السلام عليكم ورحمة الله
الاعضاء المحترمين ...برجاء من له الخبرة فى المرور والتراخيص يفيدنى لان اليوم حصل موقف غريب معايا فى المرور...
المفروض اننى معايا العربية بتوكيل وماشى بتصريح مرور لان الملف لسة متنقلش من المرور اللى اشتريت منه العربية ...المهم قلت لمسؤل التراخيص بقالى سنة بترخيص وعاميز الرخصة الكمبيوتر ...المهم قلى عادى نعملهالك ...اشتريت نموزج كمبيوتر واستمارة ملاكى ...بس أنا بصراحة ملئة نموذج الملاكى ببياناتى مش ببيانات البائع السابق اللى الرخصة باسمه ...وكمان انا معملتش نقل ملكية لان الرخصة لسه فيها سنه ونصف باسم المالك السابق ...سلمت الورق وعرفت المسؤل اننى اخطأت وكتبت بياناتى بدل بيانات المالك السابق (لاننى معملتش نقل ملكية ) قلى مفيش مشكلة ...تفاجأت بان الرخصة طلعت باسمى ..مش بس كدة ..دا خلى تاريخ الفحص كمانثلاث سنوات ..كانى بالظبط نقلت ملكية ورخصت سنة وفحص 3 سنين
المشكلة انى كنت اخر واحد فى المرور بعد انتظار طول النهار ولو ابديت ملاحظتى هضيع كمان يوم فى المرور ,,,
تانى شىء ان مالك السيارة القديم اشترى عربية جديدة وعايز يحط فى الملف بتاع عربيتى عقد بيع وشراء مسجل علشان ميتحسبلوش سيارتين
يا ترى ايه الحل ..اكبر دماغى والرخصة معايا لحد سنة ولما اجدد اظبط المظابيط ( كتير من الناس قلولى حظك وكبر دماغك)...
اسف على الاطالة ...بس حبيت استفيض بالموضوع علشان الراى يكون صحيح
وشكرا للجميع