هل الفيات أونو 93 - 800cc ممكن تسافر؟
السلام عليكم
اول مشاركة ليا معاكم واتمني حد يساعدني
انا مليش خبرة كبيرة في العربيات واتمني حد يساعدني في الموضوع دا
دلوقتي انا اشتريت فيات اونو 93 ايطالي من فتره
موتورها 800cc
وانا مقيم في برج العرب وبحتاج انزل اسكندريه مرتين في الاسبوع
المسافه من البرج لاسكندريه 90 كيلو (يعني المشوار رايح جاي قول 200 كيلو)
هل العربية ينفع انزل بيها المشوار دا مرتين في الاسبوع؟ ولا هيا مش بتاعت سفر وغلط عليها المشوار دا؟
مع العلم اني لما بسافر بيها بمشي بسرعة 80/100 ك علي الخامس، وببقي متأكد اني مش ضاغط علي الموتور، وعداد ال rpm بيبقي بين 20/30
السؤال التاني المهم بردو وياريت تفيدوني فيه، لو السفر غلط عليها، هل ينفع اغير الموتور بتاعها لموتور مثلا 1400؟ هايتكلف كام تقريبا؟ وهل هاحتاج اغير حاجات تانية غير الموتور عشان اسافر براحتي؟
وشكرا