نصيحة لوجه الله لشراء عربية جديده كل ذوي الخبره واللي يحب يساعد يدخل
السلام عليكم
أنا عضو جديد معاكم بالمنتدى وان كنت متابعه من زمان
أنا من اسكندريه وحابب اشتري عربيه جديده تكون في حدود 300 أو أزيد شويه مش مشكله المهم اكون مستريح لها
بصراحه زي ناس كتير بتكون محتاره وهي ناويه تشتري اول عربيه ليها تجيب ايه بالظبط
ناس نصحتني اجيب الصيني زي شيري تيجو لرخص الثمن وقالوللي صيانة الصيني دلوقتي منتشره وقطع الغيار رخيصة حاليا في مصر بسبب انتشار العربيات الصيني لارتفاع أسعار الكوري والياباني وغيره بسبب ارتفاع الدولار
ناس تانيه قالولي ابعد عن الصيني لمشاكله الكتيره
ناس نصحتني باللانسر وغيرهم قاللي الالنترا Ad
وفيه اللي قاللي السيراتو
ناس قالتلي السيدان اشيك وتانيين قالولي Suv أو الكروس أوفر أحلى وافرس وعارف انها ازواق
بس بصراحة انا محتار حجات كتير كويسه بس المهم السعر
آخر حاجه ناس قالتلي هات الزيرو أفضل وناس قالتلي كسر الزيرو سنة أو 2 أقدم مع عداد قليل احسن لأنه هيوفرلي فرق كويس عن الزيرو وتريح نفسك من دوشة وبهدلة التراخيص وغيره
وناس تالته حذرتني من الاستعمال عموما لأنه زي البطيخة ممكن تقع في نصابين ويكون العربيه ملعوب فيها أو مش باين عليها حتى لو كنت خبير
الموضوع طويل وانا طولت عليكم رغم اني عندي استفسارات تانيه لكن دي أهمها
المهم في النهاية الناس الصادقة تنصحني اجيب عربية ايه بالظبط في حدود ال 300 وتكون من مكان موثوق منه في اسكندريه يعني ناس ثقة وتحترم التعامل مع الزباين وليهم سمعتهم ولو في محافظه تانيه مش مشكله المهم اكون مستريح وناس ثقة
رجاء اللي يقول رأي يكون عن تجربة
اسف للاطالة
وشكرا ليكم مقدما