صوت تنتيش في الموتور؟؟

**SAMER_ENGINES** · 06-12-2008 03:23 PM

يا جماعة انا احترت و سلمت خلاص و غلب حماري و سلمت خلاص لأني في حاجة اول مرة تحصل معايا من ساعة ما جبت العربية دي.
من فترة طويلة غيرت طقم الكهرباء و بعدين بعد التغيير حسيت بصوت تنتيش في الموتور فانتظرت شوية و غيرت طقم الكهرباء مرة تانية و صوت التنتيش و صوت الكهرباء اللي في الموتور ده زاد اوي و بالذات لما ببقي بسخن و العربية باردة او و انا مزود بنزين علي خفيف بيبقي واضح اوي الصوت فعايز حد يفيدني هل أغير طقم الكهرباء و لا أغير الميكانيكي و لا أعمل أيه و علي فكرة العربية ماشية كويس و سحبها معقول :b4_048: و محدش و حياتكم يقولي الموتور خفيف لأني عربيتي لادا 2105 مو ديل 1995 أستعمال 1997 و ماشاء الله ماشاء الله عملة 43 ألف و كسور لحد النهاردة يعني تعتبر مش بتمشي اصلاً ممكن حد يفيدني؟؟

**SAMER_ENGINES** · 06-12-2008 08:32 PM

ايه يا جماعة طيب حد يدخل يقولنا مساء الخير صباح الخير سلامه عليكوا اي حاجة طيب ارمي البضاعة من شباك العربية و انط وراهم و اقول بعتهم.

**Dr_Smart** · 06-12-2008 08:39 PM

انا تقريبا عندي نفس المشكلة ومش عارف من ايه

بس اعتقد ان ممكن تكون سلوك بوجيهات او تنظيف كربراتير والله اعلم

يا رب اخوانا في المنتدى يفيدوك

**Lion_Heart** · 06-12-2008 09:58 PM

المشاركة الأصلية كتبت بواسطة car_lover

يا جماعة انا احترت و سلمت خلاص و غلب حماري و سلمت خلاص

لأني في حاجة اول مرة تحصل معايا من ساعة ما جبت العربية دي.
من فترة طويلة غيرت طقم الكهرباء و بعدين بعد التغيير حسيت بصوت تنتيش في الموتور فانتظرت شوية و غيرت طقم الكهرباء مرة تانية و صوت التنتيش و صوت الكهرباء اللي في الموتور ده زاد اوي و بالذات لما ببقي بسخن و العربية باردة او و انا مزود بنزين علي خفيف بيبقي واضح اوي الصوت فعايز حد يفيدني هل أغير طقم الكهرباء و لا

أغير الميكانيكي و لا أعمل أيه و علي فكرة العربية ماشية كويس و سحبها معقول :b4_048: و محدش و حياتكم يقولي الموتور خفيف لأني عربيتي لادا 2105 مو ديل 1995 أستعمال 1997 و ماشاء الله ماشاء الله عملة 43 ألف و كسور لحد النهاردة يعني تعتبر مش بتمشي اصلاً ممكن حد يفيدني؟؟

وهل بعد ما بتسخن او تمشى بيها مشوار بتسمع نفس الصوت ولا بيختفى , و الصوت زى صوت كركرة كده ؟؟؟

**ibrahimsaad** · 07-12-2008 12:18 AM

كان حصل معايا زى كده بعد تغيير طقم الكهرباء

واتضح ان السبب هو الكوندنسر الجديد طلع مغشوش فقام الميكانيكى غيره بواحد من عنده استخدام وفعلا بقت كويسه بعد تركيبه

**SAMER_ENGINES** · 07-12-2008 01:41 AM

أولا أنا بجد بشكركم جدا
و الصوت مش كركرة هو مثلا مثلا زي هب هب حاجة بتهب كدة يعني تنتيش بس بعد ما بتسخن بحس اني الصوت خف لكن لو دست بنزين علي خفيف و كانك بتسخن بيوضح اوي في الدوسة بتاعة التسخين الخفيفة دي الصوت بيبقي واضح جدا سواء باردة او سخنة و انا شاكك برده في الكوندنسر اتمني لو حد ليه رأي تاني ميبخلش عليا و الف شكر.