الموضوع: هام جدا بخصوص زيت موتور الكروز

المشاركة الأصلية كتبت بواسطة Ahmed_Ta21

السلام عليكم
يارب الجميع يكون بخير
غيرت النهارده زيت الموتور عربيتي كروز موديل 2014
لما استلمت كتالوج العربية من التوكيل استملت الكتالوج القديم فمكتوب ان جودة الزيت تكون اما a3 b3 او a3b4
وكاتبين ممنوع جودة a1b1 او a5b5
جبت المواصفات المطلوبة زيت موبيل 5w30 ال 10000 ومكتوب عليه للمواتير الاوروبية
العربية بعد لما حطيته السحب تقيل العربية حاسس انها مش فايقة كاني حاطط 5w50مش 30

فخايف ان الجودة اللي حطيتها تكون لموتور الكروز القديم مش الجديد فياريت اللي معاه كتالوج العربية الجديد يقولي الجودة المكتوبة ايه في الكتالوج واتمني لو حد يصورلي الصفحة اكون شاكر جدا ليكم
واتمني من حضراتكم سرعة الافادة لان قاعد قلقان جدا

الزيوت a1b1 او a5b5 .. دى زيوت خاصه .. تستخدم عند توافر اشتراطات خاصه فى المحرك

اذا توافرت الاشتراطات الخاصه فى المحرك .. سيتم ذكر ذلك صراحه فى الكتالوج بانه مطلوب ( او مسموح ) استخدام a1b1 او a5b5 .. و بالذات لل a1b1



.. اذا الكتالوج منع صراحه استخدام a1b1 .. فلا يجوز نهائيا و مطلقا استعمال زيت بهذه المواصفه تحديدا اذا كان الزيت يحتوى على مواصفه وحيده من ACEA الاوروبيه ( و هى ال a1b1 )

.. اذا الكتالوج منع صراحه استخدام a1b1 .. او اذا لم يتم ذكر اى معلومه عن امكانيه استعمال a1b1 او A5\b5 من عدمه .. و كان فيه زيت يحمل اى من هذين المواصفتين ( a1b1 او A5\b5 ) بالاضافه الى مواصفات اخرى .. فلابد ان يتم اقترانها بمواصفه A3 او مقترنه ب Approval مناسب من صانعين للسماح باستخدام هذا الزيت .. مع وجوب دراسه الزيت بالتفصيل للتأكد

السبب فى طلب اقترانها بمواصفه A3 او مقترنه ب Aprroval مناسب من صانعين .. ده للتأكد ان HTHS للزيت سيكون كافى و مناسب للحمايه ضد التآكل للسيارات العاديه التى لا تحقق الاشتراطات الخاصه لمتطلبات استخدام a1b1 او a5b5 .. و بالذات لل a1b1



- و كتطبيق لما سبق على زيوت موبيل .. فلا يجوز نهائيا و مطلقا استعمال زيت موبيل 1 ( Mobil 1™ x1 5W-30 ) بمواصفته الحاليه الموجوده فى مصر لسيارتك

- و ايضا لا يستخدم زيت بمواصفه اوروبيه وحيده A1 مثل ( Mobil 1™ x1 5W-30 ) لاى سياره كتالوجها يطلب مواصفه اوروبيه A3 .. الا اذا تأكدنا تماما من ان هذا الزيت يحقق HTHS قيمته 3.5 ( عن طريق دراسه ال Approvals للصانعين او باى طريقه اخرى )

- و طبعا فكره الزيت A1 هى ان الزيت منخفض اللزوجه و منخفض المقاومه للقص Shear و منخفض المقاومه للتآكل .. بمعنى انه سيكون بالتأكيد اقل من هذه القيمه لل HTHS المطلوبه ل A3 ( فى المعتاد ) .. و المحركات التى تطلب هذه المواصفه تكون مصممه خصيصا للحمايه من هذه الصفات



المواصفه المذكوره للزيت كما رأيتها فى موضوع المهندس بوريو مع ملاحظه الاتى :
.. لم اتمكن من التحقق من رقم ال HTHS لمواصفه ال API SN
.. لم اتمكن من التحقق من المواصفتين الاتيتين .. و لكن متطلبات فورد بصفه عامه بتكون ل HTHS منخفض اقل طبعا من 3.5 .. و هذا ما اتوقعه
Ford WSS-M2C946-A
Ford WSS-M2C929-A

Mobil 1™ x1 5W-30
بالمواصفات التالية
ACEA A1/B1
API SN/SM
ILSAC GF-5
™GM dexos1
Ford WSS-M2C946-A
Ford WSS-M2C929-A
Ford WSS-M2C913-C



رقم ال HTHS لزيت Mobil 1™ x1 5W-30 ( مع الاخذ فى الاعتبار ان قيمه ال SN غير معروفه لى .. سيتم البحث عن القيمه )
المطلوب فقط ان تتعدى رقم 2.9

pec.

	HTHS (cP) SA(%)	SA (%)	P (%)	S (%)	Min T
dexos 1	≥2.9	≤1.0		≤0.45	≥0.6
A1/B1-12	≥2.6	≤1.6			≥8.0
M2C913-C	≥2.9	≤1.3	≤0.01		≥8.5

رقم ال HTHS لزيت Mobil 1™ x1 5W-30 ( مع الاخذ فى الاعتبار ان قيمه ال SN غير معروفه لى .. سيتم البحث عن القيمه )
المطلوب فقط ان تتعدى رقم 2.9

pec.

	HTHS (cP) SA(%)	SA (%)	P (%)	S (%)	Min T
dexos 1	≥2.9	≤1.0		≤0.45	≥0.6
A1/B1-12	≥2.6	≤1.6			≥8.0
M2C913-C	≥2.9	≤1.3	≤0.01		≥8.5

بعد بحث سريع جدا .. و ارجو اللى عنده اضافه او تصحيح ان يتفضل بالتوضيح

ال API تحدد رقم ال hTHS بناء على اللزوجه و ليس بناء على مستوى الخدمه !! ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

لل API لزوجه 30 ( لاى مستوى خدمه جديث ) .. رقم HTHS يجب الا لا يقل عن 2.9 !!

بمعنى ان مواصفه ال API SN .. ليس لها تأثير على محتوى الرد السابق بخصوص استعمال Mobil 1™ x1 5W-30



ملحوظه :
ال CF للمحركات الديزل فى احد الروابط له قسمه HTHS تساوى 3.5 لللمحركات Heavy Duty Vehicle ( ديزل )
لا اعتقد انه يصلح اعتبار هذا الرقم لمحرك بنزين .. و الاصح ( على ما اعتقد ) هو استعمال الرقم المتعارف عليه فى كل الروابط لمحركات البنزين و هو 2.9

- و كتطبيق لما سبق على زيوت موبيل .. فلا يجوز نهائيا و مطلقا استعمال زيت موبيل 1 ( Mobil 1™ x1 5W-30 ) بمواصفته الحاليه الموجوده فى مصر لسيارتك

الكلام ده طبعا مظبوط طبقا للمواصفه المطلوبه للكتالوج اللى انت ذكرته .. اما لو كان الكتالوج موش بتاع عربيتك .. يبقى ده كلام تانى

للاسف كنت بروح التوكيل بيحطوا زيت موبيل 5w30 esp fromula والزيت ده مواصفاته مش متوافقة مع العربية علسان كده حاولت ابحث عن زيت متوافق مع الكروز ولقيت ان موبيل منزلة زيت جديد 5w30 مواصفاته acea a3b3 a3b4 ودي مواصفات الكتالوج عندي بس مكتوب علي الزيت للمواتير الاوروبية وذكر امثلة مرسيدس اودي فولفو وهكذا فمش عارف الزيت كده مناسب ولا لا لان السحب اختلف بصراحة جدا

عاوز حضرتك تفيدني بحيث اكون مطمن
اولا رحت منصور وصورت الكتالوج الجديد ومكتوب فيه الاتي:
الزيت يجب ان يحمل علامة الاعتماد dxos 1
لو مش متوفر dexosيبقي الجودة اماacea a3b3 او a3b4
وممنوع اي زيت acea a1b1 او a5b5

نزلت ادور لقيت موبيل منزلة زيت معتمد من dexosومكتوب جمبيه GM. ولزوجته 5w30 ومكتوب لمعظم موديلات الشيفروليه قولت جميل لقيت مكتوب جمبيه متوافق مع متطلبات acea a1b1
والكتالوج مانع a1b1
السؤال هل اجيبه لانه درجة اللزوجة المطلوبة والاعتماد منdexos؟ ولا مينفعش علشان A1b1 مكتوب في الكتالوج ممنوع نهائى؟

السؤال التاني الزيت. الحالي 5w30 و مكتوب عليه الاتي
متوافق مع Acea a3b3 A3b4
Vw50200/50500;Mb
Apprval 229.3/229.5
ومكتوب في نهايته للسيارات الأوروبية
هل ده متوافق مع العربية ولا لا؟ وعلي الرغم ان المتطلبات جبتها زي مالكتالوج قال ليه حاسس بتقل العربية؟
اعذرني لكثرة السؤال لكن بكل اسف توكيل مش فاهم حاجه ببحطوا 5 كيلو ومواصفات غير مطابقة ومحدش فاهم الكلام اللي بنتكلم فيه ده في مصر الا من رحم ربي والواحد بقي محتاج يكون واقف علي حاجته لان التوكيل بنظامه ده هيضيع العربية بالاضافة ان محدش عارف الصح فين والواح داخ في الحوار ده

المشاركة الأصلية كتبت بواسطة Ahmed_Ta21

للاسف كنت بروح التوكيل بيحطوا زيت موبيل 5w30 esp fromula والزيت ده مواصفاته مش متوافقة مع العربية علسان كده حاولت ابحث عن زيت متوافق مع الكروز ولقيت ان موبيل منزلة زيت جديد 5w30 مواصفاته acea a3b3 a3b4 ودي مواصفات الكتالوج عندي بس مكتوب علي الزيت للمواتير الاوروبية وذكر امثلة مرسيدس اودي فولفو وهكذا فمش عارف الزيت كده مناسب ولا لا لان السحب اختلف بصراحة جدا

انا شايف انك متلخبط اوى

المعندس بوريو قال بوضوح ان الزيت مناسب لعربيتك .. فلا داعى لاى قلق اطلاقا

و انا كمان راجعت المواصفه ( قبل ما انت تتكلم على dexos 1 ) .. الزيت مناسب لمتطلبات عربيتك



و اذا اخذنا فى الحساب الكلام المستجد بتاعك بخصوص dexos 1 ( لى تعليق علي مواصفه الكتالوج الجديد بعدين ) .. مبدئيا سالخص الفرق :
1- الفيصل المهم فى المواصفه عندك هو ال acea a3b3 a3b4 .. موش dexos 1 .. و السبب ان ال dexos 1 لا يحقق المواصفه الاساسيه المطلوبه و هى الا يقل ال HTHS عن 3.5

2- ال dexos 1 يفرق فى انه سيعطى توفير وقود افضل قليلا .. و فيه حمايه متوسطه Aftertreatment Devices و دى بتكون اساسا خاصه بالمواتير الديزل لاعاده تدوير غاز العادم ( و نسبيا نقدر نعتبرها لعلبه البيئه كمان )

3- العيب الوحيد نسبيا فى زيت موبيل اللى انت حطيته بتاع المواتير الاوروبيه .. انه لا يقدم حمايه لل Aftertreatment Devices و دى بتكون اساسا خاصه بالمواتير الديزل لاعاده تدوير غاز العادم .. لكنه يوفى بجميع المتطلبات الاخرى التى يقدمها dexos 1

دى مواصفه زيت موبيل الاوروبى اللى انت حطيته .. و مواصفه الديكسوس هى اللى باللون البرتقالى
و اظن الفرق واضح جدا بالنظر .. الديكسوس اقل بكثير من A3 فى كل شيئ ما عدا توفير اعلى قليلا للوقود و حمايه متوسطه او اقل لل Aftertreatment Devices

chart(2).jpg

لان السحب اختلف بصراحة جدا

طبعا السحب يختلف لانك كنت بتحط زيت مستواه عالى جدا و هو زيت موبيل 5w30 esp fromula

و الزيت ده موبيل 5w30 esp fromula مناسب برضه لموتورك و اعلى من المطلوب كمان .. و اعلى بكثير من Dexos 1 فى كل شيئ .. و لكن يعطى توفير وقود اقل قليلا من Dexos 1

و دى مواصفه زيت موبيل 5w30 esp fromula .. و مواصفه الديكسوس هى اللى باللون الرصاصى الفاتح
و اظن الفرق واضح جدا بالنظر .. الديكسوس اقل بكثير جدا جدا فى كل شيئ ما عدا توفير اعلى قليلا للوقود و ايضا اقل جدا جدا فى تقديم حمايه لل Aftertreatment Devices

chart(3).jpg

نزلت ادور لقيت موبيل منزلة زيت معتمد من dexosومكتوب جمبيه GM. ولزوجته 5w30 ومكتوب لمعظم موديلات الشيفروليه قولت جميل لقيت مكتوب جمبيه متوافق مع متطلبات acea a1b1
والكتالوج مانع a1b1
السؤال هل اجيبه لانه درجة اللزوجة المطلوبة والاعتماد منdexos؟ ولا مينفعش علشان A1b1 مكتوب في الكتالوج ممنوع نهائى؟

كلامك ده انا كنت متوقع انك تعمله .. علشان كد كتبت الردين اللى حذرتك فيهم من انك لا يجب ان تستعمل Mobil 1™ x1 5W-30 .. ( بس الكلام ده كله قبل انت ما تتكلم على ديكسوس 1 دلوقتى )

لانى كنت متوقع انك حتفكر تعمل كده ( بالرغم من ان المهندس بوريو طمئنك على ان الزيت مناسب )

المشاركة الأصلية كتبت بواسطة Ahmed_Ta21

عاوز حضرتك تفيدني بحيث اكون مطمن
اولا رحت منصور وصورت الكتالوج الجديد ومكتوب فيه الاتي:
الزيت يجب ان يحمل علامة الاعتماد dxos 1
لو مش متوفر dexosيبقي الجودة اماacea a3b3 او a3b4
وممنوع اي زيت acea a1b1 او a5b5

1- هل انت متأكد من انك قرأت الكلام ده فى الكتالوج بنفس النص ده ؟؟
2- هل انت متأكد ان ده كتالوج موتور عربيتك تحديدا ؟؟

3- لازم تصور صفحات الزيوت و تضعها هنا علشان نقرأ المكتوب بالظبط .. للاتى :
- انا ممكن افهم انه يطلب موصفه ال A3 و كمان يطلب معاها مواصفه Dexos 1 ..
- و ممكن افهم انه يقول لو لم تجد مواصفه Dexos 1 فيمكن الاكتفاء بمواصفه A3
- لكن موش قادر افهم انه يطلب مواصفه Dexos 1 كمواصفه اساسيه ثم ان لم اجد فيمكن استعمال مواصفه A3 ؟؟ .. لانه فى الحاله دى حسب فهمى يبقى ده معناه انى اقدر استعمل مواصفه A1 ؟؟ .. لكن الكتالوج منع استعمال A1 ..

- ال A1 و A5 تقدم حمايه متقاربه مع A3 فى معظم النواحى .. و لكن بفارق اساسى و جوهرى و هو الفيصل ( ال HTHS لل A1 منخفضه جدا عن A3 ) و نسبب تلف شديد للمحرك اذا لم يكن مصمم لذلك
و ده سبب منع استعمال ال A1 و A5 ( منفردين بدون مواصفه اخرى معهم تدعمهم كما وضحت فى الردود السابقه )
و الديكسوس 1 برضه نفس الموضوع .. ال HTHS للديكسوس 1 منخفضه جدا عن A3 و تساوى نفس رقم ال a5

فيه حاجه موش واضحه فى كلامك .. علشان كده لازم تصور صفحات الزيت من الكتالوج علشان نقدر نقرأ المكتوب بالظبط

السؤال التاني الزيت. الحالي 5w30 و مكتوب عليه الاتي
متوافق مع Acea a3b3 A3b4
Vw50200/50500;Mb
Apprval 229.3/229.5
ومكتوب في نهايته للسيارات الأوروبية
هل ده متوافق مع العربية ولا لا؟ وعلي الرغم ان المتطلبات جبتها زي مالكتالوج قال ليه حاسس بتقل العربية؟
اعذرني لكثرة السؤال لكن بكل اسف توكيل مش فاهم حاجه ببحطوا 5 كيلو ومواصفات غير مطابقة ومحدش فاهم الكلام اللي بنتكلم فيه ده في مصر الا من رحم ربي والواحد بقي محتاج يكون واقف علي حاجته لان التوكيل بنظامه ده هيضيع العربية بالاضافة ان محدش عارف الصح فين والواح داخ في الحوار ده

الى ان تقوم بتصوير الكتالوج علشان نفهم موضوع الديكسوس ده مطلوب اضافى او اساسى

يبقى كلام المهندس بوريو سارى ان الزيت اللى انت حطيته مناسب ( موبيل الاوروبى )

و انا وضحت لك الفروقات فى الرد اللى فات