غيرت عنواني هل لازم اغير رخصة العربية للمرور الجديد ؟

**hozaifa ezz** · 13-04-2017 04:59 AM

ياريت لو حد يفيدني ضروري بعد اذنكم

دلوقتي انا غيرت عنواني من محافظة لمحافظة تانية ومعايا عربية باسمي علي مرور المحافظة القديمة والعربية انا سايبها لاخويا العنوان القديم وعامله توكيل ومش عاوز انقلها معايا ..

هل تغيير عنواني يجبرني اغير رخصة العربية ولا عادي اسيبها زي ما هي ؟

ياريت حد يفيدني وشكرا ليكم :)

**amr011111** · 13-04-2017 10:21 AM

لازم عنوان البطاقه هو عنوان الرخصه
فطالما غيرت عنوانك على محافظة تانيه يبقى ساعة الترخيص هترخص فى المرور الجديد وتروح تعمل مطابقة بصمه من المرور القديم
حل تانى انك تطلع بطاقه على العنوان القديم وتفضل ترخص فى نفس عنوانك القديم

**hozaifa ezz** · 13-04-2017 12:18 PM

طيب تمام .. ساعة التجديد يحلها حلال

لكن انا كنت قريت حد كاتب هنا عن موضوع ال 30 يوم
وانك لو ما غيرتش الرخصة خلال 30 يوم من تغيير البطاقة الجديدة بتعتبر الرخصة لاغية ولما تروح تجدد مش هاتعرف
صح الكلام دة ؟