استفسارات عن مازدا ٣ ٢٠٠٧
السلام عليكم..
يا جماعه انا بدور حاليا على عربيه اوتوماتيك تكون ركوبه محترمه فى حدود ١٠٠ الف
و قدامى مازدا ٣ ٢٠٠٧
انا قبل ما اعمل الموضوع ده شوفت مواضيع كتير فى المنتدى هنا بس عن المازدا بوجه عام
فكنت عاوز استفسر عن كام حاجه كده فى موديل ٢٠٠٧ علشان هى إللى قدامى حاليا..
- هى ايه فئات الموديل ده بالظبط ؟؟ و ايه الفرق بين كل فئه و التانيه ؟؟
- اداء العربيه بوجه عام .. صوت المكنه.. العفشه.. السحب.. الاتزان على السرعات العاليه و الثبات فى الملفات.. مدى التحكم فى العربيه فى المناورات.. ؟؟؟
- هل فيه مشكله بخصوص الفيتيس الاوتوماتيك (موضوع النتشه مع النقلات دى) و لا ده كلام و خلاص ؟؟
- سمعت ان الموتور متثبت على القواعد بس و العربيه مفيهاش قنطره !!! وهل لو ده صحيح يبكون ليه تأثير على اداء الموتور او العربيه بوجه عام ؟؟
- موضوع قطع الغيار ده أتهرس كتير و معروف انها نادره و غاليه كمان .. بس يا ترى ده مينزلش من سعر العربيه على أساس انه لا قدر الله لو حاجه حصلت ممكن تقعد جنب العربيه شويه على ما تلاقيلها حاجتها ( ناهيكم عن استغلال التجار بقى بحكم ندرة القطع )..
انا آسف لو كنت طولت عليكم.. بس أتمنى إنكم تفيدوني و تساعدوني على الحكم بموضوعيه