لمبة ال abs بتنور وتطفى احيانا - m11

السلام عليكم ورحمة الله وبركاته

اخوانى الكرام, من يومين كنت غسلت العربية بس مغسلتش الموتور, يعنى غسيل برة وجوة عادى جدا بس من بعدها فوجئت بلمبة ال abs بتنور احيانا فى تابلوه العربيه. غالبا فى بداية الدوارة مبتنورش وبجرب فرامل العربية الاقى ال abs شغال تمام لكن احيانا تقوم منورة فأجرب ميشتغلش وهكذا. هى باختصار شوية تنور وشوية تطفى بمزاجها.

حد عنده تفسير لده؟ هل ده معناه ان وحدة الكنترول بتاعة ال abs بتعلق لسبب ما؟ باظت؟ هل له علاقة بالتيل (ولو انى اشك فى كده)؟

ارجو الرد من اى حد واجهته المشكلة قبل كده او عنده فكرة ولك منى خالص التحيات

فى كل فرده فيها حساس مربوط بمسمار عشره فى السره فكهم ونظفهم لانهم السبب مش اكتر من كدا

اقتباس:

---

المشاركة الأصلية كتبت بواسطة الهاشمى

فى كل فرده فيها حساس مربوط بمسمار عشره فى السره فكهم ونظفهم لانهم السبب مش اكتر من كدا

---

متشكر جدا لحضرتك


هروح للميكانيكى يفكهم وينضفهم واشوف النتيجة


تحياتى

اخى الفاضل انا روحت بالفعل بس لمتخصص تيل فرامل وطنابير عشان الطنابير كانت محتاجة تتمسح والتيل يتغير
وصلنا لمكان الحساسات وفكناهم ونضفناهم لانهم فعلا كانوا عليهم وساخات كتير وانا شاركته فى التنضيف كمان عشان اطمن بس للاسف اللمبة لسه بتنور
تفتكر كده المشكلة فى ايه؟

لو عملت شغل في بلي العجل قريب ممكن يكون السبب.... حساس الabs في الام 11 بيشتغل علي مجال مغناطيس من بلي كل عجلة ..... و بيشتغل حساس abs و حساس سرعة في نفس الوقت ...

لو المغناطيس بتاع البلية اللي راكبة علي عجلة في عليه تراب او مكسور في جزء هيعمل كدة .....


نظف العجل و روس الكبالن ..... اغسل العربية من تحت في بنزينة بمسدس ضغط و خليه يركز علي الاكسات و الطنابير من جوة بس و العربية باردة علشان الطنابير مقفعش

هيما ازيك ويارب تكون بخير..
لا معملتش شغل خالص ف بلى العجل خالص قبل كده ..
الغريب بقا ان اللمبه نورت بعد اخر مره غسلت فيها العربيه ف مغسله

ضربنا فيها مسدس ياهيما بس مفيش فايده لسه بتنور وبقت تنور اكتر من الاول

لوبقت تنوراكترمن الاول بعدالغسيل دا اكبردليل على وجود وساخه على مغناطيس البلى الفردتين اللى قدام بيقراهم الحساس من البلى وعشان تنظف مغناطيس البلى لازم تفك السره لان المغناطيس من الناحيه الداخليه للسره اما الفردتين اللى ورا مبيقروش من البلى نهائيا لان موجود ترس مشرش ممغنط بيقرا سرعته الحساس بس اول حاجه شوف الفيش بتاعت الحساسات لتكون فى وحده مقطوعه او ماكسده من الميه وبعدكدا حتى تفكر فى حل اللى قولنا عليه

كلام حضرتك سليم لما نضفنا نضفنا الحساس بس لكن منضفناش المكان اللى بيبيت جواه وانا شكيت فى كده.
همشى واحدة واحدة وراها وربنا يسهل.
متشكر لحضرتك.

امبارح وحت لصديق عنده مركز صيانه حط العربيه عالكمبيوتر لقينا الحساس الامامى شمال مسجل عطل.
فكينا الحساس كله من اول السوره لحد فيشة الكهربا ونضفناه ونضفنا الفيشة والمكان اللى بيبات فيه الحساس وركبنا الحمد لله لحد دلوقتى منورتش من امبارح.
شكرا لحضراتكم للمشاركة والافادة