السلامو عليكم ورحمة الله وبركاته
اولاً انا بشكر كل القائمين على المنتدى ومجهوداتهم الرائعة وكل الاعضاء البجد انا استفدت منهم كتير فى انى اخدت قرار شراء العربية جين تو 2009 والحمد لله انا استلمت ورخصت والعربية عملت 1000 كيلو وكان المفروض اعمل صيانة الـ 1000 النهاردة ومكنتش اعرف انى لازم احجز قبلها علشان اعمل الصيانة فرحت لحد الصحراوى وقالولى مش هانقدر نعملك حاجة النهاردة مع انى كن مكلك ا \ محسن وسألته هو انا لازم احجز علشان الصيانة قالى لا مش لازم بس روح بدرى وانا كنت 8:30 بظبط هناك لكن مفيش نصيب انى اعمل صيانة قبل العيد مع انى كنت محتاج الصيانة قوى لانى عندى مشكلة فى الفرامل الفرامل واطية جدا يعنى مبتمسكش معايا غير فى الاخر خالص والكلام دة من اول يوم وقلت ابقى اعملها فى صيانة الـ1000 - ياترى المشكلة دى قابلت حد فى 2009 ولا دى حالة فردية ؟
- انا ما اخدتش منهم المنيول بتاع العربية ولا جدول الصيانة بتاعتها وقالولى هاتيجى بعدين ؟
- وبعدين كنت عايز اعرف هى العربية مبينزلش معاها ولاعة وطفاية فعلا لآن انا لما رحت اشترى فرش للعربية سألت على الطفاية قالولى دى متنزلش غير فى تلات عربيات الانسر والسيفك و البروتون وبعدين وانا بستلمها قالولى مبينزلش معاها طفاية ولا ولاعة لو حد يعرف حاجة عن الموضوع د ة يقولى وجزاكم الله خيرا وكل عام وانتم بخير