يعنى ايه AUX , USB , لأنى بأسمع ان لازم اجيب كاسيت به aux او usb ياريت حد باختصار يعرفنا المصطلحات دى و ايه فائدتها لتعم الفائدة .
سؤال لو عاوز كاسيت بدون cd الاقى Pioneer ولا خلاص كله بقى cd .
و تقريبا يعمل كام .
عرض للطباعة
يعنى ايه AUX , USB , لأنى بأسمع ان لازم اجيب كاسيت به aux او usb ياريت حد باختصار يعرفنا المصطلحات دى و ايه فائدتها لتعم الفائدة .
سؤال لو عاوز كاسيت بدون cd الاقى Pioneer ولا خلاص كله بقى cd .
و تقريبا يعمل كام .
ارد عليك انا يمكن حد يرد عليا فى موضوع ال mp3
aux باختصار كدة زى المدخلين اللى فى الرسيفر من الخلف (زى الاوديو فيديو)
ودة فائدتها ممكن تعمل سلك وتخرجه على برة وتوصل ( موبيل او mp3 او i pode او mp4 او mp5)
وهى بصراحة مريحة جدا عشان لو لاقدر الله الاسطوانات فيها مشاكل او الجزأ المخصص لتشغيل الاسطوانات فى مشاكل. تستخدم على طول بكل سهولة هذا السلك اللى خارج من ال aux وتشغل الموبيل او mp3.
بالنسبة للفلاشusb هو عبارة عن ميمورى كدة اللى بيدخل فى الكيس بتاع الكمبيوتر من الخلف وبتنقل عليه اغانى او داتا.
وفى دلوقتى كاسيت بايونير او اى نوع . فى مدخل usb ممكن تدخل فيه الفلاشة دة عادى ممكن تكون 2 جيجا او 4 او 8 او 32 زى ماتحب وهى بتوفر جدا. والتحكم ساعتها هيكون من الكاسيت اللى فيه ال usb .
ان شاء الله هيردوا عليك :w6266d
افهم من كده ان فى اجهزه بايونير كاسيت بدون CD بها ال AUX & USB لأن كل اصحابى بيشتكوا من ال CD فقلت اهو اجيب حاجة تؤدى الغرض وتكون فيها امكانيات قريبة لل CD بالاضافة للصوت النقى و ياريت لو تعرف سعره يكون فى حدود كام .
و لك جزيل الشكر و ربنا يوفقك لمرادك .
بص ياسيدى . عشان متتعبش زى صحابك . وزى لانى كرهت حاجة اسمها cd
على الرغم من ان عندى سى دى سيمفونى . بس متنيل الاسطوانات لابتشتغل ولا عايزة تخرج من السى دى . وحلفت عليه ان مادافع فيه مليم للتصليح.
والحمد لله ان اخر مرة اتصلح الراجل عملى سلكين فى البوردة وصلهم ببعض . عشان يشغل المخرجين اللى برة aux لانهم كانوا اصلبا بتوع جى ا م
هات كاست بايونير لو اتنطط هيعمله 450 على مااعتقد . لان اقل بايونير ( سى دى ) بيعمل حوالى 500 600 تقريبا . فمابالك بالشرايط هيعمل كام.
المهم هاته ويكون فى مخارج ال aux اللى فى الخلف ووصل عليها . ام بى ثرى او الموبيل . وريح دماغك من قرف المطبات . وحوار العدسات والتصليح.
نصيحة لانى صرفت تصليح على ال سى دى حوالى 200 جنيه على مدار سنتين.
ممكن الاعضاء فى المنتدى يقولوا انت عندك نوعية تعبانة . هقولهم اهو كله قرف واسطوانات ومطبات وبهدلة.
شكرا على استجابتك , فعلا هوه ده اللى بأفكر فيه وعمال كمان ادور على Fm Transmital Or Fm Modulator عشان انا حاسس ان الcd فى مصر لسه عليه بدرى شوية زى كده ال Cd Rom بتاع الكمبيوتر زمان و بعد كده بقى تمام , لسه بدرى على استخدامه شوية , وشكرا للنصيحة , لكن هل بايونير لسه بتنتج كاسيت بس !؟؟ , ولا هادور على منتج قديم ؟؟!!
بص ياسيدى نصيحة لو قصدك على البتاع الاف ام اللى بيتحط فى الولاعة ماانصحكش بية. لسة واحد صاحبى شاريه وحاطة فى دايو لانوس . المهم البتاع دة صوتة وحش ال vol بتاعه اخرة 18 وبيوش وانت ماشى تحت السلوك الكهرباء اللى فى الشارع .
والشاة بتاعته تعل الواحد . زميلى دة كان جايب ال لام بى ثرى بتاع الولاعة ب 70ج والفلاشة ب 40ج اللى هى 2 جيجا .
هو هو نفس السعر هاتلك mp3 وريح دماغك.
للعلم انا متعب اوى فى موضوع ان الواحد يلاقى الامكانيات اللى تريحك ومتتعبككش.
احب الحاجة اللى تريح الواحد . بشوف كل اللى موجود فى السوق واقرر اجيب انه.
بتاع ال اف ام . ولا ام بى ثرى. واقرر اجيب اللى هيوفر معايا . لانى استويت فى تصليح ال cd بتاعى .
تقصد MP3 ولاعة انه بيشحن من الولاعة و لا يحتاج بطارية ؟؟
هات اي حاجة فيها USB و هاتلك flash drive 8GB .. ارمي عليها كل الأغانى و اي حاجة عندك و ريح نفسك من الCDs و الكلام اللى بياخد مكان فى العربية ده ...:)
انا عندى بتاعي Kenwood فيه USB و aux و CD و مبستخدمش السي دي خالص..حاطط كل حاجة عالflash drive
بس ... كده Successcre8or جابلك من الاخر .
حتى انا اصلا ناوي عالحوار ده من فتره و هاعمله بعد العيد ان شاء الله .
انا منمر على CD سوني جامد .. و مجهز الفلاشة 4 جيجا .. كفايه جدا..
و يبقى كده احلى كلام.
و نصيحة يا اخ كمال .. بلاش الحوار بتاع الاف ام اللي على الولاعة ده .
فاشلة اخر حاجة صدقني .
معلش فى سؤال , هل يوجد مثلا بايونير كاسيت من غير CD فيه USB & AUX و لو شغلت عليه ال فلاش هل اقدر اتحكم فى ال FOLDERS & files ..؟؟
انا بصراحة مش عارف فيه بيونير من غير CD فيه USB ولا لأ ... بس بتهيألى الفرق هيكون مش كبير يعنى :)
يعني اية تتحكم فى في الـfolders ؟؟ انت ممكن تدخل على الـfolders و تختار الملف اللى عايز تشخله عادى جدا من الجهاز لكن انا عندى مثلا مينفعش امسح حاجة من عليها غير عن طريق الكمبيوتر...
اقصد بالتحكم فى ال Folder بأنى اختار ال Folder اللى انا عاوزه و منه اشغل أى File .
ايوا طبعا ممكن بس فى الأنواع المحترمة .. الماركات يعنى :)
لية سؤال بقة ياجماعة .
فى واحد صاحبى بيقولى له صاحب جاى من بولندا وجايب معاه mp3مفترى الزراير بتاعته فى السلك اللى بيتعلق فى الرقبة. غير كدة ال mp3 دة ليه مدخل usb اخر ممكن تحطلة فلاشة . غير ال usb الاصلى بتاع ال mp3
هل ال mp3 موجود فى القاهرة ولا لسة موضوع ال mp3 اللى ليه usb زيادة مش موجود فى مصر
حكاية ال usb دى مهمة يا ريت لو حد يعرف كاسيت بايونير بشرائط فيه خاصية ال usb يعرفنا لأن عندى شرايط مقدرش استغنى عنها و عشان انزلها على الكمبيوتر او احولها ل mp3 عاوزة فضا فكنت عاوز الميزتين ..
السلام عليكم وعيد سعيد عليكم جميعاً
احب أبدأ كلامي بإن كل حاجه وليها استخدامها
بمعنى
الكاسيت السي دي عشان يشغل اسطوانات ..
ال Mp3 بلاير عشان يكون معاك في اي مكان
الفلاشة اساسا لنقل البيانات ايا كان نوعها
احسن الحلول انك تجميع بين اكتر من حاجه
كاسيت بيونير فيه Aux او Usb
ويكون معاك Mp3
لان الmp3 هتستفيد منه تشغله في اي مكان وكفلاشة ومكان الاسطوانات
بس نرجع ونقول ان الامكانيات كلها بتكون من السي دي نفسه
وده عيب الام بي ثري او الفلاشة الي بتتوصل ع الكاسيت
نصيحتي كاسيت بيونير مش اي نوع تاني وmp3 شحن مش بطاريات
تحياتي
طيب ال mp3 اللى بيتشحن (من الولاعة !! ولا منين ) مش بطاريات بيتوصل ب ال aux , لو كده يبقى انا مش محتاج ال usb عشان استخدم فلاشة وهيكون اعتمادى على mp3 ذو سعة عالية وخلاص , الكلام اللى انا بأقولة مظبوط ولا انا فهمت غلط .
بمعنى انى اجيب كاسيت بايونير به aux و mp3 بيتشحن ..تمام كده .
طب معلشي ياجماعة انا عندي فيرنا الهاف اوبشن الف 1600 اللي بيركب فيها كاسيبت عادي الرود ستار هل يا تري فيه مدخل Aux؟؟؟؟؟؟؟
ولو مفهوش اعمل ايه انا معايا Mp4
ومش عارف اعمل ايه يا جماعة دلوني ؟
محدش رد عليا يا جماعة ؟؟
يا جماعة حد يفيدني ؟؟؟؟؟؟؟؟