محدش يشتري تاني زيت فتيس ACDelco بتاع منصور شيفرولية وخصوصا لو عربيتك اوبترا الشكل ال

**mmabass** · 27-03-2017 01:48 PM

سلام عليكم كل الناس
تنويه واجب:
----------
محدش يشتري تاني زيت فتيس ACDelco بتاع منصور شيفرولية وخصوصا لو عربيتك اوبترا الشكل القديم ، الزيت ده مش كويس وغير مطابق تماماً للمواصفات بتاعت فتيس العربية اللي هو من انتاج شركة AISIN اليابانية والمواصفة القياسية حسب كتالوج العربية هي JWS3309 وده موجود فقط في فالفولين، للاسف التوكيل بيبيع الزيت على اعتبار انه مطابق للمواصفات عشان عملية بيزنس بحت وطبعا تو...لع عربيات الناس اللي شقيت واشترت عربيات.

عن تجربة شخصية كان هيطرلي الفتيس الاوتوماتيك، الموضوع بدأ معايا ان لمبة ال Hold كانت بتنور وتطفي (blinking) وعملت كدة اكتر من مرة ولما كنت بروح اكشف على العربية بالجهاز عند اكتر من واحد كلهم كانو بيأكدوا ان في مشكلة في زيت الفتيس وحرارتة ولزوجتة مش طبيعيين وانا الحقيقة مكنتش بصدقهم

تكرار الموضوع والعربية والفتيس بيهرتلو كدة خلاني اروح لحد انا واثق فيه تماما واكد كلام الناس اللي قبلة كلهم وكان تفكيري محصور في حاجة تانية خالص غير ده

ولما نزلتة مكنش فيه لزوجة خالص مع انه ماشي ١٥ الف فقط انا نزلت الزيت وحطيت مكانه زيت تاني خالص وهجرب ودعوتكم ميطلعش فتيس
"محدش يصدق اي حاجة يا جماعة بيسمعها"
الشهادة دي لله وربنا يسترها معانا جميعاً
للعلم انا اشتريت الزيت من التوكيل

**Colin Chapman** · 27-03-2017 07:29 PM

**borio1704** · 29-03-2017 02:22 AM

شركة أيسن المتخصصة في تصميم وإنتاج الجيربوكس هي إحدى شركات مجموعة تويوتا .. والجيربوكسات بتاعتها من أفضل الجيربوكسات في العالم.

زيت jws 3309 هو نفسه زيت فتيس تويوتا t-iv (أو t-4) والفرق بينهم مجرد تسمية .. وتسمية jws 3309 ده الكود بتاع الزيت في آيسن

زيت تويوتا ده موجود بسهولة في السوق.. مش هتتعب علشان تلاقيه عند الناس اللي بتبيع قطع غيار تويوتا.

عموما.. نفس الزيت ده كوده في جنرال موتورز هو gm 9986195... وتقدر تتأكد بنفسك من الكتالوج بتاع العربية
وكوده في مجموعة فولزفاجن هو g-052-025-a2

وبصراحة.. ما أنصحكش بأي زيوت من فالفولين... ابعد عنها تماما خصوصا في زيت الفتيس... أصل مفيش زيت في الدنيا يشتغل مع كل أنواع الجيربوكسات بدون استثناء زي ما هما بيقولوا كده.

...

**أحمد الأزهري** · 07-12-2017 04:41 PM

طيب زيت تويوتا ده ممكن نلاقيه فين ؟

**Dr.Solom** · 07-02-2018 02:10 PM

المشاركة الأصلية كتبت بواسطة borio1704

شركة أيسن المتخصصة في تصميم وإنتاج الجيربوكس هي إحدى شركات مجموعة تويوتا .. والجيربوكسات بتاعتها من أفضل الجيربوكسات في العالم.

زيت jws 3309 هو نفسه زيت فتيس تويوتا t-iv (أو t-4) والفرق بينهم مجرد تسمية .. وتسمية jws 3309 ده الكود بتاع الزيت في آيسن

زيت تويوتا ده موجود بسهولة في السوق.. مش هتتعب علشان تلاقيه عند الناس اللي بتبيع قطع غيار تويوتا.

عموما.. نفس الزيت ده كوده في جنرال موتورز هو gm 9986195... وتقدر تتأكد بنفسك من الكتالوج بتاع العربية
وكوده في مجموعة فولزفاجن هو g-052-025-a2

وبصراحة.. ما أنصحكش بأي زيوت من فالفولين... ابعد عنها تماما خصوصا في زيت الفتيس... أصل مفيش زيت في الدنيا يشتغل مع كل أنواع الجيربوكسات بدون استثناء زي ما هما بيقولوا كده.

...

انت جبت من الآخر الله ينور
انا بستخدم زيت ايسين بيدعم t4 وشغال معايا كويس فى الاوبترا

المشاركة الأصلية كتبت بواسطة mmabass

الف شكر معالي الباشا للعلم انا كنت دورت على الداتا شيت بتاع فالفولين ولقيتة JSW 3309 وموجود في مصر انا حطيت Shell Spirax- S3 ATF MD3 يا ريا تقولي ايه رأيك فيه
عموما لو تعرف حد بيبيع زيت التويتا بس يكون مضمون واصلي يا ريت تقولي على مكانة انا كلمت توكيل تويوتا قالولي انهم مش بيبيعوه وبيستخدوا Mobil ATF320 في عربياتهم

موبيل 320 اسوء زيت استخدمته فى الفتيس الاوتو ومش مناسب ليه اصلا.. استخدم زيت ايسين T-IV