عرض للطباعة
السلام عليكم
مع صيانة ال ٦٠٠٠٠كم لعربيتي اكسنت rb 2013 المهندس عرض عليا دورات للتنظيف بنزين (١٢٠٠ جنيه) و زيت (٨٠٠ جنيه) و تكييف (٦٠٠ جنيه ) .
هل حد جربهم و هل ليهم لازمه و قيمه فعلا ولا تكاليف على الفاضي؟
ده كان في فرع غبور العبور
انا منفذتهمش نظرا لارتفاع التكلفه ده غير تكلفة صيانة ال ٦٠ :)
شكرا
تنظيف دورة البنزين مهم جدا لإنه بيأثر بشكل مباشر في أداء العربية...
إنما التكلفة دي خرافية... التنظيف تقدر حضرتك تعمله بنفسك بكل سهولة.. بمجرد إنك تشتري منظف البخاخات من أي بنزينة محترمة... والعملية دي يستحسن تعملها كل 5000 كيلو حسب توصيات كتالوج عربيتك..
تنظيف دورة الزيت بالتكلفة دي بردو كلام فارغ... وحضرتك مش هتحتاجه نهائي لو كنت بتغير الزيت في مواعيده .. وكمان استخدام زيوت تخليقية بطبيعتها بتنظف الموتور (بشرط استخدام الزيوت المناسبة حسب الكتالوج وتغييرها في المواعيد بتاعت الكتالوج)..
فطبعا.. كل ده كلام فارغ..
تنظيف دورة التكييف بصراحة دي أول مرة أسمع عليها...
بس قياسا على ما سبق... أكيد بردو هي اشتغالة زيهم..
تقدر تستغنى عن كل ده لو مشيت على توصيات كتالوج عربيتك.
...
تنظيف دورة الوقود :
1- يجب تحري الدقة في محطات البنزين التي يتم من خلالها تزويد السيارة بالبنزين .. بمعني الابتعاد عن المحطات التي بها غسيل للسيارات لوجود أحتمال لتسريب المياه الناتجة من الغسيل الي داخل خزانات الوقود
2- أستخدام منظف الرشاشات و دورة الوقود بشرط أن يكون المنظف مضمون و موصي به من قبل الصانع أو صانعي السيارات المشهورين كل 10,000 كم مع التاكد من تاريخ الصلاحية علي العبوة
تنظيف دورة الزيت ..
لايوجد معني لهذا الكلام لأن الزيت يحتوي علي مواد مشتتة و مواد منظفة و هذا هو سبب تغير لون الزيت من الذهبي الي البني أو الاسود
لذا من المهم جدا تغيير الزيت في موعده للتخلص من الزيت الذي يحتوي شوائب أو مواد كربونية و أحلاله بزيت نظيف يكمل تنظيف المحرك و مجاري التزييت
تنظيف دورة التكييف ..
نتيجة لوجود دخان خاصة من السجائر او الاتربة يتم أحتجاز هذه الروائح بفلتر التكييف و المجاري الخاصة بفتحات التهوية كما تعلق بها البكتيريا مما يتسبب في الرائحة الكريهة عند تشغيل التكييف
لذا فيفضل كل 10,000 كم تنظيف الفلتر بالهواء و أستخدام عبوة تعقيم الهواء و توجد منها أنواع عديدة يتم استخدامها مرة واحدة أثناء تشغيل التكييف ليتم تعقيم فتحات التهوية و المجاري الخاصة بها و التخلص من الروائح الكريهة
- ثمن منظف دورة البنزين و الرشاشات علي اقصي تقدير (70 - 90) جنيه
- ثمن عبوة تعقيم التكييف علي أقصي تقدير (120 جنيه)