-
1 مرفق
مشكله فى زيت
السلام عليكم ورحمه الله وبركاته
انا معايا عربيه مرسيدس 200 موديل 76 العربيه بتجيب زيت من كل مكان "مكان تزويد الزيت . البواجى...الخ
السحب معايا قل خاصه اول لما العبربيه بتتحرك على الاول والتانى
الميكانيكى بيقولى عاوزه عمره انا خايف لانهم احيانا بيكونوا معدومى الضمير وعاوز اى فلوس من الزبون الى قدامه براجاء المساعده .الحمد لله مافيش دخان بيطلع من الماكينه
لصوره خروج الزيت
ملف مرفق 15836
-
اللي في الصور ده طبيعي بالنسبة لعمر العربية..
https://www.nilemotors.net/Nile/atta...6&d=1492288010
كل التسريبات دي لإن جوانات الموتور بالكامل عايزة تتغير... ولو الموتور ما اتحلش من سنة 76 (41 سنة).. فيبقى كتر خيره قوي إن الجوانات والأويلسيلات عاملة كده بس.
خلي بالك إن عمر أي جوان أو أويلسيل هو 5-7 سنوات (دي طبيعة الأجزاء الكاوتش في أي مكان في الدنيا).. بعد كده تبدأ التحلل والتشقق يظهر.
التسريب ده ما لوش دعوة بحالة الموتور الميكانيكية... بس المشكلة إنك علشان تغير الحاجات دي احتمال تضطر تحل الموتور بالكامل من الحوض لو كان عندك تسريب من عند أويلسيل الحدافة.. وغالبا هتفك أجزاء مهمة زي وش السلندر علشان تغير أويلسيلات الصبابات مثلا..
لو عايز تتأكد إن الموتور عايز عمرة ولا لأ.. يبقى تروح تعمل اختبار كبس عند ميكانيكي أمين.. وساعتها يبقى تعمل كل الشغل بالمرة.
...
-
تسلم يابشا ربنا يبارك لك يارب هى المشكله انك تلاقى ميكانيكى امين . فى حد ياجماعه يعرف ميكانيكى فى المحله
Content Relevant URLs by
vBSEO 3.6.0 PL2