مشكله مع تيل فرامل ام 11

**khaled_Saga** · 12-04-2017 05:16 PM

السلام عليكم ورحمه الله وبركاته

امبارح روحت مسحت الطنابير لانها كانت بدأت تتبهدل من التيل القديم اللى كان راكب كان سيء للغايه وطبعا اشتريت طقم تيل امامى وخلفى عشان ابدأ على نضيف. التيل الامامى مصرى الصنع والخلفى صينى الصنع (الصور بتاعت العلبة فى المرفقات).

المهم ان من ساعة ما ركبتهم وحاسس بصوت غريب مش صفارة زى مشاكل التيل الطبيعية بس زرجنه كده جايه من ناحية العجل اللى ادام بحسها اكتر مع لفة الطارة لفة بسيطة والصوت بيختفى مع دوسة الفرامل. ده حصل قبل كده من فترة لما ركبت تيل جديد وكان الحل انى اغير التيل وفعلا روحت التوكيل وغيرته والدنيا اتظبطت فهل ده عيب خامة تيل؟ ولا عيب صنايعى فى تركيب التيل؟؟

ممكن حد يفيدنى من فضلكم.

**hemaa_82** · 13-04-2017 11:13 AM

لو سوستة التيل خفيفة و التيل محمل علي الطنبورة بيحصل اللي انت بتقول عليه .... خلي صنايعي يمسحلك التيل و ركبه تاني و جرب

**khaled_Saga** · 13-04-2017 10:19 PM

بالظبط ياهيما تحس زى مايكون حاجة بتحك ف حاجة
يوم السبت هروح للى مسح الطنابير تانى واخليه ينضفهم

**khaled_Saga** · 16-04-2017 12:03 PM

انا روحت للى مسحلى الطنابير وركب التيل قاللى حاجة من اتنين يا اما البستم تقيل يا اما خامة التيل وحشة
فك العجل لقى البساتم كويسه
فك التيل الامامى لاحظ انه اللقم مش عدله يعنى عالة من حته وواطيه من حتى وده واضح على الطنابير لسه مش مطبعه مع التيل قام مسحه بصنفره عشان يعدله وغير مكان التيلين يعنى اللى كان فى الشمال جابه فى اليمين والعكس لان الصوت كان فى الغالب جاى من ناحية اليمين فقال لما نشوف هيتنقل للشمال ولا ايه.
عموما انا لاحظت تحسن والصوت مظهرش غير مرتين تلاته بس بدأ يظهر صوت ناحية اليمين عبارة عن تكه كده بسمعها مع دوسة الفرامل مش عارف ده ايه بقا؟ واضح ان خامة التيل زبالة وشكلى هغيره تانى وعوضى على الله فى تمنه :(

**الهاشمى** · 22-04-2017 12:46 AM

الزرجنه بتيجى من اول حاجه لو الطنابيرمش مسوحه كويس ولسه فيها عتب عندمنطقه طرف الطنبوره او ناحيه قلب الطنبوره تانى حاجه لوشديت قوى على مسمارين التثبيت الحاملين للبستم بيخلى بحميل على اطنبور مع سخونيه ثالث حاجه لوبليه العجل فيها بوش بسيط اثناء لف الدريكسيون بيحصل تحميل على لقم التيل سواء كانت الداخليه او الخارجيه رابع حاجه خامه التيل نفسه وحشه وبتاكل الطنبوره