lancer06

فى حاجه اسمها شهاده المخالفات اساسى وانت بتشترى العربيه مالك العربيه بيجيبها من نيابه المرور ودى بتضمن للشارى عدم وجود مخالفات على العربيه حتى تاريخ تحريرها
والافضل طبعا واريح ليك انك تشترى العربيه بعقد مسجل (يعنى لا عقد ابتدائى ولا توكيل )
ولما تحب ترخص تروح على المرور على طول

شكرا يا باشا عالرد والافاده طب بالنسبه لشهاده المخالفات دى سهله ولا بتاخد وقت ؟ وانا كنت جربت قبل كده ابعت رقم العربيه على رقم معين كده فى رساله وجاتلى رساله فى ساعتها بمبلغ المخالفات اللى عليا هل لو عملنا الحركه دى واحنا بنعاين العربيه تكفى ولا الافضل شهاده المخالفات ؟
وبالنسبه للعقد المسجل فى الشهر العقارى هل هوه كأجراء سهل ولا رخم يعنى ليه الناس مثلا بتستسهل وتعمل توكيل مع انه كده كده خلاص راح الشهر العقارى وهيعمل توكيل هناك طب ما يعمل عقد وخلاص

طبعا ممكن تدخل على مخالفات المرور على النت و تعرف المخالفات اللى على العربيه اللى انت عايز تشتريها

المعتاد و الطبيعى .. ان حتى لو لم يكن هناك مخالفات .. لازم المالك و انت معاه تروح تطلع شهاده مخالفات قبل التسجيل .. و ممكن خلال ساعه او ساعتين تخلص القصه دى ..

و كمان ممكن تحتاج شهاده بيانات و جواب موجه للمرور اللى انت تابع ليه بيطلعها المالك فى نفس الوقت اثناء استخراج شهاده المخالفات ( لو انت فى محافظه تانيه او مرور تانى على ما اظن ) .. معرفش النظام الجديد للمرور فيه الكلام ده لسه مطلوب ام لا بالنسبه لشهاده البيانات

فى جميع الاحوال حتى لو المالك عمل شهاده المخالفات و كان مثلا مفيش مخالفات او دفع المخالفات الموجوده .. ممكن جدا يكون فيه مخالفات لم يتم تسجيلها على الكمبيوتر و بعد الشراء بعده شهور تظهر المخالفات دى ( انا ظهرت مخالفات عندى بعد 6 شهور من التسجيل .. و اشتريت دماغى و دفعتهم )

و انت ممكن تعرف انها خاصه بالمالك القديم عن طريق تاريخ المخالفه .. و علشان تعرف تاريخ المخالفه لازم تكون معاك الرقم القومى للبائع ( اللى الرخصه باسمه ) علشان التفاصيل دى تظهر .. يعنى لو اشتريت بتوكيل خد صوره من الرقم القومى للمالك الاصلى اللى الرخصه باسمه

و فى الحاله دى اما ان تقدم معارضه و يكون معاك ما يثبت تاريخ البيع و التسجيل و استلام السياره .. و قد تقبل المعارضه او ترفض .. او انك تكلم المالك و تطلب منه قيمه المخالفات

ممكن تتفق مع البائع ان اى مخالفات ستظهر خلال اول سنه و يكون تاريخها قديم ( قبل الشراء ) انه يلتزم بسدادها